Team India Squad: మిగిలిన 3 టెస్టులకు భారత జట్టు ఇదే.. కోహ్లీ, శ్రేయాస్ ఔట్.. యంగ్ ప్లేయర్కు లక్కీ ఛాన్స్..
India's Squad for Eng Test Series: ఇక భారత్, ఇంగ్లండ్ జట్ల మధ్య మూడవ టెస్ట్ ఫిబ్రవరి 15, 2024న రాజ్కోట్లో ప్రారంభమవుతుంది. నాల్గవ టెస్ట్ ఫిబ్రవరి 23, 2024 నుంచి రాంచీలో మొదలుకానుంది. సిరీస్లోని ఐదవ, చివరి టెస్ట్ మార్చి 07, 2024 నుంచి ధర్మశాలలో జరగనుంది.
India’s Squad for Eng Test Series: ఇంగ్లండ్తో జరిగే ఐడీఎఫ్సీ ఫస్ట్ బ్యాంక్ సిరీస్లో చివరి మూడు టెస్టుల కోసం పురుషుల సెలక్షన్ కమిటీ భారత జట్టును ప్రకటించింది. ఈ స్వ్కాాడ్లో కొత్త ముఖానికి కూడా జట్టులో అవకాశం దక్కడం గమనార్హం. కేఎల్ రాహుల్, రవీంద్ర జడేజా తిరిగి జట్టులోకి వచ్చారు. ఇది కాకుండా, విరాట్ కోహ్లీ గత మూడు టెస్టుల్లో కూడా టీమ్ ఇండియాలో భాగం కాదు.
చివరి మూడు టెస్టులకు 17 మంది సభ్యులతో కూడిన టీమిండియాను బీసీసీఐ ప్రకటించింది. ఫాస్ట్ బౌలింగ్ విభాగంలో వైస్ కెప్టెన్ జస్ప్రీత్ బుమ్రా, మహ్మద్ సిరాజ్, ముఖేష్ కుమార్లతో పాటు యువ ప్లేయర్ ఆకాశ్ దీప్ కూడా జట్టులోకి వచ్చాడు. స్పిన్ విభాగంలో రవిచంద్రన్ అశ్విన్, రవీంద్ర జడేజా, అక్షర్ పటేల్, కుల్దీప్ యాదవ్ లతో పాటు వాషింగ్టన్ సుందర్ కు కూడా చోటు దక్కింది.
విరాట్ కోహ్లి, శ్రేయాస్ అయ్యర్ ఔట్..
స్టార్ బ్యాట్స్మెన్, మాజీ కెప్టెన్ విరాట్ కోహ్లీ చివరి మూడు టెస్టులకు కూడా తిరిగి జట్టులోకి రాలేదు. వ్యక్తిగత కారణాల వల్ల తొలి రెండు టెస్టుల్లో కూడా అతను టీమ్ ఇండియాలో భాగం కాలేదు. కాగా, గాయం కారణంగా శ్రేయాస్ అయ్యర్ చివరి మూడు టెస్టుల్లో జట్టులో ఉండడు. అతను మొత్తం సిరీస్ నుంచి నిష్క్రమించాడు.
జట్టు: రోహిత్ శర్మ (కెప్టెన్), జస్ప్రీత్ బుమ్రా (వైస్ కెప్టెన్), యశస్వి జైస్వాల్, శుభమన్ గిల్, కెఎల్ రాహుల్*, రజత్ పటీదార్, సర్ఫరాజ్ ఖాన్, ధ్రువ్ జురెల్ (కీపర్), కెఎస్ భరత్ (కీపర్), ఆర్ అశ్విన్, రవీంద్ర జడేజా*, అక్షర్ పటేల్, వాషింగ్టన్ సుందర్, కుల్దీప్ యాదవ్, మొహమ్మద్. సిరాజ్, ముఖేష్ కుమార్, ఆకాష్ దీప్.
అయితే, ఇందులో కొన్ని కండీషన్లను కూడా ప్రకటించింది. అందులో మొదటిది విరాట్ కోహ్లీ గురించి. వ్యక్తిగత కారణాల వల్ల మిగిలిన సిరీస్ల ఎంపికకు విరాట్ కోహ్లీ అందుబాటులో లేడని ప్రకటించింది. మిస్టర్ కోహ్లీ నిర్ణయాన్ని బోర్డు పూర్తిగా గౌరవిస్తుంది. అలాగే, మద్దతు ఇస్తుందని తెలిపింది.
ఇక రవీంద్ర జడేజా, కేఎల్ రాహుల్ పాల్గొనడం అనేది బీసీసీఐ వైద్య బృందం నివేదికలపై ఆధారపడి ఉంటుందని తెలిపింది. ఫిట్నెస్ క్లియరెన్స్ వస్తేనే వారు ఆడే అవకాశం ఉంటుందని ప్రకటించింది.
🚨 NEWS 🚨#TeamIndia‘s Squad for final three Tests against England announced.
Details 🔽 #INDvENG | @IDFCFIRSTBankhttps://t.co/JPXnyD4WBK
— BCCI (@BCCI) February 10, 2024
ఇక భారత్, ఇంగ్లండ్ జట్ల మధ్య మూడవ టెస్ట్ ఫిబ్రవరి 15, 2024న రాజ్కోట్లో ప్రారంభమవుతుంది. నాల్గవ టెస్ట్ ఫిబ్రవరి 23, 2024 నుంచి రాంచీలో మొదలుకానుంది. సిరీస్లోని ఐదవ, చివరి టెస్ట్ మార్చి 07, 2024 నుంచి ధర్మశాలలో జరగనుంది.
మరిన్ని క్రీడా వార్తల కోసం ఇక్కడ క్లిక్ చేయండి..