Watch Video: ఒడిలో పిల్లాడు ఉన్నా.. ఒంటి చేత్తో స్టన్నింగ్ క్యాచ్.. చప్పట్లతో హోరెత్తిన స్టేడియం.. వైరల్

Cricket Viral Video

సోషల్ మీడియాలో ఓ క్రికెట్ వీడియో తెగ వైరల్ అవుతోంది. ఒక వ్యక్తి మైదానం వెలుపల అద్భుతమైన క్యాచ్ పట్టుకున్నాడు. అందరినీ ఆశ్యర్యపరిచేలా క్యాచ్ పట్టడంతో ఈ వీడియోపై నెటిజన్లు తమ ప్రేమను చూపిస్తూ, తెగ షేర్ చేస్తున్నారు. న్యూజిలాండ్‌తో జరుగుతున్న దేశవాళీ మ్యాచ్‌లో ఈ సీన్ కనిపించింది. న్యూజిలాండ్‌ వెటరన్‌ రాస్‌ టేలర్‌ బంతిని సిక్సర్‌ బాది మైదానం నుంచి బయటకు పంపాడు. ఆ తర్వాత ఓ వ్యక్తి మైదానం వెలుపల నిల్చుని ఉన్నాడు.

బౌండరీ దాటిన బాల్.. అద్బుతమైన క్యాచ్..

రాస్ టేలర్ భారీ సిక్స్‌ను గ్రౌండ్ వెలుపల ఉన్న వ్యక్తి పట్టుకున్నాడు. కానీ, ఆ సమయంలో ఆ వ్యక్తి ఒడిలో ఒక చిన్న పిల్లవాడు కూడా ఉన్నాడు. కానీ అతను కేవలం ఒక చేత్తో విచిత్రమైన క్యాచ్‌ను పట్టుకున్నాడు. ఆ తర్వాత మైదానంలో ఉన్న ఆటగాళ్లే కాకుండా స్టేడియంలో ఉన్న అభిమానులు కూడా నమ్మలేకపోయారు. ఈ అద్భుతమైన క్యాచ్ పట్టినందుకు.. అంతా చప్పట్లతో ఈ వ్యక్తిని అభినందించారు.

నెజిటన్ల పొగడ్తలు..

అయితే ఈ క్యాచ్ సోషల్ మీడియాలో బాగా వైరల్ అవుతోంది. ప్రేక్షకులు పట్టుకున్న క్యాచ్‌లలో ఇదొకటి అద్భుతమైనదంటూ అభిమానులు కామెంట్లు చేస్తున్నారు. అంతే కాకుండా సోషల్ మీడియాలో ఈ వీడియో బాగా వైరల్ అవుతోంది. చేతిలో పిల్లాడు ఉన్నా.. అద్భుతంగా క్యాచ్ పట్టావంటూ మొచ్చుకుంటూ తమ అభిప్రాయాలను పంచుకున్నారు.

మరిన్ని క్రికెట్ వార్తల కోసం ఇక్కడ క్లిక్ చేయండి..