IPL 2025: కేకేఆర్కి కాదు.. కోచ్గా ద్రవిడ్ ఏ జట్టుతో జర్నీ చేయనున్నాడో తెలుసా?
Rahul Dravid: రాహుల్ ద్రవిడ్ గురించి కీలక న్యూస్ బయటకు వస్తోంది. ఈ వార్త అతని కొత్త పాత్రకు సంబంధించినది. టీమిండియాతో పదవీకాలం ముగిసిన తర్వాత.. ఇప్పుడు తాను నిరుద్యోగిగా ఉన్నానని, కొత్త ఉద్యోగం కావాలని రాహుల్ ద్రవిడ్ చేసిన ప్రకటన చాలా చర్చనీయాంశమైంది. ఇలాంటి పరిస్థితుల్లో ఆయనపై పలు ఊహాగానాలు వచ్చాయి. కేకేఆర్లో చేరవచ్చని కూడా వార్తలు వచ్చాయి. కానీ, తాజా నివేదిక తర్వాత ఆ ఊహాగానాలన్నింటికీ తెరపడినట్లే.
Rahul Dravid Set to Become Rajasthan Royals Head Coach: రాహుల్ ద్రవిడ్ గురించి కీలక న్యూస్ బయటకు వస్తోంది. ఈ వార్త అతని కొత్త పాత్రకు సంబంధించినది. టీమిండియాతో పదవీకాలం ముగిసిన తర్వాత.. ఇప్పుడు తాను నిరుద్యోగిగా ఉన్నానని, కొత్త ఉద్యోగం కావాలని రాహుల్ ద్రవిడ్ చేసిన ప్రకటన చాలా చర్చనీయాంశమైంది. ఇలాంటి పరిస్థితుల్లో ఆయనపై పలు ఊహాగానాలు వచ్చాయి. కేకేఆర్లో చేరవచ్చని కూడా వార్తలు వచ్చాయి. కానీ, తాజా నివేదిక తర్వాత ఆ ఊహాగానాలన్నింటికీ తెరపడినట్లే. ఇప్పుడు ఐపీఎల్లో రాజస్థాన్ రాయల్స్కు రాహుల్ ద్రవిడ్ ప్రధాన కోచ్గా మారే అవకాశం ఉందని వార్తలు వస్తున్నాయి.
రాజస్థాన్ రాయల్స్ జట్టుకు ప్రధాన కోచ్గా ద్రవిడ్..
టీ20 ప్రపంచకప్ 2024 టైటిల్ను గెలుచుకోవడంతో భారత జట్టుతో రాహుల్ ద్రవిడ్ పదవీకాలం ముగిసింది. ఇప్పుడు అతను రాజస్థాన్ రాయల్స్లో చేరుతున్నట్లు వార్తలు వస్తున్నాయి. నివేదిక ప్రకారం, ఐపీఎల్ 2025లో రాజస్థాన్ రాయల్స్కు ద్రవిడ్ కొత్త ప్రధాన కోచ్గా వ్యవహరిస్తారు. త్వరలోనే దీనికి సంబంధించి అధికారిక ప్రకటన కూడా వెలువడే అవకాశం ఉంది. టైమ్స్ ఆఫ్ ఇండియా మూలాలను ఉటంకిస్తూ రాహుల్ ద్రవిడ్, రాజస్థాన్ రాయల్స్ మధ్య చర్చలు జరుగుతున్నాయని, ఇప్పుడు దీనికి సంబంధించి అధికారిక ప్రకటన చేయవచ్చని రాసింది.
రాహుల్ ద్రవిడ్ ఇంతకుముందు కూడా RRతోనే..
రాహుల్ ద్రవిడ్ రాజస్థాన్ రాయల్స్లో భాగం కావడం ఇదే మొదటిసారి కాదు. ఇంతకు ముందు ఆ జట్టుకు కెప్టెన్గా కూడా వ్యవహరించాడు. రాహుల్ ద్రవిడ్ రాజస్థాన్ జట్టుకు రెండో కెప్టెన్గా ఉన్నాడు. 39 ఏళ్ల ద్రవిడ్ను 2012లో రాజస్థాన్ రాయల్స్ కెప్టెన్గా నియమించింది. అతను 40 మ్యాచ్లలో ఈ జట్టుకు నాయకత్వం వహించాడు. అందులో అతను 23 విజయాలు సాధించాడు. కెప్టెన్సీ నుంచి తప్పుకున్న తర్వాత ద్రవిడ్ 2014, 2015 సీజన్లలో రాజస్థాన్ రాయల్స్కు మెంటార్గా కూడా మారాడు. ఆ తర్వాత ద్రవిడ్ భారత అండర్-19, ఏ జట్టుకు కోచ్గా మారాడు.
కోచ్గా ద్రవిడ్ సాధించిన విజయాలు..
ద్రవిడ్ కోచింగ్లో భారత అండర్-19 జట్టు 2018లో ప్రపంచ ఛాంపియన్గా నిలిచింది. ఆ తర్వాత అతను బెంగళూరులోని నేషనల్ క్రికెట్ అకాడమీలో క్రికెట్ కార్యకలాపాలకు అధిపతి అయ్యాడు. ఆ తర్వాత 2021లో రవిశాస్త్రి స్థానంలో టీమ్ ఇండియా ప్రధాన కోచ్ అయ్యాడు. టీ20 ప్రపంచకప్ను గెలుచుకోవడంతో టీమ్ ఇండియాతో అతని కోచ్ కెరీర్ ముగిసింది. ఇప్పుడు రాజస్థాన్ రాయల్స్ కూడా 2008 నుంచి తమ రెండవ ఐపీఎల్ టైటిల్ కోసం ఎదురుచూస్తున్న ఒప్పందం తర్వాత.. అంచనాలు భారీగా పెరిగాయి.
మరిన్ని క్రీడా వార్తల కోసం ఇక్కడ క్లిక్ చేయండి..