Sourav Ganguly : ఇది కేవలం హనీమూనే.. ముందుంది ముసళ్ల పండగ.. శుభమన్ గిల్ కు గంగూలి వార్నింగ్
శుభ్మన్ గిల్ కెప్టెన్సీ తొలి టెస్ట్లో అదరగొట్టినా, సౌరవ్ గంగూలీ ఇది కేవలం హనీమూన్ పీరియడ్ మాత్రమేనని హెచ్చరించారు. రాబోయే మ్యాచ్లలో ఒత్తిడి పెరుగుతుందని, గిల్ ఎలా రాణిస్తాడో చూడాలని గంగూలీ అన్నారు. ఐసీసీ ర్యాంకింగ్స్లో శుభమన్ గిల్ అద్భుతంగా ఎగబాకాడు.
Sourav Ganguly : భారత టెస్ట్ కెప్టెన్గా శుభ్మన్ గిల్ తన కెరీర్ను అద్భుతంగా మొదలుపెట్టాడు. తన కెప్టెన్సీలో భారత జట్టు ఎడ్జ్బాస్టన్ టెస్ట్లో విజయం సాధించింది. అయితే, మాజీ కెప్టెన్ సౌరవ్ గంగూలీ భారత కెప్టెన్ను రాబోయే కష్టాల గురించి ముందుగానే హెచ్చరించారు. భారత జట్టు మాజీ క్రికెటర్ సౌరవ్ గంగూలీ శుభ్మన్ గిల్ ప్రదర్శనను ప్రశంసించారు. అయితే అసలైన కెప్టెన్సీ సవాలు ఒత్తిడి పెరిగినప్పుడు మొదలవుతుందని ఆయన గుర్తు చేశారు. సౌరవ్ గంగూలీ మాట్లాడుతూ.. “బ్యాటింగ్ చేస్తూ అతని అత్యుత్తమ ప్రదర్శనను నేను ఇప్పటివరకు చూశాను. అతను ఇప్పుడు కెప్టెన్ అయ్యాడు. ఇది హనీమూన్ పీరియడ్. కానీ కాలంతో పాటు అతనిపై ఒత్తిడి పెరుగుతుంది. రాబోయే మూడు టెస్ట్ మ్యాచ్లలో ఈ ఒత్తిడి మరింత పెరుగుతుంది” అని అన్నారు. ఇంగ్లాండ్తో జరుగుతున్న టెస్ట్ సిరీస్లో శుభ్మన్ గిల్ ప్రస్తుతం మంచి ఫామ్లో ఉన్నాడు. అతను మొదటి రెండు టెస్ట్ మ్యాచ్లలో 146.25 సగటుతో 585 పరుగులు చేశాడు.
ఎడ్జ్బాస్టన్లో జరిగిన రెండో టెస్ట్లో గిల్ మొదటి ఇన్నింగ్స్లో డబుల్ సెంచరీ, ఆ తర్వాత రెండో ఇన్నింగ్స్లో 161 పరుగుల అద్భుతమైన ఇన్నింగ్స్ ఆడాడు.తన ఈ అద్భుత ప్రదర్శనతో భారత్ ఇంగ్లాండ్పై రెండో టెస్ట్లో 336 పరుగుల భారీ తేడాతో విజయం సాధించింది. అంతకుముందు లీడ్స్లో జరిగిన సిరీస్ మొదటి మ్యాచ్ మొదటి ఇన్నింగ్స్లో అతను 147 పరుగులు చేశాడు. లీడ్స్లో భారత్ మొదటి టెస్ట్ మ్యాచ్ను ఐదు వికెట్ల తేడాతో ఓడిపోయింది. మూడో టెస్ట్ గురువారం నుంచి లార్డ్స్లో ప్రారంభం కానుంది.
ఐసీసీ ర్యాంకింగ్స్లో గిల్ దూకుడు
సిరీస్కు ముందు 24 ఏళ్ల శుభ్మన్ గిల్ 23వ స్థానంలో ఉన్నాడు. బుధవారం విడుదలైన ఐసీసీ టెస్ట్ బ్యాట్స్మెన్ల తాజా ర్యాంకింగ్స్లో 15 స్థానాలు ఎగబాకి తన కెరీర్లో అత్యుత్తమ ఆరో ర్యాంకుకు చేరుకున్నాడు. ఎడ్జ్బాస్టన్లో చేసిన 430 పరుగులతో, అతను ఇప్పటివరకు రెండు టెస్టుల్లో మొత్తం 585 పరుగులు చేశాడు. ఇంకా సిరీస్లో మూడు మ్యాచ్లు ఆడాల్సి ఉంది. గిల్ కెరీర్లో అంతకు ముందు అత్యుత్తమ ర్యాంకింగ్ 14, అది సెప్టెంబర్ 2023లో సాధించాడు.
మరిన్ని క్రికెట్ న్యూస్ కోసం ఇక్కడ చేయండి..