రెండేళ్లుగా ఒక్క టెస్టూ ఆడలేదు.. ఇంగ్లాండ్‌లో సెంచరీ బాదేశాడు.. ఆ టీమిండియా ప్లేయర్ ఎవరంటే!
ఫార్మాట్ ఏదైనా కూడా దంచికొట్టుడే. మిడిల్ ఆర్డర్‌లో జట్టుకు అండగా ఉంటూ ఎన్నో విజయాల్లో కీలక పాత్ర పోషించాడు. చివరిసారిగా టెస్ట్ మ్యాచ్..
ఫార్మాట్ ఏదైనా కూడా దంచికొట్టుడే. మిడిల్ ఆర్డర్‌లో జట్టుకు అండగా ఉంటూ ఎన్నో విజయాల్లో కీలక పాత్ర పోషించాడు. చివరిసారిగా టెస్ట్ మ్యాచ్ 2019లో ఆడాడు. అతడెవరో మీకు అర్ధమై ఉంటుంది.! కెఎల్ రాహుల్.. టీ20, వన్డేల్లో బెస్ట్ బ్యాట్స్‌మెన్‌గా పేరుపొందిన రాహుల్.. చివరిసారిగా 2019లో జరిగిన వెస్టిండిస్ పర్యటనలో టెస్టుల్లో ఆడాడు. అప్పటినుంచి ఈ లాంగెస్ట్ ఫార్మాట్‌లో అవకాశం కోసం ఎదురు చూస్తున్నాడు.
ప్రస్తుతం ఇంగ్లాండ్ పర్యటనలో ఉన్న రాహుల్ వార్మప్ మ్యాచ్‌లో అదరగొట్టాడు. అజేయంగా సెంచరీ చేసి ప్రత్యర్ధులను బెంబేలెత్తించాడు. తాజాగా మీడియాతో మాట్లాడిన రాహుల్.. ” వైట్ జెర్సీలో పరుగులు చేయడం ఎప్పుడూ సంతోషాన్ని ఇస్తుందని” చెప్పుకొచ్చాడు. టెస్టుల్లో ఆడి చాలా రోజులు అయినప్పటికీ.. ప్రస్తుతం అవకాశం కోసం వేచి చేస్తున్నానని అన్నాడు. ప్రస్తుతం తన ఆటపై పూర్తిగా ఫోకస్ పెట్టానని రాహుల్ స్పష్టం చేశాడు.
ప్రాక్టీస్ మ్యాచ్‌లో సెంచరీ..
గత వారం, కౌంటీ సెలెక్ట్ ఎలెవన్‌తో జరిగిన మూడు రోజుల సన్నాహక మ్యాచ్‌లో కెఎల్ రాహుల్ టీమిండియా తరపున సెంచరీ బాదేశాడు. వృద్దిమాన్ సాహా, రిషబ్ పంత్ అందుబాటులో లేకపోవడంతో రాహుల్ వికెట్ కీపర్, బ్యాట్స్‌మన్‌గా బరిలోకి దిగి అదరగొట్టాడు.
2018 ఇంగ్లాండ్ పర్యటనలో శతక్కొట్టాడు…
టెస్టుల్లో రాహుల్ చివరిసారిగా 2019లో ఆడాడు. వైట్ జెర్సీలో వెస్టిండిస్ పర్యటనలో ఈ వికెట్ కీపర్ బ్యాట్స్‌మెన్ మంచి ప్రదర్శన కనబరిచాడు. ఇక అంతకంటే ముందు 2018లో టీమిండియా ఇంగ్లాండ్ పర్యటించినప్పుడు.. ది ఓవల్ మైదానంలో కెఎల్ రాహుల్ 149 పరుగులు చేశాడు. కాగా, రాహుల్ టీ20ల్లో అద్భుత ఫామ్ కనబరుస్తున్నాడు. అటు వన్డేల్లో కూడా మిడిల్ ఆర్డర్ బ్యాట్స్‌మెన్‌గా రాణిస్తున్నాడు. అయితే అతడికి టెస్టుల్లో ఛాన్స్ మాత్రం రావట్లేదు. రిషబ్ పంత్, వృద్దిమాన్ సాహా ఇప్పటికే టీంలో ఉండటంతో.. రాహుల్‌ను పక్కన పెడుతున్నారు.
ఇవి కూడా చదవండి:
మార్కెట్‌లో దొరికే చేపలు తాజాగా ఉన్నాయో లేదో ఈ సింపుల్ చిట్కాల ద్వారా తెలుసుకోండి!
ఇంటి చుట్టూ తిరిగిన ‘దెయ్యం నీడ’.. పిల్లలే టార్గెటా.? ఒళ్లు గగుర్పొడిచే వీడియో వైరల్..
మీరెప్పుడైనా ‘వెనమ్’ను రియల్‌గా చూశారా.? వేట మాములుగా ఉండదు.. షాకింగ్ వీడియో.!