Breaking News
  • ఏపీలో విద్యుత్‌ స్మార్ట్ మీటర్ల ఏర్పాటుకు కసరత్తు. ప్రీపెయిడ్‌ విధానాన్ని తీసుకురానున్న విద్యుత్‌ సంస్థలు. జూన్‌ నాటికి స్మార్ట్ మీటర్లు ఏర్పాటు చేసే యోచన.
  • సూర్యాపేట: మునగాల మండలం తాడ్వాయి స్టేజ్‌ దగ్గర బస్సు బోల్తా. డివైడర్‌ను ఢీకొని బోల్తాపడ్డ ప్రైవేట్‌ ట్రావెల్స్ బస్సు. ఐదుగురికి గాయాలు, ఆస్పత్రికి తరలింపు.
  • బయో ఏషియా సదస్సులో టాప్‌-5లో నిలిచిన ఆవిష్కరణ. బెస్ట్ స్టార్టప్‌ పోటీలో ఐఐటీ హైదరాబాద్‌కు ఐదో స్థానం. కామెర్ల చికిత్సకు ఎన్‌లైన్ పరికరాన్ని అభివృద్ధి చేసిన అంకుర సంస్థ.
  • ఆఫ్ఘనిస్తాన్‌లో యుద్ధ విరామం. నేటి నుంచి వారంపాటు యుద్ధ విరామం పాటించాలని.. తాలిబన్‌ తిరుగుబాటుదారులు, ఆఫ్ఘన్‌-అమెరికా సేనల నిర్ణయం.
  • యూఏఈ కోర్టుల ఉత్తర్వుల అమలుకు భారత్‌ అంగీకారం. గెజిట్‌ నోటిఫికేషన్‌ జారీ చేసిన కేంద్ర న్యాయశాఖ.

బీజేపీలోకి టీడీపీ ఎమ్మెల్యే?… అదే దారిలో మరికొందరు!

TDP Leaders, బీజేపీలోకి టీడీపీ ఎమ్మెల్యే?… అదే దారిలో మరికొందరు!

తాజాగా గుంటూరు జిల్లా రేపల్లె ఎమ్మెల్యే అనగాని సత్యప్రసాద్ బీజేపీ నేతలతో భేటీ అయ్యారు.. ఆయనతో పాటూ పార్టీలో కీలకంగా వ్యవహరిస్తున్న అధికార ప్రతినిధి లంకా దినకర్‌లు.. ఢిల్లీలో బీజేపీ పెద్దలతో సంప్రదింపులు జరుపుతున్నట్లు తెలుస్తోంది. వీరిద్దరు ఢిల్లీలో ఇటీవలే టీడీపీని వీడిన ఎంపీ గరికపాటితో కలిసి బీజేపీ పెద్దల్ని కలిసినట్లు తెలుస్తోంది. వీరిద్దరే కాదు.. మరో ఇద్దరు ఎమ్మెల్యేలు కూడా బీజేపీ నేతలకు టచ్‌లో ఉన్నట్లు సమాచారం.

ఎంపీ గరికపాటి రామ్మోహన్‌తోపాటు సుజనా చౌదరి, సీఎం రమేశ్, టీజీ వెంకటేశ్ ఇటీవలే టీడీపీకి గుడ్ బై చెప్పి బీజేపీకి గూటికి చేరారు. దీంతో ఏపీలో టీడీపీ నేతలు, కార్యకర్తల వలసలు జోరందుకుంది. పార్టీలో పెద్ద పెద్ద పదవులు అనుభవించిన నేతలు కూడా ఇతర పార్టీల్లోకి క్యూ కడుతున్నారు. ఈలోపే అంబికా కృష్ణా, బాలయ్య బంధువు పొట్లూరి బాబు వంటి చోటా మోటా నేతలు కమలం గూటికి చేరిపోయారు. ఇప్పుడు తాజాగా ఎమ్మెల్యేల వంతు వచ్చినట్లు కనిపిస్తోంది.

అనగాని సత్యప్రసాద్ రేపల్లె ఎమ్మెల్యే. 2014లో సత్యప్రసాద్‌కు టీడీపీ అధినేత చంద్రబాబు.. రేపల్లె టికెట్ కేటాయించారు. ఆయన మాజీ మంత్రి మోపిదేవి వెంకటరమణను ఓడించారు. 2019లో తిరిగి అదే నియోజకవర్గం నుంచి పోటీచేసి.. మళ్లీ మోపిదేవిపై గెలిచారు. పార్టీకి విధేయుడిగా ఉండే అనగాని బీజేపీ నేతలతో టచ్‌లోకి వెళ్లడం రాజకీయ ఆసక్తిని కలిగిస్తోంది.
‍‍‍‍‍‍‍‍‍‍‍‍‍‍‍‍‍‍‍

Related Tags