IPL 2023, DC vs KKR: టాస్‌కి ముందే అడ్డొచ్చిన వరుణుడు.. ఆపై బౌలింగ్ ఎంచుకున్న వార్నర్ మామ.. తుది జట్టు వివరాలివే..

Dc Vs Kkr, Ipl 2023

IPL 2023, DC vs KKR: ఐపీఎల్‌ 16వ సీజన్‌లో భాగంగా ఏప్రిల్ 20న జరుగుతున్న రెండో మ్యాచ్‌లో ఢిల్లీ క్యాపిటల్స్, కోల్‌కతా నైట్ రైడర్స్ తలపడుతున్నాయి. అయితే మ్యాచ్‌కి ముందు వర్షం పడడంతో దాదాపు 45 నిముషాల లేటుగా వేసిన టాస్ వేశారు. ఇక టాస్ గెలిచిన ఢిల్లీ క్యాపిటల్స్ ముందుగా బౌలింగ్ ఎంచుకుంది. దీంతో నితిష్ రాణా నేతృత్వంలోని కోల్‌కతా ముందుగా బ్యాటింగ్ చేయనుంది. ఈ మ్యాచ్‌లో ఢిల్లీ క్యాపిటల్స్ తరఫున ఫిలిప్ సాల్ట్ అనే ఇంగ్లాండ్ ఆటగాడు ఐపీఎల్ అరంగేట్రం చేస్తుండగా.. ఇషాంట్ శర్మ దాదాపు 717 రోజుల తర్వాత జట్టులోకి తిరిగి వచ్చాడు.

అయితే ఈ మ్యాచ్‌లో కోల్‌కతా టీమ్ నాలుగు మార్పులు చేసింది. రహ్మతుల్లా గుర్భాజ్, శార్దూల్ ఠాకూర్, లూకీ ఫెర్గూసన్ స్థానాలలో జేసన్ రాయ్, లిటన్ దాస్, మన్దీప్ సింగ్, కుల్వంత్ ఖేజ్రోలియా జట్టులోకి వచ్చారు.  అలాగే సుయాష్ శర్మ, జగదీషన్ ఇంపాక్ట్ ప్లేయర్లుగా ఉన్నారు. మరోవైపు ఢిల్లీ క్యాపిటల్స్ కూడా రెండు మార్పులు చేసింది. ఈ క్రమంలో ఫిలిప్ సాల్ట్, ఇషాంత్ శర్మ, ముకేష్ కుమార్ టీమ్‌లోకి తీసుకుని ఫృథ్వీ షా, యష్ దుల్‌ని ఇంపాక్ట్ ప్లేయర్లుగా తీసుకుంది. అలాగే ముస్తఫిజుర్ రెహ్మన్, అభిషేక్ పారెల్‌ని బెంచ్‌కి పరిమితం చేసింది.

తుది జట్టు వివరాలు:

కోల్‌కతా నైట్ రైడర్స్ (ప్లేయింగ్ XI): జాసన్ రాయ్, లిట్టన్ దాస్(వికెట్ కీపర్), వెంకటేష్ అయ్యర్, నితీష్ రాణా(కెప్టెన్), మన్‌దీప్ సింగ్, ఆండ్రీ రస్సెల్, రింకూ సింగ్, సునీల్ నరైన్, కుల్వంత్ ఖేజ్రోలియా, ఉమేష్ యాదవ్, వరుణ్ చకరవర్తి

ఢిల్లీ క్యాపిటల్స్ (ప్లేయింగ్ XI): డేవిడ్ వార్నర్(కెప్టెన్), ఫిలిప్ సాల్ట్(వికెట్ కీపర్), మిచెల్ మార్ష్, మనీష్ పాండే, అక్షర్ పటేల్, అమన్ హకీమ్ ఖాన్, లలిత్ యాదవ్, కుల్దీప్ యాదవ్, అన్రిచ్ నార్ట్జే, ఇషాంత్ శర్మ, ముఖేష్ కుమార్

మరిన్ని క్రీడా వార్తల కోసం ఇక్కడ క్లిక్ చేయండి..