Monday Puja Tips: ఆర్ధిక ఇబ్బందులా … ఐదు సోమవారాలు శివయ్యకు ఇలా పూజ చేసి చూడండి..

Lord Shiva Monday Puja

సోమవారం లయకారుడు శివుడికి అంకితం చేయబడింది. ఈ రోజున శివలింగానికి  పాలు లేదా గంగాజలంతో భక్తులు అభిషేకం చేస్తారు. సోమవారం శివుడిని ఆరాధించడం ద్వారా అన్ని కోరికలు నెరవేరుతాయి. జీవితంలోని అన్ని కష్టాలు శాశ్వతంగా తొలగిపోతాయని విశ్వాసం. సోమవారం హృదయపూర్వకంగా శివుని పూజించడం వల్ల ఇంట్లో ఆర్ధిక కష్టాలు ఉండవు.. డబ్బులకు ఇబ్బందులు ఏర్పడవు. ఇంట్లో ధన ధాన్యాలకు లోటు లేకుండా ఉండాలంటే శివుడిని పూజిస్తూ.. ఐదు సోమవారం కొన్ని చర్యలు చేయాలని సూచించారు. డబ్బు ఇబ్బందులు కలగకుండా ఉండడం కోసం సోమవారం శివయ్య పూజ లో చేయాల్సిన చర్యల గురించి ఈ రోజు తెలుసుకుందాం.

సోమవారం చేయాల్సిన పరిహారాలు:

1. సోమవారం శివుడికి, చంద్రుడికి సంబంధించిన రోజుగా పరిగణించబడుతుంది. సోమవారం తెల్లవారుజామున నిద్రలేచి, శివ శంకరుడిని దర్శించి శివ చాలీసా లేదా శివాష్టకాన్ని పఠించండి. శివుడిని ఇలా పూజించడం వలన చాలా సంతోష పడతాడని.. తనని పూజించే భక్తులపై అనుగ్రహం కురిపిస్తాడని.. ఇంట్లో ఎప్పుడూ డబ్బుకు లోటు ఉండదని విశ్వాసం.
2. సోమవారం ఉదయాన్నే శివునికి గౌరీ శంకర రుద్రాక్షను సమర్పిస్తే, అది మీ వైవాహిక జీవితంలో లేదా వివాహంలో ఉన్న అడ్డంకులు తొలగిపోతాయి. అంతేకాదు ఇంట్లో డబ్బులకు ఎటువంటి ఇబ్బందులు ఏర్పడవు.
3. సోమవారం ఉదయం తెల్లటి చందనాన్ని బిల్వ పత్రానికి పూసి..  మనసులో కోరికను చెప్పి శివయ్యకు ఆ బిల్వ పత్రాన్ని సమర్పించండి. ఇలా చేయడం వల్ల మీ కోరికలు నెరవేరడంతో పాటు ఇంట్లో లక్ష్మీ దేవి నివాసం ఉంటుంది.
4. సోమవారం శివాలయానికి వెళ్లి శివలింగానికి పాలతో అభిషేకం చేయండి. రాగి పాత్రలో పాలు తీసుకుని పని చేసే చోట పాలతో శుద్ధి చేస్తూ.. ఓం నమఃశివాయ్ అని జపిస్తూనే ఉండండి. ఇలా చేయడం వల్ల వ్యాపారాభివృద్ధి జరగడమే కాదు.. ఇంట్లో డబ్బులకు ఇబ్బందులు ఉండవు.
5. సోమవారం శివాలయానికి వెళ్లి.. శివయ్య దర్శనం చేసుకుని.. రుద్రాక్ష మాలతో ‘ఓం నమో ధనదాయ స్వాహా’ అనే మంత్రాన్ని 11 సార్లు జపించండి. ఇలా చేయడం వల్ల అనుకున్నది జరుగుతుంది. ఆర్ధిక ఇబ్బందులు తొలగుతాయి.

మరిన్ని ఆధ్యాత్మిక వార్తల కోసం ఇక్కడ క్లిక్ చేయండి..

Note: (ఇక్కడ ఇచ్చిన సమాచారం నమ్మకం మీద ఆధారపడి ఉంటుంది.. దీనికి శాస్త్రీయ ఆధారాలు లేవు. మనుషుల ఆసక్తిని నమ్మకాన్ని దృష్టిలో ఉంచుకుని ఇక్కడ అందించాం).