IND vs SA: ఇకపై శుభ్మన్ గిల్ అలా చేయలేడు.. రెండో టెస్ట్‌కు ముందు ఊహించని షాకిచ్చిన డాక్టర్లు

Shubman Gill Injury Update

Shubman Gill Injury Update: టీమిండియా కెప్టెన్ శుభ్‌మాన్ గిల్ రెండో టెస్ట్‌కు దూరం కావడం దాదాపు ఖాయం. రెండో టెస్ట్ నవంబర్ 22 నుంచి గౌహతిలో జరగనుంది. అతను టీమిండియాతో కలిసి గౌహతికి ప్రయాణించడు. బెంగాల్ క్రికెట్ అసోసియేషన్ వర్గాలు గిల్ నిర్ణయాన్ని వార్తా సంస్థ PTIకి ధృవీకరించాయి. గిల్ ప్రస్తుతానికి విమానం ఎక్కవద్దని వైద్యులు సూచించినట్లు సమాచారం. అతను విమానంలో ప్రయాణించవద్దని సలహా ఇచ్చారు. అందుకే అతను గౌహతికి ప్రయాణించడు.

భారత్‌కు కీలకంగా రెండో టెస్ట్.. గిల్‌పై సస్పెన్స్..

కోల్‌కతాలో జరిగిన తొలి టెస్టులో ఘోర పరాజయం పాలైన తర్వాత, రెండో టెస్టు టీమిండియాకు కీలకంగా మారింది. సిరీస్ ఓటమిని భారత్ తప్పించుకోవాలనుకుంటే, గౌహతిలోని బారాబతి స్టేడియంలో విజయం సాధించడమే ఏకైక మార్గం. కానీ, ఆ నిర్ణయం తీసుకునేలోపు, కెప్టెన్ గాయం జట్టు ఆందోళనలను మరింత పెంచింది.

మంగళవారం తుది నిర్ణయం తీసుకునే ఛాన్స్..

పీటీఐ నివేదిక ప్రకారం, శుభ్‌మాన్ గిల్‌కు రాబోయే నాలుగు రోజులు విశ్రాంతి తీసుకోవాలని సూచించారు. వైద్యుల నిర్ణయం కారణంగా అతను రెండవ టెస్ట్ కోసం జట్టుతో గౌహతికి ప్రయాణించడం కష్టమవుతుందని నివేదిక పేర్కొంది. అయితే, గిల్ గాయాన్ని ప్రతిరోజూ అంచనా వేస్తున్నారని, అతని గౌహతి ప్రయాణంపై మంగళవారం తుది నిర్ణయం తీసుకోవచ్చని వర్గాలు సూచిస్తున్నాయి.

గిల్ ఎప్పుడు గాయపడ్డాడు?

కోల్‌కతా టెస్ట్‌లో భారత్ తొలి ఇన్నింగ్స్‌లో బ్యాటింగ్ చేస్తున్నప్పుడు శుభ్‌మాన్ గిల్ గాయపడ్డాడు. అతను 3 బంతుల్లో 4 పరుగులు చేసి బ్యాటింగ్ చేస్తున్నప్పుడు మెడ నొప్పితో బాధపడుతూ రిటైర్ కావాల్సి వచ్చింది. గాయం కారణంగా, గిల్ రెండవ ఇన్నింగ్స్‌లో కూడా బ్యాటింగ్ చేయలేదు.

శుభ్‌మాన్ గిల్ గౌహతి టెస్ట్‌కు దూరమైతే, 2024 అక్టోబర్ తర్వాత అతను టెస్ట్ మ్యాచ్‌కు దూరమవడం అదే తొలిసారి అవుతుంది. ఆ సమయంలో గిల్ న్యూజిలాండ్‌తో జరిగిన టెస్ట్‌కు దూరమయ్యాడు.