Ashes Series : 0, 0, 0… టెస్ట్ క్రికెట్ చరిత్రలో 148 ఏళ్లలో తొలిసారి.. యాషెస్ మ్యాచ్లో నమ్మలేని రికార్డు!
క్రికెట్ ప్రపంచంలో అతిపెద్ద సిరీస్లలో ఒకటైన యాషెస్ సిరీస్ ప్రస్తుతం ఆస్ట్రేలియాలో జరుగుతోంది. ఆస్ట్రేలియా, ఇంగ్లాండ్ మధ్య జరుగుతున్న ఈ సిరీస్లోని తొలి మ్యాచ్ పర్త్లో జరుగుతోంది. ఈ మ్యాచ్లో ఇప్పటివరకు బౌలర్ల ఆధిపత్యం స్పష్టంగా కనిపిస్తోంది. ముఖ్యంగా మ్యాచ్ రెండో రోజున టెస్ట్ క్రికెట్ 148 సంవత్సరాల చరిత్రలో మునుపెన్నడూ లేని ఒక అద్భుతమైన రికార్డు నమోదైంది.
Ashes Series : క్రికెట్ ప్రపంచంలో అతిపెద్ద సిరీస్లలో ఒకటైన యాషెస్ సిరీస్ ప్రస్తుతం ఆస్ట్రేలియాలో జరుగుతోంది. ఆస్ట్రేలియా, ఇంగ్లాండ్ మధ్య జరుగుతున్న ఈ సిరీస్లోని తొలి మ్యాచ్ పర్త్లో జరుగుతోంది. ఈ మ్యాచ్లో ఇప్పటివరకు బౌలర్ల ఆధిపత్యం స్పష్టంగా కనిపిస్తోంది. ముఖ్యంగా మ్యాచ్ రెండో రోజున టెస్ట్ క్రికెట్ 148 సంవత్సరాల చరిత్రలో మునుపెన్నడూ లేని ఒక అద్భుతమైన రికార్డు నమోదైంది. ఈ అరుదైన ఘనతను ఆస్ట్రేలియా పేసర్ మిచెల్ స్టార్క్, ఇంగ్లాండ్ పేసర్ జోఫ్రా ఆర్చర్ కలిసి సృష్టించారు.
148 ఏళ్ల చరిత్రలో తొలిసారి
ఈ టెస్ట్ మ్యాచ్లో మొదలైన మొదటి మూడు ఇన్నింగ్స్లలోనూ ఓపెనర్లు జట్టుకు ఘోరమైన ఆరంభాన్ని ఇచ్చారు. అంటే ఆ మూడు ఇన్నింగ్స్లలోనూ జట్టు ఖాతాలో ఒక్క పరుగు కూడా చేరకుండానే తొలి వికెట్ పడిపోయింది. ఇంగ్లాండ్ బ్యాటింగ్తో మ్యాచ్ ప్రారంభమైంది. మొదటి ఓవర్లోనే మిచెల్ స్టార్క్, ఇంగ్లాండ్ ఓపెనర్ జాక్ క్రాలీని డకౌట్ (సున్నా పరుగులకు) చేశాడు.
రెండో ఇన్నింగ్స్ (ఆస్ట్రేలియా)లో దీనికి సమాధానంగా జోఫ్రా ఆర్చర్ ఆస్ట్రేలియా ఓపెనర్ జైక్ వెదరాల్డ్ను కూడా మొదటి ఓవర్లోనే అవుట్ చేశాడు. ఈ వికెట్ కూడా జట్టు ఖాతాలో ఒక్క పరుగు లేకుండానే పడింది.
మూడో ఇన్నింగ్స్ (ఇంగ్లాండ్)లో ఇంగ్లాండ్ రెండో ఇన్నింగ్స్ మొదలవగానే, మిచెల్ స్టార్క్ మరోసారి విజృంభించాడు. అతను మళ్లీ మొదటి ఓవర్లోనే జాక్ క్రాలీని డకౌట్ చేశాడు. దీంతో ఒక టెస్ట్ మ్యాచ్లోని మొదటి మూడు ఇన్నింగ్స్లలోనూ మొదటి వికెట్ సున్నా పరుగులకే పడటం అనేది టెస్ట్ క్రికెట్ చరిత్రలో ఇదే మొదటిసారి కావడం విశేషం.
బౌలర్ల జోరు
ఈ మ్యాచ్లో ఇప్పటివరకు బౌలర్లే హావీ అయ్యారు. ఇంగ్లాండ్ జట్టు మొదటి ఇన్నింగ్స్లో కేవలం 172 పరుగులు మాత్రమే చేసి ఆలౌట్ అయింది. ఈ క్రమంలో మిచెల్ స్టార్క్ ఒక్కడే మొత్తం 7 వికెట్లు పడగొట్టాడు. అయితే, ఇంగ్లాండ్ బౌలర్లు కూడా గట్టి పోటీ ఇచ్చారు. వారు ఆస్ట్రేలియా తొలి ఇన్నింగ్స్ను కేవలం 132 పరుగులకే ఆలౌట్ చేశారు. దీంతో ఇంగ్లాండ్ జట్టుకు 40 పరుగుల స్వల్ప ఆధిక్యం లభించింది. ఈ ఆధిక్యం కారణంగా మ్యాచ్ మరింత ఉత్కంఠభరితంగా మారింది.
మరిన్ని క్రీడా వార్తల కోసం ఇక్కడ క్లిక్ చేయండి..