IPL 2024: సీజన్ ప్రారంభానికి ముందే గుజరాత్ టైటాన్స్‌కు భారీ షాక్.. ఐపీఎల్ నుంచి స్టార్ ప్లేయర్ ఔట్..

Gujarat Titans Ipl 2024

Rashid Khan Injury: పాకిస్థాన్ సూపర్ లీగ్ రాబోయే సీజన్ నుంచి రషీద్ ఖాన్ తన పేరును ఉపసంహరించుకున్నాడు. నిజానికి, రషీద్ ఖాన్ శస్త్రచికిత్స తర్వాత పునరావాసంలో ఉన్నాడు. రషీద్ ఖాన్ గాయంతో ఐపీఎల్ టీమ్ గుజరాత్ టైటాన్స్ టెన్షన్ పెరిగింది. ఐపీఎల్ వరకు రషీద్ ఖాన్ ఫిట్‌గా ఉంటాడా అనేది ఇప్పుడు అతిపెద్ద ప్రశ్నగా మారింది. ఈ సీజన్‌లో రషీద్ ఖాన్ ఆడతాడా? లేదా? అనేది చూడాలి. గతేడాది నవంబర్‌లో రషీద్‌ ఖాన్‌కు శస్త్రచికిత్స జరిగింది. దీని తర్వాత అతను త్వరలో పునరాగమనం చేయగలడని భావించారు. కానీ, అతను భారత్‌తో జరిగే 3 T20ఐల సిరీస్‌లో ఆడలేకపోయాడు.

ఆఫ్ఘనిస్థాన్ కోచ్ జోనాథన్ ట్రాట్ ఏమన్నాడంటే?

రషీద్ ఖాన్ పునరాగమనానికి సంబంధించి మేం తొందరపడటం లేదని ఆఫ్ఘనిస్థాన్ కోచ్ జోనాథన్ ట్రాట్ అన్నారు. అతను మాకు కీలక ఆటగాడు. రషీద్ ఖాన్ పూర్తిగా ఫిట్‌గా ఉన్నాడని, రాబోయే రోజుల్లో గాయాలు కాకుండా ఉండేందుకు తగిన జాగ్రత్తలు తీసుకునే చూస్తున్నాం. ఫిట్‌గా మారిన వెంటనే మైదానంలో కనిపించనున్నాడు. అయితే, దీనికి ముందు రషీద్ ఖాన్ అంతా బాగానే ఉందని తెలుసుకోవడానికి వైద్యుడిని కలవాలనుకుంటున్నారు. అతను త్వరలో మైదానానికి తిరిగి రావచ్చు. కానీ, మేం ఏదైనా తొందర పడకూడదని అనుకుంటున్నట్లు చెప్పుకొచ్చాడు.

కష్టాల్లో గుజరాత్ టైటాన్స్..

ఐపీఎల్‌లో రషీద్ ఖాన్ ఆటతీరు అద్భుతంగా ఉంది. రషీద్ ఖాన్ గుజరాత్ టైటాన్స్‌లో సభ్యుడిగా ఉన్నాడు. ఒకవేళ రషీద్ ఖాన్ ఐపీఎల్ వరకు ఫిట్ గా లేకుంటే గుజరాత్ టైటాన్స్ కు అది పెద్ద దెబ్బగా మారుతుంది. వాస్తవానికి, ఇటీవల వేలానికి ముందు, హార్దిక్ పాండ్యా ముంబై ఇండియన్స్‌లో భాగమయ్యాడు. ముంబై ఇండియన్స్ హార్దిక్ పాండ్యాను గుజరాత్ టైటాన్స్‌కు అప్పగించింది. ఆ తర్వాత శుభ్‌మన్ గిల్‌ను కెప్టెన్‌గా నియమించారు. అయితే ఇప్పుడు రషీద్ ఖాన్ ఆడలేకపోతే గుజరాత్ టైటాన్స్ కష్టాలు పెరగడం ఖాయం.

మరిన్ని క్రీడా వార్తల కోసం ఇక్కడ క్లిక్ చేయండి..