గబ్బా టెస్ట్: అర్ధ శతకాలతో అదరగొట్టిన శార్దూల్, సుందర్.. నిలకడగా ఆడుతోన్న టీమిండియా టెయిలాండర్లు..

India Vs Australia 2020: ఆస్ట్రేలియాతో జరుగుతోన్న ఆఖరి టెస్టులో టీమిండియా టెయిలాండర్లు వాషింగ్టన్ సుందర్(50*), శార్దూల్ ఠాకూర్(56*) అద్భుతంగా పోరాడుతున్నారు. ఈ నేపధ్యంలోనే వీరిద్దరూ టెస్టుల్లో తమ తొలి అర్ధ శతకాలను చేరుకోవడమే కాకుండా శతక భాగస్వామ్యాన్ని కూడా నెలకొల్పారు. మంచి బంతులను బౌండరీలకు తరలిస్తూ.. చెత్త బంతులను వదిలిస్తూ నిలకడగా ఆడుతున్నారు. జట్టు స్కోర్ 186 పరుగుల వద్ద ఆరో వికెట్‌గా పంత్(23) ఔట్ కాగా.. అప్పటి నుంచి వీరిద్దరూ ఆచితూచి ఆడుతూ ఆస్ట్రేలియా బౌలర్లను సమర్దవంతంగా ఎదుర్కుంటున్నారు. దీనితో 97 ఓవర్లు ముగిసే సమయానికి భారత్ ఆరు వికెట్లు నష్టపోయి 292 పరుగులు చేసింది. తొలి ఇన్నింగ్స్‌లో 77 పరుగుల వెనుకంజలో ఉంది.