Breaking News
  • సికింద్రాబాద్‌-మచిలీపట్నం మధ్య ప్రత్యేక రైళ్లు. డిసెంబర్‌ 1,8,15,22,29 తేదీల్లో నడవనున్న ప్రత్యేక రైళ్లు. మచిలీపట్నంలో మధ్యాహ్నం 2:25కి బయల్దేరి.. రాత్రి 10:10కి సికింద్రాబాద్‌కు చేరుకోనున్న ప్రత్యేక రైలు. అదేరోజు సికింద్రాబాద్‌ నుంచి రాత్రి 11:55కి బయల్దేరి.. మరుసటి రోజు ఉ.8:55కి మచిలీపట్నం చేరుకోనున్న ప్రత్యేక రైలు.
  • ఏపీకి నెంబర్లు కేటాయించిన కేంద్రం. అక్రమ మైనింగ్‌, అనధికార మద్యం అమ్మకాలపై.. ఫిర్యాదులకు నెంబర్లు కేటాయించిన కేంద్ర సర్కార్‌. అక్రమ మైనింగ్‌పై ఫిర్యాదు కోసం 14400 నెంబర్‌.. అనధికార మద్యంపై ఫిర్యాదుకు 14500 నెంబర్‌ కేటాయింపు.
  • మళ్లీ పెరిగిన బంగారం ధరలు. పెళ్లిళ్ల సీజన్‌ కొనుగోళ్లతో పెరిగిన పసిడి ధరలు. 10గ్రాముల 24క్యారెట్ల బంగారంపై రూ.225 పెంపు. రూ.38,715 పలుకుతున్న 10గ్రాముల బంగారం. రూ.440 పెరిగి రూ.45,480కి చేరిన కిలో వెండి ధర.
  • ఛండీగడ్‌: 2019 ప్రపంచ కబడ్డీ కప్‌కు పంజాబ్ ఆతిథ్యం. డిసెంబర్‌ 1 నుంచి 9 వరకు మ్యాచ్‌ల నిర్వహణ. సుల్తాన్‌పూర్‌ లోధిలోని గురునానక్‌ స్టేడియంలో ప్రారంభ వేడుక. ప్రపంచ కబడ్డీ టోర్నీలో పాల్గొననున్న భారత్, అమెరికా, శ్రీలంక.. ఆస్ట్రేలియా, ఇంగ్లాండ్, కెన్యా, న్యూజిలాండ్‌, పాకిస్తాన్‌, కెనడా జట్లు.
  • ఓటర్ల జాబితా సవరణకు కొత్త షెడ్యూల్‌ విడుదల. జనవరి 1, 2020 అర్హత తేదీతో ఓటర్ల జాబితా సవరణ. ఓటర్ల వివరాల పరిశీలనకు ఈనెల 30 తుది గడువు. డిసెంబర్‌ 16న ఓటర్ల జాబితా ముసాయిదా ప్రచురణ. 2020, జనవరి 15న అభ్యంతరాలు, వినతుల స్వీకరణ.
  • టిక్‌టాక్‌కు పోటీగా త్వరలో ఇన్‌స్టాగ్రామ్‌ కొత్త ఫీచర్‌. రీల్స్‌ పేరిట ఓ కొత్త ఫీచర్‌ అందుబాటులోకి. ఇన్‌స్టాగ్రామ్‌లోని ఎక్స్‌ప్లోర్‌ సెక్షన్‌లో కొత్త ఫీచర్. కొత్త ఫీచర్‌లో టిక్‌టాక్ మాదిరిగా వీడియోలు క్రియేట్‌ చేసే సౌకర్యం.

ప్రొ కబడ్డీ లీగ్‌ విజేత బెంగాల్‌..ప్రైజ్ మనీ ఎంతో తెలుసా..?

తుదిపోరులో దబాంగ్‌ ఢిల్లీని మట్టికరిపించి ప్రొ కబడ్డీ టైటిల్‌ను బెంగాల్ వారియర్స్‌ తొలిసారిగా ముద్దాడింది. తొలి 6 నిమిషాల ఆటను చూస్తే దబంగ్‌ ఢిల్లీదే టైటిల్‌ అనుకున్నారు. అయితే అద్భుతమైన ఆటతీరుతో పుంజుకున్న బెంగాల్‌ వారియర్స్‌ సీజన్‌లో టాప్‌ ఫామ్‌లో ఉన్న దబంగ్‌ ఢిల్లీకి షాక్‌ ఇస్తూ విజయకేతనం ఎగరవేసింది. ఢిల్లీ రైడర్‌ నవీన్‌ కుమార్‌ 18 పాయింట్లతో విజయం కోసం విశ్వ ప్రయత్నం చేసినా.. బెంగాల్‌ జట్టు ఆల్‌రౌండ్ ప్రదర్శనతో టైటిల్‌ను ఎగరేసుకుపోయింది.  ఫలితంగా అహ్మదాబాద్‌ వేదికగా జరిగిన ఏడో సీజన్ పీకేఎల్‌ ఫైనల్లో ఢిల్లీని బెంగాల్‌ 39-34 తేడాతో ఓడించింది.

మొదలైన ఎనిమిది నిమిషాల్లోపే బెంగాల్ వారియర్స్‌ ఆలౌటైంది. తర్వాత బెంగాల్ అద్భుతంగా పుంజుకొని విరామ సమయానికి 17-17తో స్కోరుని సమం చేసింది. రెండో అర్ధభాగంలోనూ బెంగాల్ తన పరంపర కొనసాగించింది. 13 నిమిషాల్లోపు రెండు సార్లు ఢిల్లీని ఆలౌట్‌ చేసింది. అనంతరం ఢిల్లీ కొద్దిసేపు ప్రతిఘటించినా లాభం లేకపోయింది. ఆఖర్లో ఢిల్లీ  రైడర్ నవీన్ కుమార్ పోరాడి 32-37తో జట్టును తిరిగి పోటీలోకి తీసుకువచ్చాడు. చివరికి 39-34 తేడాతో ఢిల్లీని ఓడించి బెంగాల్ వారియర్స్‌ విజేతగా నిలిచింది. ఈ మ్యాచ్‌లో 18 పాయింట్లు సాధించిన నవీన్‌ కుమార్‌ 300 పాయింట్ల మార్క్‌ను అందుకున్నాడు. విజేత బెంగాల్‌ వారియర్స్‌ జట్టుకు రూ. 3 కోట్లు… రన్నరప్‌ ఢిల్లీ జట్టుకు రూ. కోటీ 80 లక్షలు ప్రైజ్‌మనీగా లభించాయి.