Sanju Samson : సంజూ శాంసన్ రాజస్థాన్ను వీడటానికి కారణం అతడే.. బద్రినాథ్ సంచలన వ్యాఖ్యలు
ఐపీఎల్లో గత కొన్నేళ్లుగా రాజస్థాన్ రాయల్స్ జట్టుకు నాయకత్వం వహిస్తున్న సంజూ శాంసన్ ఆ జట్టును వీడనున్నట్లు వార్తలు వస్తున్నాయి. ఐపీఎల్ 2026 మినీ వేలానికి ముందు శాంసన్ను ట్రేడ్ చేసుకోవడానికి లేదా రిలీజ్ చేయడానికి రాజస్థాన్ ఫ్రాంచైజీకి సమాచారం ఇచ్చినట్లు తెలుస్తోంది.
Sanju Samson : ఐపీఎల్ 2026 మినీ వేలానికి ముందు సంజూ శాంసన్ రాజస్థాన్ రాయల్స్ జట్టును వీడటం దాదాపు ఖాయమైనట్లు తెలుస్తోంది. ఇప్పటికే తనను ట్రేడ్ చేయమని లేదా విడుదల చేయమని సంజూ ఆర్ఆర్ ఫ్రాంచైజీకి తెలిపినట్లు సమాచారం. అయితే, రాజస్థాన్ రాయల్స్ ఇంకా దీనిపై తుది నిర్ణయం తీసుకోలేదు. కొన్ని సంవత్సరాలుగా ఆర్ఆర్ జట్టులో ఉన్న సంజూ, ఇప్పుడు ఆ జట్టును ఎందుకు వీడుతున్నాడనే ప్రశ్న అందరిలోనూ మెదులుతోంది.
ఐపీఎల్లో గత కొన్నేళ్లుగా రాజస్థాన్ రాయల్స్ జట్టుకు నాయకత్వం వహిస్తున్న సంజూ శాంసన్ ఆ జట్టును వీడనున్నట్లు వార్తలు వస్తున్నాయి. ఇంతకాలం జట్టుతో ఉన్న శాంసన్ ఇప్పుడు అకస్మాత్తుగా ఎందుకు బయటకు వెళ్లాలని నిర్ణయించుకున్నాడనేది ప్రశ్నగా మారింది. దీనిపై చెన్నై సూపర్ కింగ్స్ మాజీ ఆటగాడు ఎస్. బద్రినాథ్ ఒక ఆసక్తికరమైన విషయాన్ని వెల్లడించారు. ఎస్. బద్రినాథ్ తన యూట్యూబ్ ఛానెల్లో మాట్లాడుతూ.. సంజూ శాంసన్ రాజస్థాన్ రాయల్స్ జట్టును వీడటానికి ప్రధాన కారణం రియాన్ పరాగ్ అని తెలిపారు. గత సీజన్లో రాజస్థాన్ రాయల్స్ తీసుకున్న ఒక నిర్ణయం వల్ల సంజూ శాంసన్ నిరాశ చెంది ఉండవచ్చని బద్రినాథ్ అభిప్రాయపడ్డారు.
గత సీజన్ ప్రారంభంలో సంజూ శాంసన్ పూర్తిగా ఫిట్గా లేనప్పుడు, రియాన్ పరాగ్ను కొన్ని మ్యాచ్లకు కెప్టెన్గా నియమించారు. అయితే, ఆ జట్టులో అనుభవజ్ఞులైన ఆటగాళ్లు ఉన్నప్పటికీ రియాన్ పరాగ్కు కెప్టెన్సీ ఇవ్వడం అప్పట్లో తీవ్ర చర్చనీయాంశమైంది. ఇది జట్టులో అంతర్గత విభేదాలకు కూడా దారితీసిందని వార్తలు వచ్చాయి. దీనివల్ల సంజూ శాంసన్ వంటి ఆటగాడు జట్టులో ఎలా ఉండగలడని బద్రినాథ్ ప్రశ్నించారు. ఇదే కారణం వల్ల శాంసన్ రాజస్థాన్ను విడిచిపెట్టాలని నిర్ణయించుకున్నట్లు ఆయన చెప్పారు. సంజూ శాంసన్ రాజస్థాన్ నుంచి బయటకు వస్తాడని వార్తలు రావడంతో, అతన్ని ట్రేడ్ చేసుకోవడానికి చెన్నై సూపర్ కింగ్స్ ఫ్రాంచైజీ ఆసక్తి చూపుతోంది. కాబట్టి, ఐపీఎల్ 2026లో సంజూ శాంసన్ సీఎస్కే తరపున ఆడినా ఆశ్చర్యపోనక్కర్లేదు.
మరిన్ని క్రికెట్ వార్తల కోసం ఇక్కడ క్లిక్ చేయండి..