Cooking Oil: మీరు వంటకు ఎంత నూనె వాడుతున్నారో గమనిస్తున్నారా?
మన వంటల్లో వినియోగించే సుగంధ ద్రవ్యాలు ఆహారాల రుచిని రెట్టింపు చేస్తాయి. అయితే, ఆ సుగంధ ద్రవ్యాలకు వాటి రుచి,సువాసనను ఇచ్చేది మాత్రం వంటల్లో వాడే నూనె. పసుపు, ఉప్పు, మిరపకాయలతో పాటు ప్రతి వంటకంలో నూనె కూడా కీలక పాత్ర పోషిస్తుంది. నూనె లేకుండా వంటలు చేయడం అసాధ్యం..
భారతీయ వంటకాలు రుచిలో, సువాసనలో ఎంతగా ఖ్యాతి చెందాయో ప్రత్యేకంగా చెప్పనవసరం లేదు. ముఖ్యంగా మన వంటల్లో వినియోగించే సుగంధ ద్రవ్యాలు ఆహారాల రుచిని రెట్టింపు చేస్తాయి. అయితే, ఆ సుగంధ ద్రవ్యాలకు వాటి రుచి,సువాసనను ఇచ్చేది మాత్రం వంటల్లో వాడే నూనె. పసుపు, ఉప్పు, మిరపకాయలతో పాటు ప్రతి వంటకంలో నూనె కూడా కీలక పాత్ర పోషిస్తుంది. నూనె లేకుండా వంటలు చేయడం అసాధ్యం.
అది కూరగాయల గ్రేవీ అయినా లేదా క్రిస్పీ పరాఠా అయినా నూనె లేకుండా ఆహారం అసంపూర్ణంగా అనిపిస్తుంది. గత కొన్ని సంవత్సరాలుగా వంట నూనె గురించి అనేక అధ్యయనాలు వెలువడ్డాయి. అధిక మొత్తంలో నూనె తీసుకోవడం వల్ల గుండె ఆరోగ్యానికి హాని కలుగుతుందని హెచ్చరిస్తున్నాయి.
నిపుణుల అభిప్రాయం ప్రకారం.. ఒక ఆరోగ్యకరమైన వ్యక్తి రోజుకు 3 నుంచి 4 టీస్పూన్ల కంటే ఎక్కువ నూనె తీసుకోకూడదు. అంటే 15 నుంచి 20 మిల్లీలీటర్ల నూనెకు మించి తినకూడదు. అంటే ఆరోగ్యకరమైన వ్యక్తికి నెలకు 500 నుంచి 600 మిల్లీలీటర్ల నూనె సరిపోతుంది. కుటుంబంలో నలుగురు ఉంటే మొత్తం నూనె 2 లీటర్లకు మించకూడదు.
ఆరోగ్యానికి మేలు చేసే ఉత్తమమైన నూనెలు గుండెకు హాని కలిగించని కొవ్వులు కలిగి ఉంటాయి. పైగా శరీరానికి అవసరమైన పోషణను అందిస్తాయి. ఇందులో ఆలివ్ నూనె గుండెకు చాలా ప్రయోజనకరంగా ఉంటుంది. ఎందుకంటే ఇందులో కొలెస్ట్రాల్ను తగ్గించి గుండెను ఆరోగ్యంగా ఉంచే మోనోశాచురేటెడ్ కొవ్వులు ఉంటాయి.
కనోలా నూనె, సోయాబీన్ నూనెలలో పాలీఅన్శాచురేటెడ్ కొవ్వులు ఉంటాయి. కాబట్టి అవి కూడా గుండెకు మంచివిగా పరిగణించబడతాయి. నువ్వుల నూనె, పొద్దుతిరుగుడు నూనెలు కూడా యాంటీఆక్సిడెంట్లు అధికంగా ఉండటం వల్ల పోషకమైనవి, శరీరానికి ప్రయోజనకరమైనవిగా పరిగణించవచ్చు.