మన దేశంలో ఈ గ్రామాల్లో వింత సంప్రదాయాలు.. నవ వధువు వారం రోజులు దుస్తులు ధరించదు.. ఎక్కడంటే..
భారతదేశంలోని వివిధ రాష్ట్రాలలో వివిధ రకాల ఆచారాలు, సంప్రదాయాలు ప్రబలంగా ఉన్నాయి. ఈ సంప్రదాయాలు కొన్ని సాధారణమైనవి, మరికొన్ని ఆశ్చర్యకరమైనవి. భారతీయ వివాహాలు మతం, సమాజం , ప్రాంతం ఆధారంగా మారతాయి. వివిధ ఆచారాలు, సంప్రదాయాలతో పెళ్ళిళ్ళను చేస్తారు కూడా. భారతీయ వివాహాలలో కూడా చాలా వింత సంప్రదాయాలు ఉన్నాయి. హిమాచల్ ప్రదేశ్లోని ఒక గ్రామంలో అలాంటి ఒక సంప్రదాయం కనిపిస్తుంది. అక్కడ పెళ్లి తర్వాత వధువు వారం రోజున పాటు దుస్తులు ధరించదు. ఈ విషయంపై ఇండియా.కామ్ నివేదించింది.
Wedding
వివాహం అంటే ఇద్దరు వ్యక్తులకు పెళ్లి చేయడమే కాదు.. ఈ వివాహ వేడుక రెండు కుటుంబ సభ్యులు, స్నేహితులు, బంధువులను ఒకే తాటిపైకి తీసుకువచ్చేలా చేసే ఓ వేడుక. భారతదేశంలో వివాహాలు తరతరానికి అందిస్తూ ఉండే వివాహం అనేక ఆచారాలు, సంప్రదాయాలను కలిగి ఉంటాయి.
ఇలా ఒక ప్రత్యేకమైన సంప్రదాయం హిమాచల్ ప్రదేశ్లోని మణికరణ్ లోయలోని పిని గ్రామంలో నేటికీ కొనసాగుతోంది. ఈ సమయంలో వధూవరుల మధ్య ఎటువంటి సంభాషణ ఉండదు. ఈ గ్రామంలో శ్రావణ మాసంలో వివాహం జరిగిన స్త్రీ బట్టలు ధరించకూడదనే ప్రత్యేకమైన సంప్రదాయం పాటిస్తారు. ఈ సమయంలో వధువు పట్టు అనే ఉన్ని వస్త్రాన్ని ధరించడానికి అనుమతి ఉంది.
నవ వరుడు కూడా కొన్ని నియమాలు పాటించాల్సి ఉంది. వివాహం తర్వాత వరుడు మొదటి వారం రోజుల పాటు మద్యం ముట్టుకోకూడదు. వధూవరులు ఈ ఆచారాలను పాటిస్తే వారికి శుభాలు కలుగుతాయని నమ్ముతారు.
మణిపూర్లో న్గా థాబా ఒక ప్రత్యేకమైన ఆచారం : మణిపూర్లో న్గా థాబా అనేది ఒక ప్రత్యేకమైన ఆచారం. వివాహం క్రతువు న్గా థాబా ఆచారంతో ముగుస్తుంది. ఇక్కడ వధువు, వరుడి కుటుంబాలకు చెందిన మహిళలు రెండు చేపలను నీటిలోకి వదులుతారు
ఈ చేపలు కలిసి ఈత కొడితే.. ఆ జంట సంతోషకరమైన వైవాహిక జీవితాన్ని గడుపుతారని.. దంపతులు జీవితాంతం సుఖ సంతోషాలతో జీవిస్తారని నమ్ముతారు. సాధారణంగా వరుడి వైపు నుంచి ఇద్దరు మహిళలు , వధువు వైపు నుండి ఒక మహిళ ఈ కత్రువుని నిర్వహిస్తారు, ఈ ఆచారం సామరస్యం.. సాంగత్యాన్ని సూచిస్తుంది.
టమాటాలు పోయడం: ఉత్తరప్రదేశ్లో ఒక ప్రత్యేకమైన ఆచారం ఉంది. ఉత్తరప్రదేశ్లోని సరసౌల్లోని కొన్ని ప్రాంతాలలో వరుడి కుటుంబంపై గులాబీ రేకులకు బదులుగా టమోటాలు చల్లే ఆచారం వింతగా ఉంటుంది. అయితే ఈ ఆచారం సరదాగా ఉంటుంది.