పాల కన్నా మోస్ట్ పవర్ఫుల్.. సోరియాసిస్, వైరల్ జ్వరాలను తరిమికొట్టే సర్వ రోగ నివారిణి ఇదే..
మనందరికీ కూడా రకరకాల విత్తనాలు తింటే ఆరోగ్యానికి మంచిదని తెలుసు. ప్రకృతిలో లభించే కూరగాయలు, పండ్లు, ఆకుకూరలు, దుంపకూరలు, మాంసాహారాలతో పోలిస్తే గింజలే అధిక పోషకాలు, ప్రోటీన్, శక్తి, కొవ్వును అందిస్తాయి. అయితే, కొవ్వు, ప్రోటీన్లు ఎక్కువగా ఉంటాయనే అపోహతో చాలా మంది విత్తనాలను తినడం తగ్గించి, కేవలం కూరగాయలు, పండ్లు, ఆకుకూరలపైనే ఆధారపడతారు
మనందరికీ కూడా రకరకాల విత్తనాలు తింటే ఆరోగ్యానికి మంచిదని తెలుసు. ప్రకృతిలో లభించే కూరగాయలు, పండ్లు, ఆకుకూరలు, దుంపకూరలు, మాంసాహారాలతో పోలిస్తే గింజలే అధిక పోషకాలు, ప్రోటీన్, శక్తి, కొవ్వును అందిస్తాయి. అయితే, కొవ్వు, ప్రోటీన్లు ఎక్కువగా ఉంటాయనే అపోహతో చాలా మంది విత్తనాలను తినడం తగ్గించి, కేవలం కూరగాయలు, పండ్లు, ఆకుకూరలపైనే ఆధారపడతారు. దీనివల్ల అనేక పోషక లోపాలు వస్తాయని నేను తరచుగా చెబుతూ ఉంటాను. అలాంటి వారికి, పోషకాలు సమృద్ధిగా ఉండి, కొవ్వు, కేలరీలు తక్కువగా ఉండే విత్తనం వాటర్ చెస్ట్నట్
సాధారణంగా వాల్నట్స్, మెకడమియా నట్స్ వంటివి 700 కేలరీల వరకు శక్తిని ఇస్తే, పెసలు, బొబ్బర్లు, శనగలు కూడా 300-350 కేలరీల శక్తిని అందిస్తాయి. కానీ, వాటర్ చెస్ట్నట్ అత్యంత తక్కువ శక్తినిచ్చే విత్తనం. 100 గ్రాముల డ్రై వాటర్ చెస్ట్నట్లో కేవలం 97 కేలరీలు మాత్రమే ఉంటాయి. దీనిలోని పోషక విలువల గురించి వింటే మీరు ఆశ్చర్యపోతారు. 100 గ్రాముల వాటర్ చెస్ట్నట్లో 70 గ్రాముల నీటి శాతమే ఉంటుంది. కొవ్వు సున్నా గ్రాములు, ప్రోటీన్ కేవలం 2 గ్రాములు, కార్బోహైడ్రేట్లు 24 గ్రాములు, మరియు ఫైబర్ 3 గ్రాములు ఉంటాయి. దీనిలో కొవ్వు, ప్రోటీన్ చాలా తక్కువగా ఉండటం, కేలరీలు అతి తక్కువగా ఉండటం వల్ల ఇది అందరికీ స్నేహపూర్వకమైన విత్తనంగా చెప్పవచ్చు. డ్రై ఫ్రూట్ షాపుల్లో లభించే ఈ విత్తనం కిలో 450-500 రూపాయలలో లభిస్తుంది. దీనిని పైన తొక్క తీసి పప్పును నేరుగా తినవచ్చు, ముక్కలుగా చేసి సలాడ్స్లో వేసుకోవచ్చు, లేదా పౌడర్ చేసి ఉపయోగించుకోవచ్చు. కావాలంటే కొద్దిగా వేయించి కూడా తినవచ్చు.
వైరల్ జ్వరాలు, టైఫాయిడ్, కామెర్లు (జాండిస్), మలేరియా, డెంగ్యూ, కోవిడ్-19 వంటి దీర్ఘకాలిక వ్యాధుల బారి నుండి కోలుకోవడానికి ఇది అద్భుతంగా సహాయపడుతుంది. ఈ వ్యాధులు వచ్చినప్పుడు రక్షణ వ్యవస్థ విడుదల చేసే టి.ఎన్.ఎఫ్-ఆల్ఫా, ఇంటర్లూకిన్స్ వంటి రసాయనాలు శరీరంలో మిగిలిపోయి బలహీనతను కలిగిస్తాయి. వాటర్ చెస్ట్నట్ ఈ రసాయనాలను బ్లడ్ నుండి తొలగించి, శరీరాన్ని త్వరగా సాధారణ స్థితికి తీసుకురావడానికి సహాయపడుతుంది. కొరియాలోని జంగ్వోన్ యూనివర్సిటీ 2015లో చేసిన పరిశోధన ఈ విషయాన్ని సైంటిఫిక్గా నిరూపించింది. ఇందులో ఎనిమిది రకాల శక్తివంతమైన యాంటీఆక్సిడెంట్లు ఉన్నాయి.
సోరియాసిస్, ఎగ్జిమా వంటి ఆటో ఇమ్యూన్ డిజార్డర్స్లో రోగనిరోధక కణాల (ఇమ్యూన్ సెల్స్) హైపర్ ఆక్టివిటీని నియంత్రించి, వాటిని సాధారణ స్థితికి తీసుకురావడంలో వాటర్ చెస్ట్నట్ సహాయపడుతుంది. ఇది ఎన్.ఎఫ్-ఆల్ఫా-బి (NF-κB) పాత్వేను నియంత్రించడం వలన ఈ ప్రయోజనాన్ని అందిస్తుంది. ఇన్ఫెక్షన్ సమయంలో హైపర్ ఆక్టివ్గా ఉండే ఇమ్యూన్ సెల్స్ వల్ల కలిగే ఇబ్బందిని తగ్గించి, వాటిని నార్మల్ చేయడానికి ఇది ఎంతగానో ఉపయోగపడుతుంది.
వాటర్ చెస్ట్నట్లో ఉండే ఫెరులిక్ యాసిడ్ ఊబకాయం ఉన్నవారికి ప్రత్యేక ప్రయోజనాలను అందిస్తుంది. కొవ్వు కణాలలో లిపిడ్ పెరాక్సిడేషన్ జరిగి, కణాలు దెబ్బతిన్నప్పుడు ఇన్ఫ్లమేషన్ పెరుగుతుంది. ఫెరులిక్ యాసిడ్ ఈ నష్టాన్ని తగ్గించి, కాలేయ కణాలను కొవ్వు కణాలను సాధారణ స్థితికి తీసుకురావడంలో సహాయపడుతుంది. యూకేకు చెందిన పరిశోధకులు 2003లో ఈ విషయాన్ని నిరూపించారు, ముఖ్యంగా ఊబకాయం ఉన్నవారిలో కాలేయంలో కొవ్వు అధికంగా ఉన్నవారికి ఇది చాలా ప్రయోజనకరమని తెలిపారు.