టీ20 ప్రపంచకప్ హిస్టరీలోనే చెత్త రికార్డ్.. అత్యధిక డకౌట్లతో కొంప ముంచేసిన ప్లేయర్లు.. లిస్ట్ చూస్తారా?

Most Ducks For Icc Mens T20 World Cup

Most ducks For ICC Men’s T20 World Cup: టీ20 ఫార్మాట్ వచ్చాక క్రికెట్ స్వరూపమే మారిపోయింది. ఇక్కడ బ్యాటర్లు మొదటి బంతి నుంచే భారీ షాట్లతో రెచ్చిపోతుంటారు. అయితే, వేగంగా ఆడడం వల్ల వికెట్లు సమర్పించుకోవడం సర్వసాధారణం. టీ20 ప్రపంచకప్ చరిత్రలో అత్యధిక సార్లు డక్ అవుట్ అయిన టాప్ ఆటగాళ్లను ఒకసారి పరిశీలిద్దాం..

1. షాహిద్ అఫ్రిది (పాకిస్థాన్) – 5 డక్ అవుట్లు: పాకిస్థాన్ దిగ్గజ ఆల్ రౌండర్ షాహిద్ అఫ్రిది ఈ జాబితాలో అగ్రస్థానంలో ఉన్నాడు. అఫ్రిది తన కెరీర్‌లో కొన్ని మెరుపు ఇన్నింగ్స్‌లు ఆడినా, టీ20 ప్రపంచకప్‌లో మాత్రం 5 సార్లు సున్నా పరుగులకే అవుట్ అయ్యాడు.

2. తిలకరత్నే దిల్షాన్ (శ్రీలంక) – 5 డక్ అవుట్లు: శ్రీలంక ఓపెనర్ దిల్షాన్ కూడా అఫ్రిదితో కలిసి ఈ రికార్డును పంచుకుంటున్నాడు. ‘దిల్-స్కూప్’ షాట్లతో ప్రపంచాన్ని అలరించిన దిల్షాన్, టీ20 వరల్డ్ కప్ వేదికలపై 5 సార్లు ఖాతా తెరవకుండానే వెనుదిరిగాడు.

3. జి.హెచ్. డాక్రెల్ (ఐర్లాండ్) – 4 డక్ అవుట్లు: ఐర్లాండ్‌కు చెందిన డాక్రెల్ 2010 నుంచి 2024 వరకు జరిగిన ప్రపంచకప్ పోటీల్లో 19 మ్యాచ్‌లు ఆడాడు. ఈ క్రమంలో ఆయన 4 సార్లు డక్ అవుట్ అయ్యాడు.

4. సి.ఎస్. మెక్లీడ్ (స్కాట్లాండ్) – 4 డక్ అవుట్లు: స్కాట్లాండ్ బ్యాటర్ మెక్లీడ్ 2009-2022 మధ్య 13 మ్యాచ్‌లు ఆడి, అందులో 11 ఇన్నింగ్స్‌లలో బ్యాటింగ్‌కు వచ్చాడు. ఆయన కూడా 4 సార్లు పరుగుల ఖాతా తెరవకుండానే పెవిలియన్ చేరాడు.

5. ఆర్.ఈ. వాన్ డెర్ మెర్వే (నెదర్లాండ్స్/దక్షిణాఫ్రికా) – 4 డక్ అవుట్లు: రెండు దేశాలకు ప్రాతినిధ్యం వహించిన వాన్ డెర్ మెర్వే, 2009 నుంచి 2022 వరకు జరిగిన టీ20 వరల్డ్ కప్ పోటీల్లో 21 మ్యాచ్‌లు ఆడాడు. ఈయన కూడా 4 సార్లు సున్నాకే అవుట్ అయి ఈ జాబితాలో చేరాడు.

జాబితాలోని ఇతర ఆటగాళ్లు.. ఈ నలుగురే కాకుండా శ్రీలంకకు చెందిన దాసున్ శనక, నెదర్లాండ్స్‌కు చెందిన రోలోఫ్ వాన్ డెర్ మెర్వే వంటి వారు కూడా 4 సార్లు సున్నా పరుగులకే అవుట్ అయ్యారు. విచిత్రమేమిటంటే, ఈ జాబితాలో ఉండే వారంతా దాదాపు బౌలర్లు, ఆల్ రౌండర్లే కావడం విశేషం.