Golden Poison Frog: మనుషులను చంపే కప్పలను మీరెప్పుడైనా చూశారా..? ఒకేసారి 10 మందిని చంపగలవు

Golden Poison Frog

ఈ ప్రపంచంలో వివిధ రకాల విష జంతువులు నివసిస్తాయి. విషపూరితమైన పాములను మనం చూశాము. అయితే విషపూరిత కప్పల గురించి ఎప్పుడైనా విన్నారా? ఈ ప్రపంచంలో అలాంటి ఒక కప్ప ఉంది. ఇది చూడటానికి చాలా అందంగా ఉన్నా.. చాలా విషపూరితమైనది. ఈ కప్పలను గోల్డెన్ పాయిజన్ కప్పలు అంటారు. అవి సాధారణంగా రెండు అంగుళాలు లేదా కొంచెం పెద్దవి లేదా చిన్నవిగా ఉంటాయి. కానీ ఈ కప్పలు పది మందిని చంపేంత విషం ఇందులో ఉండటం గమనార్హం. శతాబ్దాలుగా కొలంబియాలోని వేటగాళ్ళు తమ ఎరను పట్టుకోవడానికి ఈ రకమైన కప్ప విషాన్ని ఉపయోగిస్తారట.

నేషనల్ జియోగ్రాఫిక్ నివేదికల ప్రకారం.. ఈ కప్పలు ఎందుకు విషపూరితమైనవి అనే దానిపై సమాచారం లేదు. అయినప్పటికీ, వాటి విషం ప్రధానంగా మొక్కలు, విషపూరిత కీటకాల నుండి వస్తుందని నమ్ముతారు. అయితే ఇతర ప్రదేశాలలో ఉన్న కప్పలకు ఎలాంటి విషం లేకపోయినా? ఈ కప్పల్లో విషయం ఉండటం భయాందోళన కలిగించే అంశం. ఈ కప్పలను తాకడం కూడా మరణానికి దారితీస్తుంది. వైద్య పరిశోధనలో పాల్గొన్న వ్యక్తులు ఈ రకమైన కప్పలను వైద్య రంగంలో ఉపయోగించేందుకు ప్రయత్నిస్తూనే ఉన్నారు. ఈ కప్పలు ఔషధాలను తయారు చేయడానికి ఉపయోగించవచ్చని వైద్యులు భావిస్తున్నారు. దీని ద్వారా శక్తివంతమైన పెయిన్ కిల్లర్స్ టాబ్లెట్‌లను తయారు చేసేందుకు శాస్త్రవేత్తలు ప్రయత్నిస్తున్నారు.

ఈ మచ్చల కప్పలో 100 కంటే ఎక్కువ జాతులు ఉన్నాయి. వాటి సగటు పొడవు ఒక అంగుళం కంటే ఎక్కువ. చాలా కప్ప జాతులు కొలంబియాలోని పసిఫిక్ తీరంలో రెయిన్‌ఫారెస్ట్‌లోని చిన్న పాచ్‌లో నివసిస్తున్నాయి. ఈ కప్పలు తక్కువ ప్రాంతంలో ఎక్కువ సంఖ్యలో జీవించగలవు.

ఈ కప్ప రంగు పసుపు, నారింజ లేదా లేత ఆకుపచ్చ రంగులో ఉంటుంది. వివిధ ప్రదేశాలను బట్టి వాటి రంగులు కూడా భిన్నంగా ఉంటాయి. ఈ కప్పలు వేటాడేవారిపై విష ప్రయోగం చేస్తాయని పరిశోధకులు చెబుతున్నారు. ఇవి ప్రధానంగా ఈగలు, చీమలు, చెదపురుగులను తింటాయి. బంగారు పాయిజన్ కప్పల శరీరాలు కూడా విషపూరితమైనవి. ఏదైనా ప్రమాదాన్ని గుర్తించినప్పుడు, చర్మం నుండి విషం విడుదల అవుతుంది. ఆ విషం నేరుగా మానవ చర్మంపై పడినప్పుడు మనిషి చనిపోయే ప్రమాదం ఉంది. ఈ కప్పల విషయం మనుషులపై పడినప్పుడు పల్స్‌ రేటు పడిపోయే చనిపోయే ప్రమాదం ఉంది.

మరిన్ని సైన్స్ అండ్ టెక్నాలజీ వార్తల కోసం ఇక్కడ క్లిక్ చేయండి