దసరా పండగను ప్రతి సంవత్సరం ఆశ్వయుజమాసంలోని శుక్ల పక్షంలోని పదవ రోజున జరుపుకుంటారు. ఇది హిందూ మతంలో ముఖ్యమైన పండుగ. నవరాత్రుల తర్వాత పదవ రోజు చెడుపై మంచి సాధించిన విజయానికి గుర్తుగా దసరా పండగను జరుపుకుంటారు. ఈ రోజున శ్రీరాముడు లంకా రాజు రావణుని సంహరించాడు. అంతేకాదు ఈ రోజున దుర్గాదేవి మహిషాసురుడిని సంహరించింది. అందుకే ఆ రోజును విజయదశమి అని కూడా అంటారు. ప్రతి సంవత్సరం అనేక ప్రాంతాల్లో ఈ రోజున రావణుడి దిష్టిబొమ్మను తయారు చేసి దహనం చేస్తారు.
హిందూ వేద క్యాలెండర్ ప్రకారం ఆశ్వయుజమాసంలో దశమి తిథి అక్టోబర్ 12 ఉదయం 10.58 గంటలకు ప్రారంభమవుతుంది. మర్నాడు అక్టోబర్ 13 ఉదయం 9.08 గంటలకు దశమి తిథి ముగుస్తుంది.
పంచాంగం ప్రకారం దసరా పూజ శుభ సమయం మధ్యాహ్నం 2:03 నుంచి 2:49 వరకు ప్రారంభమవుతుంది. దీని ప్రకారం ఈ ఏడాది పూజలకు 46 నిమిషాల సమయం ఉంటుంది.
దసరా పూజ కోసం ఆవు పేడ, దీపం, అగరుబత్తీలు, పవిత్ర దారం, కుంకుమ, పసుపు, అక్షతలు, చందనం
హిందూ మతంలో దసరాకు ప్రత్యేక ప్రాముఖ్యత ఉంది. ఈ రోజును అసత్యంపై సత్యం సాధించిన విజయానికి గుర్తుగా.. అంటే చెడుపై మంచి సాధించిన విజయాన్ని సంతోషంగా జరుపుకుంటారు. ఈ రోజున కొత్త పనిని ప్రారంభించడం, వాహనం, ఆభరణాలు కొనుగోలు చేయడం వంటి శుభ కార్యాలు శుభప్రదంగా భావిస్తారు.
మరిన్ని ఆధ్యాత్మిక వార్తల కోసం ఇక్కడ క్లిక్ చేయండి..
Note: ఈ కథనంలో అందించిన సమాచారం పూర్తిగా నిజం, ఖచ్చితమైనది అని మేము ధృవీకరించడం లేదు. వీటిని పాటించే ముందు ఖచ్చితంగా సంబంధిత రంగంలోని నిపుణుల సలహా తీసుకోండి