Virat Kohli: అస్సలు తినని కూర ఏమిటో చెప్పేసిన కోహ్లీ.. ‘అప్పుడు ఒక పురుగుల కూరను తిన్నాను’ అంటూ..

Virat Kohli

విరాట్‌ కోహ్లీ అంటే క్రికెట్ కాకుండా అందరికీ గుర్తొచ్చే విషయం అతని ఫిట్‌నెస్‌..! తన శరీరాన్ని పటిష్ఠంగా ఉంచుకొనేందుకు ఎంతగానో శ్రమించే కోహ్లీ.. గంటల కొద్దీ జిమ్‌లో కసరత్తులు కూడా చేస్తాడు. ఇక తీసుకునే ఆహారం విషయంలో అయితే ఎన్నో నియమాలు కూడా పాటిస్తుంటాడు మన కింగ్ కోహ్లీ. నిజానికి విరాట్ కోహ్లీ మంచి ఆహార ప్రియుడు..! ఏ దేశానికి వెళ్లినా స్థానిక వంటకాలను రుచి చూస్తుంటాడు. దేహ దారుఢ్యాన్ని పెంచే ఆహార పదార్థాలకే ఓటేస్తాడు.  ఇక ‘చోలె బాతుర్‌(garbanzo beans)’ కనిపిస్తే మాత్రం అసలు ఆగలేడు. మరి కోహ్లీకి ఇష్టం లేని ఆహారం లేదా కూర ఏమిటో మీకు తెలుసా..? దాదాపుగా ఆ కూర అంటే మీకు కూడా ఇష్టం ఉండకపోవచ్చు కూడా..!

ఢిల్లీ వేదికగా ఆస్ట్రేలియాపై రెండో టెస్టు గెలిచాక విరాట్‌ కోహ్లీ సోషల్‌ మీడియాలో ‘ఆస్క్‌ మీ ఎనీథింగ్‌’ సెషన్‌ నిర్వహించాడు. ఫ్యాన్స్‌ అడిగిన ప్రశ్నలకు జవాబులు కూడా చెప్పాడు. ఈ క్రమంలోనే తాను ఇప్పుడు శాకహారినని, తన జీవితంలో తినని ఒకే ఒక్క కూరగాయ ‘కాకర కాయ’ అని అన్నాడు. ఇంకా తాను తిన్న ఘోరమైన ఆహార పదార్థం ఏమిటో కూడా కోహ్లీ వివరించాడు. ‘మలేసియాలో ఒక పురుగుల కూరను రుచి చూశాను. అదేమిటో నాకు తెలియదు. దానిని ఫ్రై చేశారు. రుచి చూశాక అసహ్యం వేసింది’ అని వెల్లడించాడు. అలాగే ‘చోలె బాతుర్‌(garbanzo beans)’ తాను ఇష్టంగా తినే ఆహారమని తెలిపాడు. ఈ క్రమంలోనే తన అతి పెద్ద ఫ్యాషన్‌ పొరపాటు గురించి కూడా కోహ్లీ వివరించాడు.

మరిన్ని క్రీడా వార్తల కోసం ఇక్కడ క్లిక్ చేయండి..