T20 World Cup: డెడ్ బాల్ ఇవ్వలేదని అంపైర్‌తో వాగ్వాదం.. కట్‌చేస్తే.. ఆస్ట్రేలియా ప్లేయర్‌కు షాకిచ్చిన ఐసీసీ..

Matthew Wade Reprimand by ICC: అంపైర్‌తో వాదించినందుకు ఆస్ట్రేలియా వికెట్‌కీపర్ కం బ్యాట్స్‌మెన్ మాథ్యూ వేడ్‌కు ఐసీసీ బిగ్ షాక్ ఇచ్చింది. గట్టిగా మందలించడంతోపాటు, ఒక డీమెరిట్ పాయింట్ ఇచ్చింది. ఆస్ట్రేలియా, ఇంగ్లండ్ జట్ల మధ్య జరిగిన మ్యాచ్‌లో అంపైర్ నితిన్ మీనన్‌తో తీవ్ర వాగ్వాదానికి దిగాడు.

T20 World Cup: డెడ్ బాల్ ఇవ్వలేదని అంపైర్‌తో వాగ్వాదం.. కట్‌చేస్తే.. ఆస్ట్రేలియా ప్లేయర్‌కు షాకిచ్చిన ఐసీసీ..
Matthew Wade
Follow us

|

Updated on: Jun 11, 2024 | 11:16 AM

T20 World Cup: అంపైర్‌తో వాదించినందుకు ఆస్ట్రేలియా వికెట్‌కీపర్ కం బ్యాట్స్‌మెన్ మాథ్యూ వేడ్‌కు ఐసీసీ బిగ్ షాక్ ఇచ్చింది. గట్టిగా మందలించడంతోపాటు, ఒక డీమెరిట్ పాయింట్ ఇచ్చింది. ఆస్ట్రేలియా, ఇంగ్లండ్ జట్ల మధ్య జరిగిన మ్యాచ్‌లో అంపైర్ నితిన్ మీనన్‌తో తీవ్ర వాగ్వాదానికి దిగాడు. డెడ్ బాల్ ఇవ్వకపోవడంపై ఇద్దరి మధ్య వాగ్వాదం జరిగింది. బార్బడోస్ వేదికగా జరిగిన మ్యాచ్‌లో ఆస్ట్రేలియా 36 పరుగుల తేడాతో విజయం సాధించింది. వేడ్ 10 బంతుల్లో మూడు ఫోర్ల సాయంతో 17 పరుగులతో అజేయంగా ఇన్నింగ్స్ ఆడాడు. దీంతో ఆస్ట్రేలియా స్కోరు 200 దాటింది.

ఆస్ట్రేలియా బ్యాటింగ్ సమయంలో, 18వ ఓవర్‌లో ఆదిల్ రషీద్‌ సంధించిన బాల్.. వేడ్ లెగ్ సైడ్‌కు వెళ్లింది. కానీ, బ్యాట్‌తో బంతిని ఆడాడు. అంపైర్ దానిని డెడ్ బాల్ ఇస్తాడని వేడ్ ఆశించాడు. కానీ, అంపైర్ నిర్ణయంపై అసహనం వ్యక్తం చేసిన వేడ్.. అంపైర్‌తో వాదించాడు. దీంతో ఐసీసీ ఒక ప్రకటన చేసింది. ఆ తర్వాత ఇంగ్లండ్ కెప్టెన్, వికెట్ కీపర్ జోస్ బట్లర్‌తో కూడా మాట్లాడాడు. దీని తర్వాత, తర్వాతి బంతికి సింగిల్ తీసినా.. వేడ్ ఆగకుండా అంపైర్లతో వాగ్వాదానికి దిగాడు. దీంతో వేడ్ ICC ప్రవర్తనా నియమావళి లెవల్ 1ని ఉల్లంఘించిన అభియోగాన్ని అంగీకరించాడు. కానీ, మ్యాచ్ ఫీజు తగ్గించినందుకు ఆస్ట్రేలియా ఆటగాడికి జరిమానా విధించలేదు. బదులుగా అతనికి రెండేళ్లపాటు ఒక డీమెరిట్ పాయింట్ ఇచ్చారు.

జంపా-బట్లర్ ఏమన్నారంటే?

ఈ ఘటనకు సంబంధించి ఆస్ట్రేలియా లెగ్ స్పిన్నర్ ఆడమ్ జంపా మాట్లాడుతూ.. దీనిపై వేడ్ తీవ్ర ఆగ్రహం వ్యక్తం చేశాడు. అతను చాలా పోరాట యోధుడు. పోటీతత్వం కలిగి ఉన్నాడు. అతని మానసిక స్థితిని ఏదో పాడు చేసింది. అతని స్వరం స్టంప్‌ల వెనుక నుంచి వినబడుతుంది. ఇది భారీ ప్రభావాన్ని చూపుతుంది. ఇంగ్లండ్ కెప్టెన్ బట్లర్ తాను జోక్యం చేసుకోవచ్చని, అయితే వేడ్ చాలా ఆలస్యంగా వెనక్కి తగ్గాడని చెప్పుకొచ్చాడు. అయితే, అతను బంతిని ఆడినట్లయితే అది డాట్ బాల్ అని అంపైర్ అంగీకరించాడు. అతను ఆడటానికి సిద్ధంగా ఉన్నాడు. కానీ, చాలా ఆలస్యంగా రెస్పాండ్ అయ్యాడంటూ చెప్పుకొచ్చాడు.

మరిన్ని క్రీడా వార్తల కోసం ఇక్కడ క్లిక్ చేయండి..

Latest Articles