ఐపీఎల్‌లోనే వైభవ్ బలహీనత పసిగట్టా.. అసలు సీక్రెట్ చెప్పేసిన ఆర్చర్..!

Jofra Archer Comments On Vaibhav Suryavanshi

Jofra Archer Comments on Vaibhav Suryavanshi: ఐపీఎల్ వేదికగా తన సంచలన బ్యాటింగ్‌తో ప్రపంచ క్రికెట్ దృష్టిని ఆకర్షించిన 15 ఏళ్ల భారత యువ సంచలనం వైభవ్ సూర్యవంశీ ప్రస్తుత ఇంగ్లండ్ పర్యటనలో తీవ్రంగా ఇబ్బంది పడుతున్నాడు. టీమ్ మేనేజ్‌మెంట్ ఇచ్చిన అవకాశాలను సద్వినియోగం చేసుకోలేక ఒత్తిడిలో పడ్డాడు. అయితే, ఇంగ్లండ్ స్పీడ్‌స్టర్ జోఫ్రా ఆర్చర్ ఈ యువ బ్యాటర్ బలహీనతను కొన్ని నెలల క్రితమే కనిపెట్టాడనే విషయం ఇప్పుడు హాట్ టాపిక్‌గా మారింది.

ఐపీఎల్ హీరో.. విదేశీ గడ్డపై జీరో?

ఇటీవల ముగిసిన ఐపీఎల్ 2026 సీజన్‌లో రాజస్థాన్ రాయల్స్ తరపున ఆడిన వైభవ్ సూర్యవంశీ, సన్‌రైజర్స్ హైదరాబాద్‌తో జరిగిన ఎలిమినేటర్ మ్యాచ్‌లో కేవలం 29 బంతుల్లోనే 97 పరుగులు చేసి రికార్డులు సృష్టించాడు. ఆ మెరుపు ఇన్నింగ్స్‌తో రాత్రికి రాత్రే స్టార్‌గా మారిన ఈ యువ ఆటగాడికి ఇంగ్లండ్ పర్యటనలో మాత్రం చుక్కెదురవుతోంది. ఇంగ్లండ్ బౌలర్ల వేగానికి, ముఖ్యంగా జోఫ్రా ఆర్చర్ సంధించిన పదునైన బంతులకు సమాధానం లేక వైభవ్ వరుసగా విఫలమవుతున్నాడు.

ఇది కూడా చదవండి: వద్దని చెప్పినా అంటగట్టేశారు.. అతని వల్లే సిరీస్ కోల్పోయాం.. శ్రేయాస్ అయ్యర్ షాకింగ్ కామెంట్స్..

నెట్స్ ప్రాక్టీస్‌లోనే వ్యూహం రచించిన ఆర్చర్..!

ఐపీఎల్ 2026 సీజన్‌లో జోఫ్రా ఆర్చర్, వైభవ్ సూర్యవంశీ ఇద్దరూ రాజస్థాన్ రాయల్స్ జట్టులోనే ప్రాతినిధ్యం వహించారు. ఆ సమయంలో నెట్స్ ప్రాక్టీస్ సెషన్లలో వైభవ్ బ్యాటింగ్ శైలిని, అతడి కదలికలను ఆర్చర్ చాలా నిశితంగా గమనించాడు. ఐపీఎల్ సమయంలో ఒక ఇంటర్వ్యూలో వైభవ్‌ను ఎలా అడ్డుకుంటారని ఆర్చర్‌ను ప్రశ్నించగా.. “ఈ ప్రశ్నకు సమాధానం ఐపీఎల్ ముగిసిన తర్వాతే చెప్తాను” అంటూ అప్పట్లో నవ్వుతూ దాటవేశాడు. కానీ, ఇప్పుడు ఇరు దేశాల మధ్య జరుగుతున్న టీ20 సిరీస్‌లో వైభవ్‌ను వరుసగా అవుట్ చేయడం ద్వారా ఆర్చర్ తన మైండ్ గేమ్‌ను అమలు చేసి చూపించాడు.

ఎక్స్‌ట్రా బౌన్స్‌తో పెను సవాల్..

ఇంగ్లండ్ వేదికగా జరుగుతున్న మ్యాచ్‌లలో అక్కడి పిచ్‌లపై వచ్చే అదనపు బౌన్స్ (ఎక్స్‌ట్రా బౌన్స్)ను ఎదుర్కోవడంలో వైభవ్ సూర్యవంశీ పూర్తిగా తడబడుతున్నాడు. ఆర్చర్ ఇదే బలహీనతను టార్గెట్ చేస్తూ వైభవ్‌ను రెండుసార్లు పెవిలియన్ చేర్చాడు. మాంచెస్టర్‌లో జరిగిన నాలుగో టీ20 మ్యాచ్‌లో షార్ట్ పిచ్ బంతికి వైభవ్ అవుట్ అవ్వగా, అంతకుముందు జరిగిన మూడో మ్యాచ్‌లో గుడ్ లెంగ్త్ బంతిని భారీ షాట్ ఆడబోయి వికెట్ సమర్పించుకున్నాడు. ఈ మ్యాచ్‌లలో వైభవ్ వరుసగా 14, 13 పరుగులు మాత్రమే చేసి తీవ్రంగా నిరాశపరిచాడు.

ఇది కూడా చదవండి: ఆ చెత్త ప్లేయర్.. ఇలాగే ఛాన్స్‌లిస్తే జింబాబ్వేపైనా మీరు గెలవలేరు గంభీర్..!

ఏదైనా ఒక లీగ్‌లో అద్భుతంగా రాణించినంత మాత్రాన అంతర్జాతీయ స్థాయిలో నిలదొక్కుకోవడం సులువు కాదని వైభవ్ సూర్యవంశీ పర్యటన నిరూపిస్తోంది. ప్రపంచ స్థాయి బౌలర్లు ప్రతి చిన్న బలహీనతను విశ్లేషించి దెబ్బతీస్తారని ఆర్చర్ వ్యూహం స్పష్టం చేసింది. అయితే వైభవ్ వయసు ఇంకా 15 ఏళ్లే కాబట్టి, ఈ పరాజయాల నుంచి పాఠాలు నేర్చుకుని, తన బ్యాటింగ్ లోపాలను సరిదిద్దుకుని భవిష్యత్తులో మరింత బలంగా పునరాగమనం చేస్తాడని క్రికెట్ విశ్లేషకులు ఆశిస్తున్నారు.