IND vs ENG: స్వ్కాడ్లో ఉన్నా, ప్లేయింగ్ 11లో మాత్రం వైభవ్ను చేర్చొద్దు.. మాగడ్డపైనే మాఇజ్జత్ తీసిసారేస్తాడు
Graeme Swann on Vaibhav Suryavanshi: భారత క్రికెట్ భవిష్యత్తు ఆశాకిరణంగా మారిన వైభవ్ సూర్యవంశీ అంతర్జాతీయ అరంగేట్రం కోసం అభిమానులు వెయ్యి కళ్లతో ఎదురుచూస్తున్నారు. లంక బౌలర్లను ఉతికి ఆరేసిన ఈ యువ సంచలనం, రాబోయే ఐర్లాండ్, ఇంగ్లాండ్ సిరీస్లలో కూడా అదే తరహా విధ్వంసాన్ని కొనసాగిస్తే టీమిండియాకు తిరుగుండదని విశ్లేషకులు భావిస్తున్నారు.
Graeme Swann on Vaibhav Suryavanshi: భారత క్రికెట్ యువ సంచలనం వైభవ్ సూర్యవంశీ ప్రస్తుతం అంతర్జాతీయ క్రికెట్ ప్రపంచంలో సృష్టించిన సంచలనం అంతా ఇంతా కాదు. ఐపీఎల్ వేదికగా ధీటుగా రాణించిన ఈ యువ ఆటగాడు, ఇప్పుడు టీమిండియా ప్రధాన జట్టులోకి ఎంట్రీ ఇచ్చి ప్రత్యర్థి దేశాల బౌలర్ల గుండెల్లో రైళ్లు పరిగెత్తించడానికి సరికొత్తగా సిద్ధమయ్యాడు.
లంక గడ్డపై కొట్టిన దెబ్బ.. 11 బంతుల్లోనే ఊచకోత..!
ప్రస్తుతం ఇండియా-ఏ తరపున శ్రీలంక వేదికగా జరిగిన ముక్కోణపు వన్డే సిరీస్ ఫైనల్ మ్యాచ్లో వైభవ్ సూర్యవంశీ ఆడిన ఇన్నింగ్స్ ఒక సునామీని తలపించింది. మైదానంలోకి దిగీదిగడంతోనే లంక బౌలర్లను ముప్పుతిప్పలు పెడుతూ కేవలం 11 బంతుల్లోనే హాఫ్ సెంచరీ మార్కును అందుకొని చరిత్ర సృష్టించాడు. అంతటితో ఆగకుండా కేవలం 29 బంతుల్లోనే 94 పరుగులు చేసి.. దురదృష్టవశాత్తు సెంచరీకి కేవలం 6 పరుగుల దూరంలో అవుటయ్యాడు. వన్డే మ్యాచ్ను సైతం టీ20 తరహాలో ఆడుతూ అతడు సృష్టించిన ఈ విధ్వంసం చూసి యావత్ క్రికెట్ ప్రపంచం నోరెళ్లబెట్టింది.
ఐర్లాండ్, ఇంగ్లాండ్ టూర్కు సెలక్షన్.. మాజీల వెన్నులో వణుకు..!
ఈ అద్భుతమైన ఫామ్ను చూసిన భారత సెలెక్టర్లు వైభవ్ సూర్యవంశీని జాతీయ జట్టుకు ఎంపిక చేశారు. మొదట ఐర్లాండ్తో జరిగే రెండు టి20ల సిరీస్లో ఆ తర్వాత జూలై ఒకటో తేదీ నుంచి ఇంగ్లాండ్తో ప్రారంభం కానున్న ప్రతిష్టాత్మక ఐదు టీ20ల సిరీస్ కోసం అతడిని ఎంపిక చేయడం విశేషం. ఈ నేపథ్యంలోనే ఇంగ్లాండ్ మాజీ క్రికెటర్లు వైభవ్ విధ్వంసకర బ్యాటింగ్ శైలిని చూసి ఒకవైపు భయపడుతూనే.. మరోవైపు అతడి ఆటను ఇంగ్లాండ్ పిచ్లపై చూడటానికి ఎంతో ఆసక్తిగా ఎదురుచూస్తున్నామని కామెంట్స్ చేస్తున్నారు.
గ్రేమ్ స్వాన్, కెవిన్ పీటర్సన్ ప్రశంసల జల్లు..
ఇంగ్లాండ్ మాజీ స్పిన్నర్ గ్రేమ్ స్వాన్ స్పందిస్తూ.. ఐపీఎల్ తరహాలోనే వైభవ్ సూర్యవంశీ గనుక ఇంగ్లాండ్ పిచ్లపై రెచ్చిపోతే తమ దేశ బౌలర్లు తట్టుకోవడం అసాధ్యమని అభిప్రాయపడ్డాడు. తమ ప్రేక్షకుల ముందుకు వచ్చి ఇలాంటి ఆటగాడు విశ్వరూపం చూపించబోతుండటం క్రికెట్ అభిమానులకు కంటి నిండా వినోదాన్ని ఇస్తుందని పేర్కొన్నాడు. మరోవైపు ఇంగ్లాండ్ మాజీ దిగ్గజం కెవిన్ పీటర్సన్ సైతం స్పందిస్తూ.. వైభవ్ ఆటను చూడటానికి ఇంగ్లాండ్ ఫ్యాన్స్ ఎంతగానో వేచి చూస్తున్నారని, అయితే అతడిని కట్టడి చేయడం ఇంగ్లీష్ బౌలర్లకు ఒక పెద్ద సవాల్గా మారనుందని హెచ్చరించాడు.
మరిన్ని క్రీడా వార్తల కోసం ఇక్కడ క్లిక్ చేయండి..