Romantic Tour: ఆగస్టు నెలలో వాతావరణం ఎంతో ఆహ్లదకరంగా ఉంటుంది. అప్పుడప్పుడు పడే వర్షాలు.. చల్లని గాలుల మధ్య మనసుకు ఎంతో ప్రశాంత భావన కలుగుతుంది. ఇలాంటి సమయాన్నే చూట్టూ వ్యాపించిన పచ్చదనంలో మీ భాగస్వామితో కలిసి గడపాలని భావిస్తున్నట్లయితే ఈ పర్యాటక ప్రాంతాలను తప్పక సందర్శించండి.
కొడైకెనాల్: తమిళనాడులో ఉన్న కొడైకెనాల్ చాలా అందమైన పర్యాటక ప్రదేశం. రోమాంటిక్ టూర్ వెళ్లాలనుకునే పర్యాటకులు ఈ ప్రదేశాన్ని ఎంతగానో ఇష్టపడతారు. పచ్చని పొలాలు, లోయలు, సరస్సు అందాలు ఇక్కడికి వచ్చే పర్యాటకుల్ని మంత్రముగ్ధులను చేస్తాయి.
లోనావాలా: మీరు ఆగస్టులో మహారాష్ట్రలోని లోనావాలా సందర్శించడానికి కూడా వెళ్ళవచ్చు. వర్షాకాలంలో ఈ ప్రదేశం మరింత అందంగా,పచ్చదనంలో అలకరించినట్లుగా మారుతుంది. మేఘాలు చుట్టుముట్టిన కొండల దృశ్యాల్లో రొమాంటిక్ టూర్ అంటే మనసుకు భలే ఉత్సాహం కలుగుతుంది.
వాయనాడ్: కేరళలోని వాయనాడ్ సందర్శనకు కూడా ఆగస్టులో వెళ్ళవచ్చు. ట్రెక్కింగ్ చేయాలనుకునేవారికి ఇది చాలా చక్కని ప్రదేశం. ఇక్కడి ప్రశాంత వాతావరణం మీకు రిలాక్స్ ఫీల్ని ఇస్తుంది.
డల్హౌసీ: హిమాచల్ ప్రదేశ్లో ఉన్న డల్హౌసీ కూడా ఆగస్టులో రోమాంటిక్ టూర్కి ప్రసిద్ధి. గడ్డి, పువ్వుల మైదానంలో విహరించడానికి పర్యాటకులు ఎంతగానో ఇష్టపడతారు. అందుకే డల్హౌసీని మినీ స్విస్ అని కూడా అభివర్ణిస్తారు.