T20 WC 2024 Flop Playing XI: టీ20 ప్రపంచకప్ 2024లో చెత్త ప్లేయర్లు వీరే.. ఫ్లాప్ ప్లేయింగ్ XIలో ఊహించనోళ్లకు చోటు..
T20 World Cup 2024 Flop Playing XI: జూన్ 29, శనివారం బార్బడోస్‌లో దక్షిణాఫ్రికా (IND vs SA)ని ఓడించిన టీమిండియా T20 ప్రపంచ కప్ 2024 ట్రోఫిని ముగించింది. విరాట్ కోహ్లీ (76) ధాటికి తొలుత బ్యాటింగ్ చేసిన భారత్ 176/7తో పటిష్ట స్కోరు చేసింది. ఛేజింగ్‌లో ప్రోటీస్ జట్టు మొత్తం ఓవర్లు ఆడి 169/8 స్కోర్ మాత్రమే చేయగలిగింది. భారత్ 7 పరుగుల తేడాతో మ్యాచ్‌ను గెలుచుకుంది.
T20 World Cup 2024 Flop Playing XI: జూన్ 29, శనివారం బార్బడోస్‌లో దక్షిణాఫ్రికా (IND vs SA)ని ఓడించిన టీమిండియా T20 ప్రపంచ కప్ 2024 ట్రోఫిని ముగించింది. విరాట్ కోహ్లీ (76) ధాటికి తొలుత బ్యాటింగ్ చేసిన భారత్ 176/7తో పటిష్ట స్కోరు చేసింది. ఛేజింగ్‌లో ప్రోటీస్ జట్టు మొత్తం ఓవర్లు ఆడి 169/8 స్కోర్ మాత్రమే చేయగలిగింది. భారత్ 7 పరుగుల తేడాతో మ్యాచ్‌ను గెలుచుకుంది.
టోర్నమెంట్‌లో, పాకిస్తాన్, న్యూజిలాండ్ వంటి కొన్ని అగ్రశ్రేణి జట్లు సూపర్ 8 దశకు చేరుకోలేకపోయాయి. ఆస్ట్రేలియా, వెస్టిండీస్ సెమీ-ఫైనల్‌కు చేరుకోలేకపోయాయి. అదే సమయంలో, సహ-హోస్ట్ USA సూపర్ 8 దశకు చేరుకోవడం ద్వారా అందరినీ ఆశ్చర్యపరిచింది.
టోర్నమెంట్ సమయంలో, కొంతమంది స్టార్ ప్లేయర్లు తమ పేలవమైన ప్రదర్శన ద్వారా జట్టుతో పాటు వారి అభిమానులను కూడా తీవ్రంగా నిరాశపరిచారు. దీంతో వారి జట్టు తగిన మూల్యం చెల్లించుకోవాల్సి వచ్చింది. అయితే, టోర్నమెంట్‌లో అత్యుత్తమ ప్లేయింగ్ 11 ని ఐసీసీ ప్రకటించిన సంగతి తెలిసిందే. ఈ క్రమంలో టీ20 ప్రపంచకప్ 2024లో అత్యంత చెత్త అంటే ఫ్లాప్ ప్లేయింగ్ XIని ఓసారి చూద్దాం..
T20 వరల్డ్ కప్ 2024 ఫ్లాప్ ప్లేయింగ్ XI..
టాప్ ఆర్డర్: స్టీవెన్ టేలర్, తంజీద్ హసన్, కేన్ విలియమ్సన్
USA ఓపెనింగ్ బ్యాట్స్‌మెన్ స్టీవెన్ టేలర్ టోర్నమెంట్ సమయంలో తన జట్టును బలమైన ఆరంభం అందించడంలో విఫలమయ్యాడు. ఎడమచేతి వాటం బ్యాట్స్‌మన్ ఆరు ఇన్నింగ్స్‌లలో 12.33 సగటుతో కేవలం 74 పరుగులు మాత్రమే చేశాడు.
బంగ్లాదేశ్ ఓపెనింగ్ బ్యాట్స్‌మెన్ తంజీద్ హసన్ కూడా టోర్నీలో తన సత్తాకు తగ్గట్టుగా రాణించలేకపోయాడు. అతను 10.85 సగటుతో 76 పరుగులు చేశాడు, అతని అత్యధిక స్కోరు 35 పరుగులు కావడం గమనార్హం.
న్యూజిలాండ్ అత్యంత అనుభవజ్ఞుడైన బ్యాట్స్‌మన్, కెప్టెన్ కేన్ విలియమ్సన్ టోర్నమెంట్‌లో నిష్క్రమించడానికి ప్రత్యేకమైన మార్గాలను కనుగొన్నాడు. అతను నాలుగు మ్యాచ్‌లలో 14 సగటుతో 28 పరుగులు చేశాడు. ఇది బ్లాక్‌క్యాప్స్ టీంను టోర్నమెంట్ నుంచి త్వరగా నిష్క్రమించడానికి దారితీసింది.
మిడిల్ ఆర్డర్: ఫఖర్ జమాన్, బాస్ డి లీడ్, మాథ్యూ వేడ్ (కీపర్), దసున్ షనక, సామ్ కుర్రాన్
ఫఖర్ జమాన్ ఓపెనింగ్ బ్యాట్స్‌మెన్, కానీ అతను టోర్నమెంట్‌లో 4వ స్థానంలో బ్యాటింగ్ చేశాడు. దీంతో పాక్ జట్టు తొలి ఓవర్లలో పవర్‌ప్లేను సరైన రీతిలో సద్వినియోగం చేసుకోలేకపోయింది. జమాన్ బ్యాటింగ్ నుంచి 33 పరుగులు మాత్రమే వచ్చాయి.
నెదర్లాండ్స్‌కు చెందిన ప్రముఖ ఆల్‌రౌండర్ బాస్ డి లీయుడ్ రెండు విభాగాల్లోనూ సహకారం అందించడంలో విఫలమయ్యాడు. అతను నాలుగు ఇన్నింగ్స్‌లలో 20 పరుగులు మాత్రమే చేసి మూడు వికెట్లు పడగొట్టాడు. తద్వారా గ్రూప్ దశలోనే డచ్ టోర్నమెంట్ నుంచి నిష్క్రమించింది.
ఆస్ట్రేలియా వికెట్ కీపర్ మాథ్యూ వేడ్ పేలవమైన ప్రదర్శనతో నాలుగు ఇన్నింగ్స్‌ల్లో 13.50 సగటుతో 27 పరుగులు మాత్రమే చేశాడు. శ్రీలంక మాజీ టీ20 కెప్టెన్ దసున్ షనకకు ఈ టోర్నీ పీడకల కంటే తక్కువేమీ కాదు. మూడు మ్యాచ్‌ల్లో 12 పరుగులు మాత్రమే చేసి రెండు వికెట్లు తీశాడు.
శామ్ కుర్రాన్ ఇంగ్లండ్ జట్టులో రాణించలేకపోయాడు. ఎడమచేతి వాటం ఆల్ రౌండర్ ఐదు మ్యాచ్‌ల్లో మూడు వికెట్లు మాత్రమే తీశాడు. దక్షిణాఫ్రికా (7 బంతుల్లో 10*)తో జరిగిన మ్యాచ్‌లో బ్యాట్‌తో రాణించలేకపోయాడు. భారత్‌తో జరిగిన సెమీ-ఫైనల్‌లో కేవలం 2 పరుగులు మాత్రమే చేసి ఔట్ అయ్యాడు.
బౌలర్లు: అలీ ఖాన్, జోష్ హేజిల్‌వుడ్, మార్క్ వుడ్
USA ఫాస్ట్ బౌలర్ అలీ ఖాన్ టోర్నమెంట్ అంతటా నిష్ఫలంగా కనిపించాడు. అతను 6 మ్యాచ్‌ల్లో 3 వికెట్లు మాత్రమే తీసుకున్నా. ఈ కాలంలో 9.36 ఎకానమీ రేటుతో పరుగులు ఇచ్చాడు.
అనుభవజ్ఞుడైన ఫాస్ట్ బౌలర్ జోష్ హేజిల్‌వుడ్ 2024 టీ20 ప్రపంచకప్‌లో రాణించలేకపోయాడు. ఆరు మ్యాచ్‌ల్లో 36.25 సగటుతో నాలుగు వికెట్లు మాత్రమే తీశాడు. మార్క్ వుడ్ కూడా టోర్నమెంట్‌లో ఐదు మ్యాచ్‌లు ఆడాడు. అందులో అతను 37.66 సగటుతో 3 వికెట్లు పడగొట్టాడు.
మరిన్ని క్రీడా వార్తల కోసం ఇక్కడ క్లిక్ చేయండి..