Rishabh Pant: ఎన్ని అవకాశాలు ఇచ్చినా మారని రిషబ్ పంత్ తీరు.. ఇలా చేస్తే జట్టులో చోటు కష్టమేనా..!
టీమిండియా వికెట్ కీపర్ రిషబ్ పంత్ కేవలం కొన్ని బంతుల్లోనే మ్యాచ్‌ను మలుపు తిప్పుతాడు. ఫార్మాట్ ఏదైనా సరే, పంత్ తనదైన స్టైల్‌లో బ్యాటింగ్ చేస్తాడు.
టీమిండియా వికెట్ కీపర్ రిషబ్ పంత్ కేవలం కొన్ని బంతుల్లోనే మ్యాచ్‌ను మలుపు తిప్పుతాడు. ఫార్మాట్ ఏదైనా సరే, పంత్ తనదైన స్టైల్‌లో బ్యాటింగ్ చేస్తాడు. దక్షిణాఫ్రికా, ఆస్ట్రేలియా, ఇంగ్లండ్‌లలో అతను టెస్ట్ సెంచరీలు సాధించడానికి ఇదే కారణం. పంత్‌లో చాలా టాలెంట్ ఉంది కాబట్టి అతని కోసం ప్రత్యర్థి జట్లు ప్రత్యేక వ్యూహాలు రచిస్తాయి. అయితే ఇంత జరుగుతున్నా ఈ ఆటగాడు మాత్రం విమర్శలు ఎదుర్కొంటున్నాడు. దీనికి కారణం దూకుడు అనే అతని వైఖరి. అంతర్జాతీయ క్రికెట్‌లోకి అడుగుపెట్టినప్పటి నుంచి రిషబ్ పంత్ షాట్ ఎంపికపై వార్తల్లో నిలుస్తోన్నాడు.
ఈ ఎడమచేతి వాటం బ్యాట్స్‌మన్ ఇటీవల దక్షిణాఫ్రికాతో (భారత్ వర్సెస్ సౌతాఫ్రికా) వన్డే సిరీస్‌లో చివరి మ్యాచ్‌లో మొదటి బంతికే ఔటయ్యాడు. పంత్ ముందుకెళ్లడం ద్వారా భారీ షాట్ ఆడేందుకు ప్రయత్నించిన తీరు, పంత్ చేసిన ఆ తప్పిదానికి టీమ్ ఇండియా చాలా నష్టపోయి, చివరికి 4 పరుగుల తేడాతో ఓటమిని చవిచూడాల్సి వచ్చింది.
2019 ప్రపంచకప్ సెమీ-ఫైనల్స్‌లో రిషబ్ పంత్‌కు 4వ నంబర్‌లో బ్యాటింగ్ చేసే అవకాశం లభించింది. రాహుల్-రోహిత్ శర్మ, విరాట్ కోహ్లిలు ముందుగానే ఔటయ్యారు, ఆ తర్వాత పంత్ హార్దిక్ పాండ్యాతో మంచి భాగస్వామ్యాన్ని నెలకొల్పాడు. అయితే ఈ ఆటగాడు అకస్మాత్తుగా సాంట్నర్ బంతికి బ్యాడ్ షాట్ ఆడటం ద్వారా అతని వికెట్ కోల్పోయాడు. 32 పరుగుల వద్ద పంత్ అవుటయ్యాడు. చివరికి భారత్ మ్యాచ్ ఓడిపోయింది.
ఈ మ్యాచ్‌లో పంత్ షాట్ ఎంపికపై పెద్ద దుమారమే రేగింది. గతేడాది కూడా ఆ మ్యాచ్‌పై పంత్ స్పందించాడు. భారత్‌కు మ్యాచ్ గెలిచే అవకాశం ఉన్నందున ఔట్ అయినప్పుడు గుండె పగిలిందని పంత్ చెప్పాడు. అయితే 2 సంవత్సరాలు గడిచినప్పటికీ, ఈ ఆటగాడు ఇంకా మెరుగుపడలేదు.
ఏ ఆటగాడికైనా ఎక్కువ కాలం అవకాశాలు ఇవ్వడమే ముఖ్యం పంత్‌తో పాటు టీమ్ మేనేజ్‌మెంట్ కూడా అదే పని చేస్తోంది. పంత్ టెస్ట్ ఫార్మాట్‌లో కూడా రాణిస్తున్నాడు. కానీ వన్డే, టీ20 ఫార్మాట్‌లో అతని ప్రదర్శన బాగా లేదు. దీనితో పాటు అతనికి పోటీగా ఇషాన్‌ కిషన్‌, కెఎస్ భరత్ ఉన్నాడు. దీనితో పాటు కేఎల్ రాహుల్ వికెట్ కీపింగ్ కూడా చేస్తాడు. అతని భవిష్యత్తు ప్రమాదంలో పడే అవకాశం ఉంది.
Read Also.. Narendra Modi: గణతంత్ర దినోత్సవం సందర్భంగా క్రికెటర్లకు లేఖ రాసిన ప్రధాని మోడీ..