‘పిల్లో ఛాలెంజ్’ కాదు భామలు.. ప్రణీత చేస్తున్న ‘ఫుడ్ ఛాలెంజ్’ చాలా అవసరం…
ఈ రోజుల్లో చేసే సాయం చిన్నదైనా.. పెద్ద ఆర్భాటంతో చేస్తుంటారు కొంతమంది నాయకులు, ప్రముఖులు. అయితే ప్రస్తుతం పబ్లిసిటీకి దూరంగా ఉంటూ.. తనకు చేతనైనంత సాయం చేస్తూ ఎంతోమంది కడుపులు నింపుతున్న హీరోయిన్ ప్రణీతకు నెటిజన్ల నుంచి ప్రశంసల వర్షం కురుస్తోంది. కరోనా విపత్తు సమయంలో పలువురు స్టార్ సెలబ్రిటీలు తమ వంతు సాయంగా ముందుకు వచ్చి విరాళాలు అందించిన సంగతి తెలిసిందే. ఇక ఇందులో స్టార్ హీరోయిన్స్ శాతం చాలా తక్కువ అని చెప్పాలి. ఒకరు […]
ఈ రోజుల్లో చేసే సాయం చిన్నదైనా.. పెద్ద ఆర్భాటంతో చేస్తుంటారు కొంతమంది నాయకులు, ప్రముఖులు. అయితే ప్రస్తుతం పబ్లిసిటీకి దూరంగా ఉంటూ.. తనకు చేతనైనంత సాయం చేస్తూ ఎంతోమంది కడుపులు నింపుతున్న హీరోయిన్ ప్రణీతకు నెటిజన్ల నుంచి ప్రశంసల వర్షం కురుస్తోంది. కరోనా విపత్తు సమయంలో పలువురు స్టార్ సెలబ్రిటీలు తమ వంతు సాయంగా ముందుకు వచ్చి విరాళాలు అందించిన సంగతి తెలిసిందే. ఇక ఇందులో స్టార్ హీరోయిన్స్ శాతం చాలా తక్కువ అని చెప్పాలి.
ఒకరు లేదా ఇద్దరు మినహాయించి మిగిలిన వారు ఎవ్వరూ కూడా సాయం చేసేందుకు ముందుకు రావడం లేదు. ఇలాంటి తరుణంలో ఎలాంటి హంగూ ఆర్భాటం లేకుండా తన మంచి మనసును చాటుకుంటూ వందలాది పేదవారి ఆకలి తీరుస్తోంది హీరోయిన్ ప్రణీత. లాక్ డౌన్ కారణంగా ఇబ్బందులకు గురవుతున్న పేదవారికి స్వయంగా తన చేతులతో వంట చేసి వారి ఆకలిని తీరుస్తోంది. ప్రణీత మంచితనానికి నెటిజన్లు ఫిదా అయిపోయారు. సరైన సమయంలో పేదవారికి అండగా నిలుస్తున్న ఈమెను చూసి స్టార్ హీరోయిన్లు ఎంతో నేర్చుకోవాలని కామెంట్స్ చేస్తున్నారు. విపత్కర సమయాల్లో సెలబ్రిటీల నుంచి కావాల్సింది ‘పిల్లో ఛాలెంజ్’లు, ‘రియల్ మ్యాన్ ఛాలెంజ్’లు కాదని.. ప్రణీత చేసే ఫుడ్ ఛాలెంజ్ అని అంటున్నారు.
Read Also:
కరోనా వేళ.. మసీదులకు పోటెత్తారు.. మూల్యం చెల్లిస్తున్నారు..