India Vs England 2021-22: కుల్దీప్ యాదవ్ మెడ పట్టి లాగిన మహ్మద్ సిరాజ్.. కారణమిదేనా?.. వైరల్ అవుతున్న వీడియో..
India Vs England 2021-22: క్రికెట్‌ ప్లేయర్లలో కోపాలు, ఆవేశాలు సహజం. అవి క్షణకాలం మాత్రమే. కానీ, అవే కొన్ని కొన్నిసార్లు వారిని..
India Vs England 2021-22: క్రికెట్‌ ప్లేయర్లలో కోపాలు, ఆవేశాలు సహజం. అవి క్షణకాలం మాత్రమే. కానీ, అవే కొన్ని కొన్నిసార్లు వారిని అబాసుపాలు చేస్తాయి. మరికొన్నిసార్లు వారి జీవితాలనే తలకిందులు చేస్తాయి. అలాంటి ఘటనలు ఎన్నో మనం చూశాం. అయితే, తాజాగా భారత పేసర్ మహ్మద్ సిరాజ్, స్పిన్నర్ కుల్దీప్ యాదవ్‌కు సంబంధించి ఓ వీడియో తెగ వైరల్ అవుతోంది. అందులో ఉన్నది నిజమెంతో ఎవరికీ తెలియదు కానీ.. దానిపై ఓ రేంజ్‌లో ఊహాగానాలు వెల్లువెత్తుతున్నాయి. ఇంతకీ ఆ వీడియోలో ఏముందంటే.. ఇంగ్లండ్‌తో జరుగుతున్న టెస్ట్‌మ్యాచ్‌కు రిజర్వ్ ఆటగాళ్లుగా పేసర్ మహ్మద్ సిరాజ్, స్పిన్నర్ కుల్దీప్ యాదవ్‌ను తీసుకున్నారు.
అయితే, మ్యాచ్‌లో భాగంగా రెండో రోజు ఆట ముగిసిన సమయంలో సిరాజ్ డ్రెస్సింగ్ రూమ్ ముందు నిల్చున్నాడు. టీమిండియా కోచ్ రవిశాస్త్రి గ్రౌండ్ దగ్గరకు వెళ్లారు. అయితే, ఆటగాళ్లతో కలిసి కుల్దీప్ వస్తుండగా.. అక్కడే ఉన్న సిరాజ్ అతని మెడను బలంగా పట్టుకుని ఓ కుదుపు కుదిపేశాడు. అది వారిద్దరూ ఘర్షణ పడినట్లుగా కనిపిస్తోంది. ఆ ఘటన తాలూకు వీడియో ఇప్పుడు సోషల్ మీడియాలో హల్‌చల్ చేస్తోంది. దీనిపై అభిమానులు పలు రకాలుగా స్పందిస్తున్నారు. ఇదంతా సరదాగా జరిగి ఉండొచ్చని కొందరు అంటుంటే.. అసలేం జరిగిందో అని మరికొందరు అనుమానం వ్యక్తం చేస్తున్నారు. అయితే, దీనికి సంబంధించి సిరాజ్ నుంచి గానీ, కుల్దీప్ యాదవ్ నుంచి గానీ ఎలాంటి స్పందనా రాలేదు.
Viral Video:
Also read:
Tirumala Info: భక్తులతో కిటకిటలాడుతున్న తిరుమలగిరులు.. సెలవు రోజున భారీగా తరలివచ్చిన భక్తులు..