TTD Good News: శ్రీవారి భక్తులకు గుడ్న్యూస్.. రేపటి నుండే ఆ మొక్కుబడి టోకెన్లు విడుదల
ఆగస్టు నెలకు సంబంధించి మొత్తం 20,250 టోకెన్లను భక్తులకు అందుబాటులో ఉంచనుంది. ఇందుకు సంబంధించిన టీటీడీ వెబ్ సైట్ ద్వారా..
TTD Good News: తిరుమల శ్రీవారి భక్తులకు టీటీడీ గుడ్ న్యూస్ అందించింది. ఆగస్ట్కు సంబంధించిన అంగప్రక్షిణం టోకెన్లను బుధవారం ఉదయం 11 గంటలకు ఆన్లైన్లో విడుదల చేయనున్నట్లు తెలిపింది. శుక్రవారం మినహా మిగతా అన్ని రోజుల్లో 750 టోకెన్ల చొప్పున కేటాయించనున్నది. ఈ విషయాన్ని భక్తులు గమనించాలని కోరింది. ఇందులో భాగంగా ప్రతి రోజూ శ్రీవారి పుష్కరిణిలో స్నానం చేసి, తడిబట్టలతో ఆనంద నిలయం చుట్టూ ప్రదక్షిణ చేస్తారు.
కరోనా కారణంగా తిరుమలలో రెండేళ్లుగా అంగప్రదక్షిణం టోకెన్లు నిలిచిపోయాయి. కోవిడ్ కేసులు తగ్గుముఖం పట్టడంతో ఈ ఏడాది ఏప్రిల్ నుంచి మళ్లీ ఈ టోకెన్లను జారీ చేస్తున్నారు. సీఆర్వో కార్యాలయంలో ఆఫ్లైన్లో అందుబాటులోకి తెచ్చారు. ఇక జూలై నుంచి ఆన్లైన్లో అంగప్రదక్షిణం చేస్తున్నారు. అయితే అంగప్రదక్షిణం టోకెన్లు రేపటి నుండి శుక్రవారం మినహా వారంలో మిగిలిన రోజుల్లో ఒక్కొక్కరికి 750 చొప్పున కేటాయిస్తారు. ఆగస్టు నెలకు సంబంధించి మొత్తం 20,250 టోకెన్లను భక్తులకు అందుబాటులో ఉంచనుంది. ఇందుకు సంబంధించిన టీటీడీ వెబ్ సైట్ ద్వారా అంగప్రదక్షణ టికెట్లు బుక్ చేసుకునే అవకాశం కల్పించింది టీటీడీ. అంగప్రదక్షిణం టోకెన్లతో భక్తులు అర్ధరాత్రి దాటిన తర్వాత పుష్కరిణిలో పుణ్యస్నానాలు ఆచరించి తడి బట్టలతో వైకుంఠం క్యూ కాంప్లెక్స్ మీదుగా ఆలయంలోకి ప్రవేశిస్తారు. ఆలయంలోకి ప్రవేశించే భక్తులు ముందుగా వెండి వాకిలి దాటి బంగారు వాకిలికి చేరుకోవాలి. సుప్రభాత సేవలో భక్తులు అంగప్రదక్షిణ మొక్కులు తీర్చుకుంటారు.
మరిన్ని ఆధ్యాత్మీక వార్తల కోసం ఇక్కడ క్లిక్ చేయండి