IND vs AUS 1st T20I: ఆసీస్‌పై అతిపెద్ద రన్ ఛేజ్.. విశాఖలో భారత్ ఉత్కంఠ విజయం..

Ind Vs Aus 1st T20i Result

IND vs AUS 1st T20 Cricket Result: ఆస్ట్రేలియాతో జరిగిన టీ20 సిరీస్‌లో భాగంగా తొలి మ్యాచ్‌లో భారత్ 2 వికెట్ల తేడాతో ఘన విజయం సాధించింది. 209 పరుగుల లక్ష్యాన్ని 20 ఓవర్లలో 8 వికెట్ల నష్టానికి ఛేదించింది. టి-20లో కంగారూ జట్టుపై భారత్‌కు ఇదే అతిపెద్ద పరుగుల వేట. అంతకుముందు, అత్యంత విజయవంతమైన పరుగుల వేట 202/4 పరుగులు కాగా, 2013లో భారతదేశం ఈ ఛేజ్ చేసింది.

విశాఖపట్నంలో టాస్ ఓడి తొలుత బ్యాటింగ్ చేసిన ఆస్ట్రేలియా 20 ఓవర్లలో 3 వికెట్లకు 208 పరుగులు చేసింది. జట్టు తరఫున జోష్ ఇంగ్లీష్ తొలి సెంచరీ సాధించాడు. 50 బంతుల్లో 110 పరుగులు చేసి ఇన్నింగ్స్ ఆడాడు. స్టీవ్ స్మిత్ హాఫ్ సెంచరీ చేశాడు. టీమిండియా తరుపున కెప్టెన్ సూర్యకుమార్ యాదవ్, ఇషాన్ కిషన్ హాఫ్ సెంచరీలతో రాణించారు.

అంతకుముందు టీ20 సిరీస్‌లో భాగంగా తొలి మ్యాచ్‌లో భారత్‌కు ఆస్ట్రేలియా 209 పరుగుల విజయ లక్ష్యాన్ని నిర్దేశించింది. విశాఖపట్నంలో టాస్ ఓడి తొలుత బ్యాటింగ్ చేసిన కంగారుల జట్టు 20 ఓవర్లలో 3 వికెట్లకు 208 పరుగులు చేసింది.

జోష్ ఇంగ్లిస్ 50 బంతుల్లో 110 పరుగులతో తుఫాన్ ఇన్నింగ్స్ ఆడాడు. తన T-20 కెరీర్‌లో తొలి సెంచరీని నమోదు చేశాడు. ఇంగ్లిష్‌తో పాటు స్టీవ్ స్మిత్ 52 పరుగులు చేశాడు. వీరిద్దరూ 66 బంతుల్లో 130 పరుగుల భాగస్వామ్యం నెలకొల్పారు.

భారత్ తరపున ప్రసీద్ధ్ కృష్ణ, రవి బిష్ణోయ్ చెరో వికెట్ తీశారు. ఒక బ్యాట్స్‌మెన్ రనౌట్ అయ్యాడు.

ఇరుజట్ల ప్లేయింగ్ 11:

భారత జట్టు: రుతురాజ్ గైక్వాడ్, యశస్వి జైస్వాల్, ఇషాన్ కిషన్(కీపర్), సూర్యకుమార్ యాదవ్(కెప్టెన్), తిలక్ వర్మ, రింకూ సింగ్, అక్షర్ పటేల్, రవి బిష్ణోయ్, అర్ష్‌దీప్ సింగ్, ముఖేష్ కుమార్, ప్రసిద్ధ్ కృష్ణ.

ఆస్ట్రేలియా జట్టు: మాథ్యూ షార్ట్, స్టీవెన్ స్మిత్, జోష్ ఇంగ్లిస్, ఆరోన్ హార్డీ, మార్కస్ స్టోయినిస్, టిమ్ డేవిడ్, మాథ్యూ వేడ్(కీపర్/కెప్టెన్), సీన్ అబాట్, నాథన్ ఎల్లిస్, జాసన్ బెహ్రెన్‌డార్ఫ్, తన్వీర్ సంఘ.

మరిన్నిక్రీడా వార్తల కోసం ఇక్కడ క్లిక్ చేయండి..