IND vs NZ, 3rd Test: ముంబైలోనూ టీమిండియాకు ఓటమే.. వాంఖడేలో అత్యధిక ఛేజింగ్ ఎంతో తెలుసా?

Ind Vs Nz Mumbai Test Stats

Highest Successful Run Chases at Wankhede Stadium: ముంబైలోని వాంఖడే స్టేడియంలో జరిగే మూడో టెస్టు మ్యాచ్‌లో రెండు రోజుల ఆట ముగిసింది. న్యూజిలాండ్ రెండో ఇన్నింగ్స్‌లో 9 వికెట్లు కోల్పోయి 171 పరుగులు చేసింది. దీంతో భారత్‌పై 143 పరుగుల ఆధిక్యం సంపాదించింది. ఈ టెస్ట్ మ్యాచ్‌లో భారత్ విజయాన్ని అందుకోవడానికి, ప్రపంచ టెస్ట్ ఛాంపియన్‌షిప్ (WTC) ఫైనల్‌కు చేరుకోవడానికి రేసులో ఉండాలంటే న్యూజిలాండ్‌పై ఏ టార్గెట్ అయినా ఛేదించాల్సిందే.

అయితే, ముంబైలో నాలుగో ఇన్నింగ్స్ ఆడడం అంత ఈజీ కాదు. ఎందుకంటే, ఇక్కడి పిచ్ బ్యాటర్లకు ఇబ్బందులు కలిగిస్తోంది. బౌలర్లకు అనుకూలంగా ఉంటుంది. ప్రస్తుతం న్యూజిలాండ్ జట్టు 143 పరుగుల ఆధిక్యంలో ఉంది. ఈ టార్గెట్ పెరుగుతున్నా కొద్దీ టీమిండియాకు ఛేజింగ్ కష్టంగా మారుతుంది.

2000లో భారత్‌పై 163 పరుగుల లక్ష్యాన్ని ఛేదించిన దక్షిణాఫ్రికాకు ఈ వేదికపై అత్యధిక పరుగుల ఛేజింగ్ రికార్డు ఉంది. ఒక జట్టు 100 ప్లస్ లక్ష్యాన్ని సాధించిన ఏకైక సందర్భం ఇదే కావడం గమనార్హం. 1984లో ఇంగ్లండ్‌పై 51 పరుగులకే ఆతిథ్య జట్టు లక్ష్యాన్ని ఛేదించింది.

వాంఖడే స్టేడియంలో అత్యధిక పరుగుల ఛేజింగ్‌లు ఇవే..

దక్షిణాఫ్రికా 164/6 vs భారతదేశం (2000)

ఇంగ్లండ్ 98/0 vs భారతదేశం (1980)

ఇంగ్లండ్ 58/0 vs భారతదేశం (2012)

భారత్ 51/2 vs ఇంగ్లాండ్ (1984)

ఆస్ట్రేలియా 47/0 vs భారతదేశం (2001).

మరిన్ని క్రీడా వార్తల కోసం ఇక్కడ క్లిక్ చేయండి..