Male Guardianship: ఈ దేశంలో మహిళల జీవితం ఇంకా మగవాళ్ల చేతుల్లోనే.. ఎందుకో తెలుసా?
ఇస్లామిక్‌ దేశమైన ఖతర్‌లో ఫుట్‌బాల్ ప్రపంచకప్ జరుగుతున్న విషయం తెలిసిందే. అనేక దేశాల నుంచి ఈ పోటీలు చూసేందుకు క్రీడాభిమానులు వస్తున్నారు. ఈ దేశం ఇతర ప్రపంచ దేశాలకంటే భిన్నమైనది. ఇక్కడ ఇస్లాం సిద్ధాంతాలను తమ సొంత పద్ధతిలో..
ఇస్లామిక్‌ దేశమైన ఖతర్‌లో ఫుట్‌బాల్ ప్రపంచకప్ జరుగుతున్న విషయం తెలిసిందే. అనేక దేశాల నుంచి ఈ పోటీలు చూసేందుకు క్రీడాభిమానులు వస్తున్నారు. ఈ దేశం ఇతర ప్రపంచ దేశాలకంటే భిన్నమైనది. ఇక్కడ ఇస్లాం సిద్ధాంతాలను తమ సొంత పద్ధతిలో మత నియమాలు అవలంభిస్తుంటారు.
ఖతర్‌లో 30 లక్షల మంది ఉంటే అందులో స్థానికులు కేవలం మూడున్నర లక్షలు మాత్రమే ఉంటారు.
ఇక్కడ కొందరు స్త్రీలు నల్లని బుర్కలు ధరిస్తే.. మరికొందరేమో రంగురంగుల హిజాబ్‌లు ధరిస్తారు. నిజానికి వీరి సమస్య దుస్తులు కాదు. ఇక్కడ మగ గార్డియన్‌ వ్యవస్థ కొనసాగుతోంది. అంటే స్త్రీలు ఎల్లప్పుడు పురుషుల కనుసన్నల్లోనే జీవిస్తుంటారు.
నిజానికి.. ఖతర్‌లో మహిళల హక్కులపై తీవ్ర అణచివేత ఉంది. ముఖ్యమైన నిర్ణయాలు అన్ని పురుషుల నుంచి రాత పూర్వక అనుమతి తీసుకోవడం అక్కడ తప్పనిసరి.
మరోవైపు.. తమ దేశంలో రాజకీయ, ఆర్థిక నిర్ణయాల్లో మహిళలది కీలకపాత్ర అని, లైంగిక సమానత్వం సూచికలన్నింటిలో ఖతర్‌ ముందంజలో ఉన్నట్లు హెచ్‌ఆర్ రిపోర్టుపై స్పందిస్తూ ఖతార్‌ పేర్కొంది.