IND vs PAK, ICC World Cup: విశ్రాంతి తీసుకోకుండానే అహ్మదాబాద్కు.. 8వ విజయంపై కన్నేసిన రోహిత్ సేన..
Team India jets off to Ahmedabad: బుధవారం ఆఫ్ఘనిస్తాన్తో జరిగిన ICC ODI ప్రపంచ కప్లో విజయం సాధించిన తర్వాత, రోహిత్ శర్మ, విరాట్ కోహ్లీతో సహా భారత ఆటగాళ్లు ఈ ఉదయం అహ్మదాబాద్కు బయలుదేరారు. ప్రపంచకప్లో భారత్ తన మూడో మ్యాచ్ను అక్టోబర్ 14న నరేంద్ర మోదీ స్టేడియంలో పాకిస్థాన్తో ఆడనుంది.
IND vs PAK, ICC World Cup: ICC ODI వరల్డ్ కప్ 2023లో ఆఫ్ఘనిస్తాన్తో జరిగిన రెండో మ్యాచ్లో 8 వికెట్ల తేడాతో గెలిచిన టీమ్ ఇండియా.. ఇప్పుడు తదుపరి మ్యాచ్కు సిద్ధమవుతోంది. బుధవారం ఆఫ్ఘనిస్థాన్తో మ్యాచ్ ముగిసిన అనంతరం రోహిత్ శర్మ ఈ ఉదయం కూడా విశ్రాంతి తీసుకోకుండా అహ్మదాబాద్కు బయలుదేరాడు. ప్రపంచకప్లో భారత్ తన మూడో మ్యాచ్ను అక్టోబర్ 14న నరేంద్ర మోదీ స్టేడియంలో పాకిస్థాన్తో ఆడనుంది.
రోహిత్ శర్మ, విరాట్ కోహ్లీ, రవిచంద్రన్ అశ్విన్, సూర్యకుమార్ యాదవ్, జస్ప్రీత్ బుమ్రా, శ్రేయాస్ అయ్యర్, కేఎల్ రాహుల్, ఇషాన్ కిషన్ సహా భారత ఆటగాళ్లు విమానాశ్రయంలో కనిపించారు. డెంగ్యూ జ్వరం నుంచి కోలుకుంటున్న స్టార్ ఓపెనర్ శుభ్మన్ గిల్ నిన్న (అక్టోబర్ 11) రాత్రి అహ్మదాబాద్లో ల్యాండ్ అయ్యాడు. ఈరోజు అహ్మదాబాద్లో మిగతా టీమ్లు వారితో చేరనున్నారు.
శుభమాన్ గిల్ అహ్మదాబాద్ చేరుకున్న వీడియో..
So the @ShubmanGill reached Ahemdabad ,hope he will be fine soon and deliver good news asap #WorldCup2023 pic.twitter.com/f7NC1JR1KU
— vipul kashyap (@kashyapvipul) October 11, 2023
భారత్-పాక్ ప్రపంచకప్ మ్యాచ్కు శుభ్మాన్ గిల్ ఫిట్గా ఉండే అవకాశం లేదు. అతని గైర్హాజరీలో రోహిత్ శర్మతో పాటు ఇషాన్ కిషన్ ఓపెనర్గా కొనసాగనున్నాడు. తొలి మ్యాచ్లో జీరోకే పెవిలియన్ చేరిన కిషన్.. ఇప్పుడు మళ్లీ ఫామ్లోకి వచ్చాడు. ఆఫ్ఘనిస్థాన్తో జరిగిన మ్యాచ్లో 47 బంతుల్లో 47 పరుగులు చేశాడు.
8వ విజయంపై కన్నేసిన టీమిండియా..
బాబర్ ఆజం నేతృత్వంలోని పాకిస్థాన్ క్రికెట్ జట్టు బుధవారం అహ్మదాబాద్లో అడుగుపెట్టింది. నేటి నుంచి పాక్ ఆటగాళ్లు ప్రాక్టీస్ ప్రారంభించనున్నారు. వన్డే ప్రపంచకప్లో భారత్, పాకిస్థాన్ జట్లు 7సార్లు తలపడ్డాయి. ఆడిన ఏడు మ్యాచ్ల్లో భారత్ విజయం సాధించింది. దీంతో ఈ మ్యాచ్ ఉత్కంఠ రేపనుంది.
అహ్మదాబాద్ చేరుకున్న పాకిస్థాన్ ఆటగాళ్ల వీడియో..
అతిపెద్ద స్టేడియంగా పేరొందిన అహ్మదాబాద్లోని నరేంద్ర మోదీ క్రికెట్ స్టేడియం బ్యాటింగ్కు అనుకూలంగా ఉంది. మ్యాచ్ ఆరంభంలో బ్యాటింగ్ బాగా ఉంటే, మ్యాచ్ సాగుతున్న కొద్దీ ఇక్కడి వికెట్ స్పిన్నర్లు సమర్థంగా రాణిస్తారు. కాబట్టి ఇక్కడ బ్యాటర్లకు ఓపెనింగ్ ఓవర్లు సవాలుగా ఉంటాయి.
ఇరు జట్ల స్వ్కాడ్స్:
భారత జట్టు: రోహిత్ శర్మ (కెప్టెన్), హార్దిక్ పాండ్యా (వైస్ కెప్టెన్), శుభమన్ గిల్, విరాట్ కోహ్లీ, శ్రేయాస్ అయ్యర్, కేఎల్ రాహుల్ (కీపర్), రవీంద్ర జడేజా, శార్దూల్ ఠాకూర్, జస్ప్రీత్ బుమ్రా, మహ్మద్ సిరాజ్, కుల్దీప్ యాదవ్, మహ్మద్ షమీ, రవిచంద్రన్ అశ్విన్, ఇషాన్ కిషన్ , సూర్యకుమార్ యాదవ్.
పాకిస్థాన్ జట్టు: బాబర్ అజామ్ (కెప్టెన్), షాదాబ్ ఖాన్, ఫఖర్ జమాన్, ఇమామ్ ఉల్ హక్, అబ్దుల్లా షఫీక్, మహ్మద్ రిజ్వాన్, సౌద్ షకీల్, ఇఫ్తీకర్ అహ్మద్, సల్మాన్ అలీ అఘా, మహ్మద్ నవాజ్, ఉసామా మీర్, హరీస్ రవూఫ్, హసన్ అలీ, షాహీన్ అఫ్రిది, మహ్మద్ వసీం.
మరిన్ని క్రీడా వార్తల కోసం ఇక్కడ క్లిక్ చేయండి..