Mohini Ekadashi 2025: మోహినీ ఏకాదశి పూజ నియమాలు? ఏమి చేయాలి? ఏమి చేయకూడదంటే..
వైశాఖ మాసంలోని శుక్ల పక్ష ఏకాదశిని మోహినీ ఏకాదశి అంటారు. ఈ రోజు ఉపవాసం పాటించడం ద్వారా జీవితంలో సంపద, వైభవం, ఆనందం , శ్రేయస్సు పెరుగుతాయని నమ్మకం. ఉపవాసం ప్రయోజనాలను పొందడానికి ఏకాదశి నియమాలను పాటించడం అవసరం. కనుక ఈ రోజు ఈ ఉపవాసానికి సంబంధించిన నియమాలను గురించి తెలుసుకుందాం..
ఏకాదశి ఉపవాసం ప్రతి నెలా శుక్ల, కృష్ణ పక్ష ఏకాదశి తిథిలో ఆచరిస్తారు. అంటే ఏకాదశి తిధి నెలకు రెండుసార్లు అంటే ఏడాదిలో 24 సార్లు వస్తుంది. ఈ ప్రతి ఏకాదశి తిధికి ఒకొక్క విశిష్ట ఉంది. అందులో వైశాఖ మాసంలోని శుక్ల పక్ష ఏకాదశిని మోహినీ ఏకాదశి అంటారు. ఈ రోజున విష్ణువుకి సంబంధించిన మోహిని రూపాన్ని పూజిస్తారు. ఈ రోజున ఆచారాలతో పూజ చేసే ఉపవాసాలు పాటించడం ద్వారా విష్ణువు, లక్ష్మి దేవిల ఆశీర్వాదం లభిస్తుందని నమ్ముతారు.
మోహిని ఏకాదశి తేదీ
వేద క్యాలెండర్ ప్రకారం వైశాఖ మాసంలోని శుక్ల పక్ష ఏకాదశి తిధి మే 7న ఉదయం 10:19 గంటలకు ప్రారంభమవుతుంది. ఈ తిధి మరుసటి రోజు అంటే మే 8న మధ్యాహ్నం 12:29 గంటలకు ముగుస్తుంది. ఉదయ తిథి నమ్మకం ప్రకారం మోహిని ఏకాదశి ఉపవాసం మే 8న పాటిస్తారు.
మోహిని ఏకాదశి నాడు ఏమి చేయాలి?
- మోహిని ఏకాదశి రోజున విష్ణువు అవతారమైన మోహినిదేవిని పూజిస్తారు. అలాగే శ్రీ హరికి గంధపు తిలకం సమర్పించండి. తులసి దళాలను సమర్పించండి.
- పసుపు రంగు దుస్తులు ధరించాలి. ఎందుకంటే మోహినికి పసుపు రంగు అంటే చాలా ఇష్టం.
- మోహిని ఏకాదశి ఉపవాసం పాటించేవారు సాత్వికంగా ఉండాలి. ముందు రోజు నుంచి అంటే దశమి తిథి నుంచే సాత్విక ఆహారాన్ని తినాలి.
- ఏకాదశి నాడు ఉపవాసం ఉండి ఆవును సేవించండి. వాటికి పచ్చి గడ్డిని ఆహారంగా అందించండి.
- మోహిని ఏకాదశి రోజున పూజ తర్వాత, తమ శక్తి మేరకు ధాన్యాలు, బెల్లం, డబ్బు దానం చేయాలి.
మోహిని ఏకాదశి నాడు ఏమి చేయకూడదంటే
- మోహిని ఏకాదశి నాడు విష్ణువు పూజలో తులసి దళాలను సమర్పించాలి. అయితే సమర్పించండి. అయితే ఈ రోజున తులసి మొక్కని తాకవద్దు.
- తులసి ఆకులను తెంపవద్దు లేదా తులసి మొక్కకు నీరు పెట్టవద్దు.
- ఏకాదశి రోజున తామసిక ఆహారం తీసుకోకూడదు. అన్నం కూడా తినకూడదు.
- అంతేకాదు ఏకాదశి రోజున నల్లని బట్టలు కూడా ధరించకూడదు.
- స్త్రీలను, వృద్ధులను అవమానించకూడదు.
- మనసులో ఎవరి గురించి చెడుగా ఆలోచించకూడదు.
మరిన్ని ఆధ్యాత్మిక వార్తల కోసం ఇక్కడ క్లిక్ చేయండి
నోట్ : ఈ వార్తలలో ఇవ్వబడిన సమాచారం మత విశ్వాసాలపై ఆధారపడి ఉంది. పాఠకుల ఆసక్తి మేరకు.. పలువురు పండితుల సూచనలు, వారి తెలిపిన అంశాల ఆధారంగా అందించినవి మాత్రమే.. వీటిలో ఎలాంటి శాస్త్రీయ ఆధారాలు లేవని పాఠకులు గమనించాలి. టీవీ9 తెలుగు దీనిని ధృవీకరించలేదు