Breaking News
  • ప్రధాని శంకుస్థాపన చేసిన రాజధానిని మార్చే హక్కు ఎవరికీ లేదు. సుప్రీంకోర్టు, రాష్ట్రపతి ఒప్పుకుంటేనే హైకోర్టు కదులుతుంది-కేశినేని. అమరావతి రక్షణకు పార్లమెంటు వేదికగా పోరాటం చేస్తాం-కేశినేని.
  • చిత్తూరు: తిరుచానూరు పీఎస్‌ నుంచి బేడీలతో పరారైన దొంగ. ట్రాక్టర్‌ దొంగతనం కేసులో నాగరాజును అరెస్ట్‌చేసిన పోలీసులు. దొంగ నాగరాజు కోసం గాలిస్తున్న పోలీసులు.
  • ఢిల్లీ: ఆప్‌ ప్రభుత్వంపై బీజేపీ తీవ్ర విమర్శలు. నిర్భయ దోషులను రక్షించేందుకు ఆప్‌ ప్రభుత్వం యత్నిస్తోంది. కావాలనే న్యాయ ప్రక్రియను ఆలస్యం చేస్తోంది-మనోజ్‌ తివారీ. పోలీసులు తమ పరిధిలో లేరని తప్పించుకోవాలని ఆప్‌ చూస్తోంది -బీజేపీ ఢిల్లీ చీఫ్‌ మనోజ్‌ తివారీ.
  • అనంతపురం: తాడిపత్రిలో కత్తిపోట్లు. డబ్బుల విషయంలో స్నేహితుల మధ్య ఘర్షణ. రాము అనే వ్యక్తిని కత్తితో పొడిచిన రవితేజ. ఆస్పత్రికి తరలిస్తుండగా మృతి చెందిన రాము.
  • రైతులు కన్నీళ్లు పెట్టినా సీఎం మనసు కరగడం లేదు. రాష్ట్రంలో పోలీస్‌ రాజ్యం నడుస్తోంది-దేవినేని ఉమ. విశాఖలో భూదందా నడుస్తోంది-మాజీ మంత్రి దేవినేని ఉమ. రియల్‌ ఎస్టేట్‌ వ్యాపారం కోసం రాజధానిని విశాఖకు తరలిస్తున్నారు. పులివెందుల పులి డమ్మీ కాన్వాయ్‌తో వెళ్తోంది. దేశ చరిత్రలో డమ్మీ కాన్వాయ్‌తో వెళ్లిన సీఎం చరిత్రలో లేరు. సచివాలయానికి వెళ్లేందుకు మెటల్‌ రోడ్డు వేసుకుంటున్నారు. 5 కోట్ల మంది ప్రజలు రేపు రోడ్లపైకి రావాలి-దేవినేని ఉమ.

ఆమె పిచ్చిగా ప్రేమిస్తున్నా.. రానా పట్టించుకోడా..!

Rana Virata Parvam movie, ఆమె పిచ్చిగా ప్రేమిస్తున్నా.. రానా పట్టించుకోడా..!

రానా, సాయి పల్లవి హీరోహీరోయిన్లుగా నీది నాది ఒకే కథ ఫేమ్ వేణు ఊడుగుల దర్శకత్వం వహిస్తోన్న చిత్రం ‘విరాట పర్వం 1992’. పీరియాడిక్ కథాంశం నేపథ్యంలో తెరకెక్కుతోన్న ఈ చిత్ర షూటింగ్ ప్రస్తుతం శరవేగంగా జరుగుతోంది. ఇక ఇందులో రానా పోలీస్ పాత్రలో కనిపించనుండగా.. అందుకోసం ప్రత్యేకంగా శిక్షణ తీసుకున్నారు ఈ హీరో. ఇదిలా ఉంటే ఈ మూవీకి సంబంధించిన ఓ ఆసక్తికర వార్త టాలీవుడ్‌లో చక్కర్లు కొడుతోంది. అదేంటంటే ఈ చిత్రంలో రానా, సాయి పల్లవిల మధ్య రెండు వైపుల నుంచి ప్రేమ ఉండదట.

Rana Virata Parvam movie, ఆమె పిచ్చిగా ప్రేమిస్తున్నా.. రానా పట్టించుకోడా..!

సాయి పల్లవి రానాను పిచ్చిగా ఇష్టపడుతుందట. కానీ రానాకు మాత్రం సాయి పల్లవి మీద ప్రేమ ఉండదట. తన ప్రేమను ఆమె, అతడికి వ్యక్తపరుస్తూనే ఉన్నప్పటికీ.. రానా మాత్రం సాయి పల్లవిపై ప్రేమను చూపించరట. మరి సినిమా మొత్తం ఇలానే ఉంటుందా..? లేక చివర్లోనైనా రానా, సాయి పల్లవిపై ప్రేమను చూపిస్తారా..? అన్నది తెలియాలంటే కొద్ది రోజులు ఆగాల్సిందే. కాగా ఈ చిత్రంలో నందితా దాస్, జరీనా వాహబ్, ఈశ్వరీ రావు తదితరులు కీలక పాత్రలలో కనిపించనున్నారు. సురేష్ ప్రొడక్షన్స్, శ్రీ లక్ష్మీ వేంకటేశ్వర సినిమాస్ సంయుక్తంగా నిర్మిస్తోన్న ఈ సినిమాను ఈ ఏడాదిలో ప్రేక్షకుల ముందుకు రానుంది.