AUS vs SL: ఆస్ట్రేలియాకు మరో బ్యాడ్ న్యూస్.. ఆ బౌలర్‌పై ఐసీసీ నిషేధం?

Aus Vs Sl Matthew Kuhnemann

AUS vs SL: ప్రస్తుతం ఆస్ట్రేలియా జట్టు గడ్డు పరిస్థితులను ఎదుర్కొంటోంది. ఛాంపియన్స్ ట్రోఫీకి ఇంకా వారం సమయం మాత్రమే ఉంది. ఇప్పటికే ఆజట్టు 6గురు సీనియర్ ప్లేయర్లను కోల్పోయింది. ఇంతలో, జట్టు బౌలర్ మాట్ కునెమాన్ ఆసీస్ టెన్షన్‌ను మరితం రెట్టింపు చేశాడు. కునెమాన్ బౌలింగ్ యాక్షన్ ఫిర్యాదుపై శ్రీలంకలో నిషేధం ఎదుర్కోవాల్సి రావొచ్చు. శ్రీలంకతో జరిగిన టెస్ట్ సిరీస్ సందర్భంగా, అంపైర్లు కుహ్నెమాన్ బౌలింగ్ యాక్షన్ గురించి ఫిర్యాదు చేశారు. దీనిపై దర్యాప్తు జరుగుతుంది.

బౌలింగ్ యాక్షన్ చట్టవిరుద్ధమని తేలితే నిషేధం..

అంపైర్ల ఫిర్యాదు తర్వాత, కుహ్నెమాన్ బయోమెట్రిక్ టెస్ట్ చేయించుకుంటాడు. కుహ్నెమాన్ బౌలింగ్ యాక్షన్ చట్టవిరుద్ధమని తేలితే అతనిపై నిషేధం విధించవచ్చని ఆస్ట్రేలియా మీడియా బుధవారం తెలిపింది.

క్రికెట్ ఆస్ట్రేలియా ఏమని ప్రకటించిందంటే..

‘గాలెలో శ్రీలంకతో జరిగిన రెండో టెస్ట్ సందర్భంగా మ్యాచ్ అధికారులు చేసిన ఫిర్యాదు గురించి ఆస్ట్రేలియా జట్టుకు సమాచారం అందింది’ అని క్రికెట్ ఆస్ట్రేలియా తెలిపింది. మేం మొత్తం విషయంలో మాట్‌కు మద్దతు ఇస్తాం. 2017లో అరంగేట్రం చేసినప్పటి నుంచి కుహ్నెమాన్ 124 ప్రొఫెషనల్ మ్యాచ్‌లు ఆడాడని, అయితే అతని బౌలింగ్ యాక్షన్ గురించి ఎప్పుడూ ఫిర్యాదు రాలేదని క్రికెట్ ఆస్ట్రేలియా తెలిపింది.

శ్రీలంకపై ప్రదర్శన ఎలా ఉందంటే?

శ్రీలంకలో కునెమాన్ అద్భుతంగా బౌలింగ్ చేశాడు. మొదటి మ్యాచ్‌లో 9 వికెట్లు, రెండో మ్యాచ్‌లో 7 వికెట్లు పడగొట్టాడు. ఆస్ట్రేలియా 2–0తో సిరీస్‌ను గెలుచుకుంది. ఇప్పుడు కంగారూ జట్టు జూన్‌లో జరిగే ప్రపంచ టెస్ట్ ఛాంపియన్‌షిప్ ఫైనల్‌లో దక్షిణాఫ్రికాతో తలపడనుంది.

మరిన్ని క్రీడా వార్తల కోసం ఇక్కడ క్లిక్ చేయండి..