Asia Cup 2023 IND vs PAK Highlights: ఆగని వర్షం.. రద్దు చేసిన అంపైర్లు.. ఇరుజట్లకు చెరో పాయింట్..

ఆసియా కప్‌లో భారత్-పాకిస్థాన్ మ్యాచ్ వర్షం కారణంగా రద్దైంది. భారత జట్టు పాకిస్థాన్‌కు 267 పరుగుల విజయలక్ష్యాన్ని అందించగా, వర్షం కారణంగా పాక్ ఇన్నింగ్స్ ప్రారంభించలేకపోయింది. దీంతో మ్యాచ్‌ను రద్దు చేస్తున్నట్లు అంపైర్లు ప్రకటించారు.

వర్షం కారణంగా ఆట 20 ఓవర్లకు తగ్గించారు. 10:21 గంటలకు ఆట ప్రారంభం కానుంది. దీంతో పాకిస్తాన్ 20 ఓవర్లకు 155 పరుగులు చేయాల్సి ఉంది.

• 45 ఓవర్లలో లక్ష్యం 254 పరుగులు.
• 40 ఓవర్లలో లక్ష్యం 239 పరుగులు.
• 30 ఓవర్లలో లక్ష్యం 203 పరుగులు.
• 20 ఓవర్లలో లక్ష్యం 155 పరుగులు.

భారత ఇన్నింగ్స్ ముగిసిన తర్వాత, వర్షం మళ్లీ మొదలైంది. దీంతో గ్రౌండ్‌లో పట్టాలు కప్పారు.అనుకున్న సమయానికి వర్షం కురవకపోతే ఓవర్ల సంఖ్యను తగ్గించి లక్ష్యాన్ని కూడా మార్చుకోవచ్చు. 

భారత ఇన్నింగ్స్ ముగిసిన తర్వాత పల్లెకెలేలో మళ్లీ వర్షం మొదలైంది. దీంతో కవర్లతో మైదానాన్ని కప్పేశారు. ఒకవేళ అనుకున్న సమయానికి వర్షం ఆగకపోతే ఓవర్లను కుదించవచ్చు. అలాగే పాక్‌ టార్గెట్ కూడా మారిపోవచ్చు.

భారీ షాట్‌కు యత్నించిన జస్ప్రీత్ బుమ్రా బౌండరీ లైన్ వద్ద చిక్కాడు. దీంతో భారత్ ఆలౌట్ అయ్యింది. భారత్ మొత్తం 10 వికెట్లు కోల్పోయి 266 పరుగులు చేసింది. పాకిస్థాన్ టార్గెట్ 267. 

భారత్ తొమ్మిదో వికెట్ పడింది. నసీమ్ షా.. కుల్దీప్ యాదవ్ ను పెవిలియన్ పంపాడు. నసీమ్ వేసిన బంతి కుల్దీప్ బ్యాట్ అంచున తగిలి వికెట్ కీపర్ రిజ్వాన్ చేతుల్లోకి వెళ్లడంతో క్యాచ్ పట్టడంలో అతను ఎలాంటి పొరపాటు చేయలేదు. 

పాండ్యా, జడేజాలను అవుట్ చేసిన వెంటనే భారత్‌కు మరో దెబ్బ తగిలింది. 45వ ఓవర్ తొలి బంతికి శార్దూల్ ఠాకూర్‌ను నసీమ్ షా అవుట్ చేశాడు. షాదాబ్ ఖాన్ అద్భుత క్యాచ్ పట్టాడు. 

రవీంద్ర జడేజాను కూడా ఆఫ్రిది పెవిలియన్ పంపాడు. 43వ ఓవర్ చివరి బంతికి అఫ్రిది వికెట్ తీశాడు. అఫ్రిది వేసిన బంతి అతని బ్యాట్ అంచుకు తగిలి వికెట్ కీపర్ మహ్మద్ రిజ్వాన్ క్యాచ్ పట్టాడు. 

హాఫ్ సెంచరీతో సత్తా చాటిన హార్దిక్ పాండ్యా 87 పరుగుల వద్ద పెవిలియన్ చేరాడు. ప్రస్తుతం టీమిండియా 43.2  ఓవర్లలో 242 పరుగులు చేసింది.

భారత జట్టు 37.3 ఓవర్లలో 5 వికెట్ల నష్టానికి 204 పరుగులు చేసింది. ఇషాన్ కిషన్ 82 (81 బంతులు) పరుగుల వద్ద పెవిలియన్ చేరాడు.

34 ఓవర్లు ముగిసే సరికి టీమిండియా 4 వికెట్ల నష్టానికి 178 పరుగులు చేసింది. ఇషాన్ 720, హార్దిక్ 50 పరుగులతో క్రీజులో నిలిచారు. ఈ క్రమంలో ఇషాన్ కిషన్‌తో కీలక ఇన్నింగ్స్‌ ఆడుతూ హార్దిక్ పాండ్యా తన కెరీర్‌లో 11వ హాఫ్ సెంచరీ పూర్తి చేశాడు. కిషన్ తన వన్డే కెరీర్‌లో 7వ ఫిఫ్టీని పూర్తి చేశాడు. సెంచరీ భాగస్వామ్యంతో ఈ జోడీ సత్తా చాటింది.

29 ఓవర్లు ముగిసే సరికి టీమిండియా 4 వికెట్ల నష్టానికి 146 పరుగులు చేసింది. ఇషాన్ 50, హార్దిక్ 37 పరుగులతో క్రీజులో నిలిచారు. ఈ క్రమంలో ఇషాన్ కిషన్ కీలక ఇన్నింగ్స్‌ ఆడుతూ తన హాఫ్ సెంచరీ పూర్తి చేశాడు. కిషన్ తన వన్డే కెరీర్‌లో 7వ ఫిఫ్టీని పూర్తి చేశాడు. 54 బంతుల్లో 6 ఫోర్లు, 1 సిక్స్‌ బాదేశాడు.

25 ఓవర్లు ముగిసే సరికి టీమిండియా 4 వికెట్ల నష్టానికి 127 పరుగులు చేసింది. ఇషాన్ 43, హార్దిక్ 30 పరుగులతో క్రీజులో నిలిచారు.

టీమిండియా 20 ఓవర్లు ముగిసే సరికి 4 వికెట్లు కోల్పోయి 102 పరుగులు సాధించింది. ప్రస్తుతం ఇషాన్ కిషన్ 32, హార్దిక్ 16 పరుగులతో క్రీజులో నిలిచారు.

టీమిండియాను ఆదుకుంటాడు అనుకున్న గిల్ (10) కూడా పాక్ బౌలర్ల ముందు తలవంచాడు. దీంతో భారత్ 14.1 ఓవర్లకు 66 పరుగులు చేసి, పీకల్లోతూ కష్టాల్లో కూరుకపోయింది.

వర్షం ఆగిపోవడంతో మరోసారి మ్యాచ్ మొదలైంది. పీకల్లోతు కష్టాల్లో ఉన్న టీమిండియా.. ప్రస్తుతం గిల్, ఇషాన్‌ల భాగస్వామ్యం కోసం ఎదురుచూస్తోంది.

మరోసారి వర్షం రావడంతో, మ్యాచ్‌ను నిలిపేశారు. ప్రస్తుతం టీమిండియా 11.2 ఓవర్లలో 3 వికెట్లు నష్టపోయి 51 పరుగులు సాధించింది. షాహీన్ షా అఫ్రిది 2 వికెట్లు పడగొట్టాడు.

వర్షం తర్వాత మ్యాచ్ ప్రారంభమయ్యాక.. టీమిండియాకు వరుసగా షాక్‌లు తగులుతున్నాయి. శ్రేయాస్ అయ్యర్ 14 పరుగుల వద్ద ఔట్ అయ్యాడు. దీంతో 9.5 ఓవర్లలో 48 పరుగులు చేసింది.

వర్షం తర్వాత మొదలైన మ్యాచ్‌లో టీమిండియా తడబడుతోంది. వెంట వెంటనే రెండు వికెట్లు కోల్పోయింది. రోహిత్ (11), కోహ్లీ (4) త్వరగా పెవిలియన్ చేరారు. డేంజరస్ బౌలర్ షాహీన్ షా అఫ్రిదీ బౌలింగ్‌లోనే ఇద్దరూ పెవిలియన్ చేరారు.

వర్షం తర్వాత మొదలైన మ్యాచ్, ఆవెంటనే టీమిండియా సారథి రోహిత్ శర్మ(11) వికెట్ కోల్పోయాడు.

వర్షం ఆగిపోవడంతో.. మరికొద్దిసేపట్లో మ్యాచ్ ఆరంభం కానుంది.

వర్షం ఎంట్రీతో మ్యాచ్ ఆగింది. పిచ్‌పై కవర్స్ కప్పి ఉంచారు.

తొలి 3 ఓవర్లు ముగిసే సిరికి టీమిండియా వికెట్ నష్టపోకుండా 14 పరుగులు చేసింది. ఇందులో రోహిత్ 11 పరుగులు చేయగా, మిగతా ఎక్స్‌ట్రాల రూపంలో వచ్చాయి. గిల్ ఇంకా ఖాతా తెరవలేదు.

భారత్: రోహిత్ శర్మ (కెప్టెన్), శుభమన్ గిల్, విరాట్ కోహ్లీ, శ్రేయాస్ అయ్యర్, ఇషాన్ కిషన్ (వికెట్ కీపర్), హార్దిక్ పాండ్యా (వైస్ కెప్టెన్, శార్దూల్ ఠాకూర్, రవీంద్ర జడేజా, కుల్దీప్ యాదవ్, జస్ప్రీత్ బుమ్రా, మహ్మద్ సిరాజ్.

పాకిస్థాన్: బాబర్ ఆజం (కెప్టెన్), షాదాబ్ ఖాన్ (వైస్ కెప్టెన్), ఫఖర్ జమాన్, ఇమామ్-ఉల్-హక్, సల్మాన్ అలీ, ఇఫ్తీకర్ అహ్మద్, మహ్మద్ రిజ్వాన్ (వికెట్ కీపర్), షాహీన్ షా అఫ్రిది, నసీమ్ షా, హరీస్ రవూఫ్, మహ్మద్ నవాజ్.

టాస్ గెలిచిన రోహిత్, ముందుగా బ్యాటింగ్ ఎంచుకున్నాడు. దీంతో పాకిస్తాన్ తొలుత బౌలింగ్ చేయనుంది.

1. భారత్-పాకిస్థాన్ మ్యాచ్ జరిగే పల్లెకెలెలో మేఘావృతమైన వాతావరణం ఉంది. మ్యాచ్ జరిగే సమయంలో వర్షం పడే అవకాశం ఉంది.
2. టాస్ గెలిస్తే..: మేఘావృతమైన వాతావరణం కారణంగా, టాస్ ఓడిపోయినా, ముందుగా బౌలింగ్ చేసే జట్టుకు సమస్య ఉండదు.
3. 2వ ఇన్నింగ్స్ సమయంలో వర్షం పడితే బౌలింగ్ కూడా కష్టమే.
4. వర్షం కురిసి అరగంటకు మించి మ్యాచ్ జరగకుంటే ఓవర్లను కుదిస్తారు.
5. ఓవర్ల తగ్గింపు విషయంలో డక్‌వర్త్ లూయిస్ నియమం వర్తిస్తుంది. అప్పుడు మ్యాచ్ మరింత ఉత్కంఠగా మారుతుంది.

ప్రస్తుతం పల్లెకెలెలో చిరుజల్లులు కురుస్తున్నాయి. పిచ్ పై కవర్స్‌ను అలాగే ఉంచారు.

ప్రపంచ వ్యాప్తంగా ఆసక్తిగా ఎదురుచూస్తోన్న రోజు రానే వచ్చింది. శ్రీలంకలోని పల్లెకెలె స్టేడియంలో భారత్ వర్సెస్ శ్రీలంక జట్లు తలడనున్నాయి. అయితే, ఇరుజట్ల ఆటగాళ్లు మ్యాచ్ కోసం సిద్ధమయ్యాయి.

చివరిసారిగా 2019లో భారత్-పాక్ వన్డేలు ఆడాయి. గత వన్డే ప్రపంచకప్‌లో టీమిండియాపై 89 పరుగుల తేడాతో ఓడిపోయిన పాకిస్థాన్ జట్టు 50 ఓవర్ల మ్యాచ్‌లో భారత జట్టుతో తలపడలేదు. మూడేళ్లుగా రెండు జట్లు తలపడడం ఇదే తొలిసారి.