Video: సెంచరీ హీరోలు కాస్త జీరోలయ్యారు.. 48 గంటల్లో సీన్ రివర్స్.. ఆ ఇద్దరు ఎవరంటే?
Phil Salt and Sanju Samson: క్రికెట్‌లో పరిస్థితులు మారడానికి ఎంతో కాలం పట్టదు. ఒక్క పొరపాటుతో అదృష్టం కాస్త బ్యాడ్ లక్‌గా మారుతుంది. దీని కారణంగా, ఆటగాడు హీరో నుంచి జీరో అవుతుంటాడు. ప్రపంచంలోని ఇద్దరు క్రికెటర్లకు 48 గంటల్లో జరిగినట్లే చోటు చేసుకున్న విచిత్రమైన పరిస్థితులు ఓసారి చూద్దాం..
Phil Salt and Sanju Samson: ఒక నిమిషమే కాదు.. ఒక సెకను కూడా క్రికెట్‌లో ముఖ్యమైనదే. లేదంటే పరిస్థితి మారవచ్చు. క్షణాల్లో మ్యాచ్ పరిస్థితి మారొచ్చు. అచ్చం ఇలాంటి పిరిస్థితే ఇద్దరు క్రికెటర్లకు ఎదురైంది. 48 గంటల్లోనే కనిపించిన ఆశ్చర్యకరమైన సరిస్థితులు చూస్తే ఔరా అనాల్సిందే. మనం ఇక్కడ ప్రస్తావిస్తున్న ఇద్దరు క్రికెటర్లలో ఒకరు ఇంగ్లండ్‌కు చెందిన ఫిల్ సాల్ట్ కాగా మరొకరు టీమిండియా ఆటగాడు సంజూ శాంసన్.
ఫిల్ సాల్ట్ వెస్టిండీస్‌లో క్రికెట్ ఆడుతున్నాడు. కాగా సంజూ శాంసన్ దక్షిణాఫ్రికాలో భారత జట్టుతో ఆడుతున్నాడు. ఒకరికొకరు మైళ్ల దూరంలో ఆడినప్పటికీ, వారిద్దరి విషయంలో ఓకే సంఘటనే జరిగింది. అది కూడా కేవలం 48 గంటల్లోనే. ఈ ఇద్దరు క్రికెటర్లకు ఏమైందంటూ ప్రస్తుతం సోషల్ మీడియాలో చర్చించుకుంటున్నారు.
సంజు శాంసన్‌కు ఏమైందంటే?
ముందుగా సంజు శాంసన్ గురించి మాట్లాడుకుందాం. దక్షిణాఫ్రికాతో జరిగిన టీ20 సిరీస్‌లో భాగంగా తొలి మ్యాచ్‌లో సంజూ శాంసన్ మ్యాచ్‌ను ప్రారంభిస్తూనే సెంచరీ సాధించాడు. కానీ, 48 గంటల తర్వాత అదే జట్టుతో రెండో మ్యాచ్ జరగడంతో శాంసన్ ఖాతా కూడా తెరవలేకపోయాడు. కేవలం 3 బంతులు ఆడిన తొలి మ్యాచ్‌లో హీరో రెండో మ్యాచ్‌లో ఔట్ అయ్యి డగౌట్‌కు చేరుకున్నాడు.
ఫిన్ సాల్ట్ విషయంలోనూ..
ఇప్పుడు ఫిల్ సాల్ట్ గురించి మాట్లాడుకుందాం. అతను వెస్టిండీస్‌తో జరుగుతున్న టీ20 సిరీస్‌లో మొదటి మ్యాచ్‌లో కూడా సెంచరీ చేశాడు. 103 పరుగుల అజేయ ఇన్నింగ్స్ ఆడాడు. శాంసన్ లాగే తన జట్టుకు తొలి మ్యాచ్‌కే హీరో అయ్యాడు. అయితే, ఆ తర్వాత కేవలం 24 గంటల తర్వాత, రెండో టీ20 ఆడినప్పుడు, తొలి మ్యాచ్‌లో హీరో తొలి బంతికే ఔటయ్యాడు. ఖాతా కూడా తెరవలేకపోయాడు.
శాంసన్, సాల్ట్ కథలో భిన్నమైన విషయం ఏమిటంటే, శాంసన్ సున్నాకి అవుటైన తర్వాత భారత జట్టు రెండవ T20లో ఓడిపోయింది. సాల్ట్ సున్నా వద్ద ఔట్ అయినప్పటికీ, ఇంగ్లాండ్ రెండో మ్యాచ్‌లో వెస్టిండీస్‌ను ఓడించగలిగింది.
మరిన్ని క్రీడా వార్తల కోసం ఇక్కడ క్లిక్ చేయండి..