Virat Kohli: సఫారీల గడ్డపై చరిత్ర సృష్టించిన కింగ్ కోహ్లీ.. 146 ఏళ్ల క్రికెట్ చరిత్రలో తొలి బ్యాటర్‌గా..
సౌతాఫ్రికా బౌలర్ల దాడిని ఎదుర్కొంటూ అడ్డుగా నిలిచాడు విరాట్ కోహ్లీ. ఈ మ్యాచ్‌లో తొలి ఇన్నింగ్స్‌లో 38 పరుగులు చేసిన కింగ్ కోహ్లీ రెండో ఇన్నింగ్స్‌లో 76 పరుగులు సాధించాడు. . ఈ పరుగులతో విరాట్ కోహ్లీ దక్షిణాఫ్రికాలో అత్యధిక పరుగులు చేసిన భారత బ్యాటర్‌గా నిలిచాడు.
Updated on: Dec 30, 2023 | 9:40 PM
దక్షిణాఫ్రికాతో జరిగిన తొలి టెస్టులో టీమిండియా ఇన్నింగ్స్‌ 32 పరుగుల తేడాతో పరాజయం పాలైంది. టీమిండియా బ్యాటర్లు సమష్టిగా విఫలం కావడంతో భారత్‌కు ఘోర ఓటమి తప్పలేదు. అయితే సౌతాఫ్రికా బౌలర్ల దాడిని ఎదుర్కొంటూ అడ్డుగా నిలిచాడు విరాట్ కోహ్లీ. ఈ మ్యాచ్‌లో తొలి ఇన్నింగ్స్‌లో 38 పరుగులు చేసిన కింగ్ కోహ్లీ రెండో ఇన్నింగ్స్‌లో 76 పరుగులు సాధించాడు. . ఈ పరుగులతో విరాట్ కోహ్లీ దక్షిణాఫ్రికాలో అత్యధిక పరుగులు చేసిన భారత బ్యాటర్‌గా నిలిచాడు. సెంచూరియన్ వేదికగా దక్షిణాఫ్రికాతో జరుగుతున్న తొలి టెస్టులో విరాట్ కోహ్లీ మొత్తం 114 పరుగులు చేసి ప్రత్యేక రికార్డు సృష్టించాడు. అలాగే సచిన్ టెండూల్కర్ పేరిట ఉన్న రికార్డును బద్దలు కొట్టడం విశేషం. గతంలో ఈ రికార్డు సచిన్ టెండూల్కర్ పేరిట ఉండేది. దక్షిణాఫ్రికాలో 38 మ్యాచ్‌లు ఆడిన సచిన్ 6 సెంచరీలతో మొత్తం 1724 పరుగులు చేశాడు. ఇప్పుడు ఈ రికార్డును కింగ్ కోహ్లీ బద్దలు కొట్టాడు.
విరాట్ కోహ్లీ దక్షిణాఫ్రికాలో ఇప్పటి వరకు మొత్తం 29 మ్యాచ్‌లు ఆడాడు. ఈసారి 5 సెంచరీలతో 1750 పరుగులు సేకరించాడు. దీంతో సఫారీల గడ్డపై అత్యధిక పరుగులు చేసిన భారత బ్యాటర్‌గా కోహ్లీ అరుదైన ఘనత సొంతం చేసుకున్నాడు. అలాగే ఈ మ్యాచ్‌లో మొత్తం 114 పరుగులతో విరాట్ కోహ్లీ 2023లో 2000+ పరుగులు పూర్తి చేశాడు. దీంతో ఒక్క ఏడాదిలో 2 వేలకు పైగా పరుగులు చేసిన బ్యాటర్‌గా విరాట్ నిలిచాడు. గతంలో ఈ రికార్డు శ్రీలంక కుమార సంగక్కర పేరిట ఉండేది. సంగక్కర ఒక సంవత్సరంలో 6 సార్లు 2 వేలకు పైగా పరుగులు చేసి ప్రపంచ రికార్డు సృష్టించాడు. ఇప్పుడు కింగ్ కోహ్లీ 7వ సారి ఏడాదిలో 2000 పరుగులు పూర్తి చేశాడు. దీంతో క్రికెట్ చరిత్రలో ఏడాది వ్యవధిలో 7 సార్లు 2000+ పరుగులు చేసిన తొలి బ్యాటర్‌గా విరాట్ కోహ్లీ మరో రికార్డును ఖాతాలో వేసుకున్నాడు. 146 ఏళ్ల అంతర్జాతీయ క్రికెట్ చరిత్రలో ఈ ఫీట్‌ నమోదు చేసిన ఏకైక ఆటగాడు విరాట్ కోహ్లినే కావడం విశేషం.
దక్షిణాఫ్రికా గడ్డపై విరాట్ కోహ్లీ స్కోర్లు..
Virat Kohli in test vs SA in SA 119, 96, 46, 11, 5, 28, 153, 5, 54, 41, 35, 18, 79, 29, 38, 76 Innings – 16 Runs – 833 Avg – 52.06 100s – 2 50s – 4 pic.twitter.com/Ac8IhEK4gA
— Pallavi (@Pallavi_paul21) December 28, 2023
మరిన్ని క్రీడా వార్తల కోసం ఇక్కడ క్లిక్ చేయండి..
