అవినీతి ఖాకీ, లంచాలే డ్యూటీ !
ఆ పోలీస్‌స్టేషనే ఆయన అక్రమ డబ్బు సంపాదనకు మార్గం. ఎటువంటి సమస్యలతో అక్కడికి వెళ్లినా బాధితులు లంచం ఇవ్వకుండా తిరిగి రావడానికి వీలు పడదు.
ఆ పోలీస్‌స్టేషనే ఆయన అక్రమ డబ్బు సంపాదనకు మార్గం. ఎటువంటి సమస్యలతో అక్కడికి వెళ్లినా బాధితులు లంచం ఇవ్వకుండా తిరిగి రావడానికి వీలు పడదు. కేసును బట్టి లంచం రేటుంటుంది. పంచాయితీ చేస్తే మరో రేటు. ఆయన బాధ్యతలు తీసుకున్న తర్వాత ఆ స్టేషన్ రూల్స్ మొత్తం మారిపోయాయి. సదరు అధికారి మకాం వేసిన వరంగల్ అర్బన్ జిల్లా కాజీపేట సబ్‌ డివిజన్‌లోని ఓ పోలీసుస్టేషన్‌కు వెళ్లాలంటే బాధితులు జంకుతున్నారు. ఆ ఇన్‌స్పెక్టర్‌ స్టేషన్‌లో విధుల్లో జాయిన్ అయి సుమారు 10 నెలలు గడిచింది. అప్పటి నుంచి ఆయన సంపాదన లెక్క దీస్తే ఎన్ని లక్షలో చెప్పడమే కష్టం అంటున్నారు. పంట కోత సీజన్‌లో హార్వెస్టర్ల ఓనర్స్ నుంచి రూ.లక్షల్లో వసూళ్లకు పాల్పడిన ఆ ఇన్‌స్పెక్టర్‌ రూటే సెపరేట్ అంటూ సొంత శాఖలోనే చర్చ సాగుతోంది. మామూళ్లకు అలవాటుపడ్డ ఆ ఇన్‌స్పెక్టర్‌ను ఎవరైనా ఇది అన్యాయం అని ప్రశ్నిస్తే.. ‘రూ.లక్షలు ఖర్చు పెట్టుకుని పోస్టింగ్‌ దక్కించుకున్నాం… అదంతా తిరిగి వసూలు చేసుకోకపోతే ఎలా’ అంటూ తిరిగి ప్రశ్నిస్తున్నారట. అవినీతికి అడ్రస్ గా నిలిచిన ఆయన వైఖరిపై వరుస కంప్లైంటులు అందడంతో ఇంటలెజెన్స్ అధికారుల ఫోకస్ పెట్టారు. ఓ కీలక ప్రజాప్రతినిధి అండ ఉందని డాబులు చెప్పుకుంటూ ఆయన ఈ తతంగం కానిచ్చేస్తున్నారట. మరి లంచాల అధికారి తిక్క ఎప్పుడు కుదురుతుందో చూడాలి.
Also Read :
చుక్కలనంటిన టమాట ధరలు, కేజీ ఎంతంటే ?
