WTC: ధర్మశాలలో ఘన విజయం.. కట్చేస్తే.. డబ్ల్యూటీసీలో టాప్ లేపిన రోహిత్ సేన.. మూడోసారి ఫైనల్కు భారత్ సిద్ధం?
WTC Points Table: ఈ సిరీస్ను భారత్ 4-1తో కైవసం చేసుకుంది. మూడు రోజుల్లో ముగిసిన ఈ సిరీస్లో ధర్మశాల టెస్టు తొలి మ్యాచ్. అంతకుముందు నాలుగు మ్యాచ్లు నాలుగో రోజు వరకు సాగాయి. టీమ్ ఇండియా సాధించిన ఈ విజయం చాలా చారిత్రాత్మకమైనది. ఎందుకంటే టెస్ట్ క్రికెట్లో 112 సంవత్సరాల తర్వాత, ఒక జట్టు మొదటి టెస్ట్ మ్యాచ్లో ఓడి 4-1 స్కోరుతో ఐదు మ్యాచ్ల టెస్ట్ సిరీస్ను గెలుచుకుంది. ఈ మ్యాచ్ అనంతరం డబ్ల్యూటీసీ పాయింట్ల పట్టికలో భారత జట్టు అగ్రస్థానం దక్కించుకుంది. మొత్తం 74 పాయింట్లతో 68.52 పాయింట్ల శాతంతో తొలి స్థానంలో నిలిచింది.
ICC World Test Championship: రోహిత్ శర్మ, శుభ్మన్ గిల్ల సెంచరీల తర్వాత, రవిచంద్రన్ అశ్విన్ అద్భుత బౌలింగ్తో భారత్ ఐదో టెస్టులో ఇంగ్లండ్ను ఓడించింది. ధర్మశాలలోని హెచ్పీసీఏ స్టేడియంలో జరిగిన ఐదో, చివరి టెస్టు మ్యాచ్లో మూడో రోజైన శనివారం ఇంగ్లండ్ను భారత్ ఇన్నింగ్స్ 64 పరుగుల తేడాతో ఓడించింది. రెండో ఇన్నింగ్స్లో ఇంగ్లండ్ను భారత్ 195 పరుగులకు ఆలౌట్ చేసింది. దీంతో ఈ సిరీస్ను భారత్ 4-1తో కైవసం చేసుకుంది. మూడు రోజుల్లో ముగిసిన ఈ సిరీస్లో ధర్మశాల టెస్టు తొలి మ్యాచ్. అంతకుముందు నాలుగు మ్యాచ్లు నాలుగో రోజు వరకు సాగాయి. టీమ్ ఇండియా సాధించిన ఈ విజయం చాలా చారిత్రాత్మకమైనది. ఎందుకంటే టెస్ట్ క్రికెట్లో 112 సంవత్సరాల తర్వాత, ఒక జట్టు మొదటి టెస్ట్ మ్యాచ్లో ఓడి 4-1 స్కోరుతో ఐదు మ్యాచ్ల టెస్ట్ సిరీస్ను గెలుచుకుంది. ఈ మ్యాచ్ అనంతరం డబ్ల్యూటీసీ పాయింట్ల పట్టికలో భారత జట్టు అగ్రస్థానం దక్కించుకుంది. మొత్తం 74 పాయింట్లతో 68.52 పాయింట్ల శాతంతో తొలి స్థానంలో నిలిచింది.
ఐసీసీ వరల్డ్ టెస్ట్ ఛాంపియన్షిప్ (WTC) మూడవ ఎడిషన్ (2023-25) డిఫెండింగ్ ఛాంపియన్స్ ఆస్ట్రేలియా వర్సెస్ ఇంగ్లాండ్ మధ్య యాషెస్ 2023తో ప్రారంభమైంది. గత రెండు ఎడిషన్ల మాదిరిగానే, ఈసారి కూడా 9 జట్లు టోర్నమెంట్లో పాల్గొంటాయి. చివరికి టాప్ 2 జట్లు ఫైనల్కు చేరుకుంటాయి.
WTC 2023-25లో మొత్తం 27 సిరీస్లు, 68 మ్యాచ్లు ఆడాల్సి ఉంది. ప్రతి జట్టు స్వదేశంలో, విదేశాల్లో 3-3 సిరీస్లు ఆడాలి. ఫైనల్ 2025లో లార్డ్స్లో జరుగుతుంది. అంతకుముందు 2021లో, ఫైనల్ను సౌతాంప్టన్లో, 2023లో ది ఓవల్లో నిర్వహించారు.
ICC WTC 2023-25 పాయింట్ల పట్టిక ఎలా ఉందంటే..
| జట్టు | సిరీస్ | మ్యాచ్ | విజయం | దండ | డ్రా/టై | పాయింట్లు | మార్కుల శాతం |
| భారతదేశం | 3 | 9 | 6 | 2 | 1/- | 74 | 68.52 |
| న్యూజిలాండ్ | 3* | 5 | 3 | 2 | , | 36 | 60 |
| ఆస్ట్రేలియా | 4* | 11 | 7 | 3 | 1/- | 78 | 59.09 |
| బంగ్లాదేశ్ | 1 | 2 | 1 | 1 | , | 12 | 50 |
| పాకిస్తాన్ | 2 | 5 | 2 | 3 | , | 22 | 36.66 |
| వెస్ట్ ఇండీస్ | 2 | 4 | 1 | 2 | 1/- | 16 | 33.33 |
| దక్షిణ ఆఫ్రికా | 2 | 4 | 1 | 3 | , | 12 | 25 |
| ఇంగ్లండ్ | 2 | 10 | 3 | 6 | 1/- | 21 | 17.50 |
| శ్రీలంక | 2 | 2 | 0 | 2 | , | 0 | 0 |
మార్చి 9, 2024 నాటికి అప్ డేట్ వివరాల మేరకు ఇక్కడ అందించాం.
గమనిక – స్లో ఓవర్ రేట్ కారణంగా, ఇంగ్లండ్ నుంచి 19 పాయింట్లు, ఆస్ట్రేలియా నుంచి 10 పాయింట్లు, భారత్, పాకిస్తాన్ నుంచి తలో 2 పాయింట్లు తగ్గించారు.
ఈ రెండేళ్లలో ఆస్ట్రేలియా భారత్, వెస్టిండీస్, పాకిస్థాన్, ఇంగ్లండ్, న్యూజిలాండ్, శ్రీలంకలతో 6 సిరీస్లు ఆడాల్సి ఉంది. ఇక ఇంగ్లండ్ జట్టు ఆస్ట్రేలియా, వెస్టిండీస్, శ్రీలంక, భారత్, న్యూజిలాండ్, పాకిస్థాన్లతో ఆరు సిరీస్లు ఆడనుంది. ఇంగ్లండ్, వెస్టిండీస్, బంగ్లాదేశ్, ఆస్ట్రేలియా, దక్షిణాఫ్రికా, శ్రీలంకలతో పాకిస్థాన్ ఆరు సిరీస్లు ఆడాల్సి ఉంది.
ఇంగ్లండ్, న్యూజిలాండ్, బంగ్లాదేశ్, వెస్టిండీస్, దక్షిణాఫ్రికా, ఆస్ట్రేలియాతో భారత్ తన 6 సిరీస్లను ఆడాల్సి ఉంది. భారత్, పాకిస్థాన్, శ్రీలంక, న్యూజిలాండ్, వెస్టిండీస్, బంగ్లాదేశ్లతో దక్షిణాఫ్రికా 6 సిరీస్లు ఆడాల్సి ఉంది. న్యూజిలాండ్, ఆస్ట్రేలియా, పాకిస్థాన్, ఇంగ్లండ్, దక్షిణాఫ్రికా, బంగ్లాదేశ్లతో శ్రీలంక 6 సిరీస్లు ఆడాల్సి ఉంది.
న్యూజిలాండ్ తన 6 సిరీస్లను ఆస్ట్రేలియా, దక్షిణాఫ్రికా, ఇంగ్లండ్, ఇండియా, బంగ్లాదేశ్, శ్రీలంకతో ఆడాల్సి ఉంది. బంగ్లాదేశ్ న్యూజిలాండ్, దక్షిణాఫ్రికా, శ్రీలంక, భారత్, వెస్టిండీస్, పాకిస్థాన్లతో ఆరు సిరీస్లు ఆడాల్సి ఉంది. భారత్, బంగ్లాదేశ్, దక్షిణాఫ్రికా, ఆస్ట్రేలియా, ఇంగ్లండ్, పాకిస్థాన్లతో వెస్టిండీస్ 6 సిరీస్లు ఆడాల్సి ఉంది.
మరిన్ని క్రీడా వార్తల కోసం ఇక్కడ క్లిక్ చేయండి..