పరమ శివుడిని పెళ్లి చేసుకున్న యువతి..! ఫొటోలు వైరల్
ఓ యువతి పరమ శివుడిని పెళ్లి చేసుకుంది. భగవంతుడిపై భక్తితో ఆయన్ను భర్తగా స్వీకరిచించింది. ఉత్తర్‌ప్రదేశ్‌లోని ఝాన్సీ జిల్లాలో ఈ విచిత్ర ఘటన చోటు చేసుకుంది. దీంతో స్థానికంగా ఈ ఘటన చర్చనీయంగా మారింది..
ఓ యువతి పరమ శివుడిని పెళ్లి చేసుకుంది. భగవంతుడిపై భక్తితో ఆయన్ను భర్తగా స్వీకరిచించింది. ఉత్తర్‌ప్రదేశ్‌లోని ఝాన్సీ జిల్లాలో ఈ విచిత్ర ఘటన చోటు చేసుకుంది. దీంతో స్థానికంగా ఈ ఘటన చర్చనీయంగా మారింది.
ఝాన్సీ జిల్లా అన్నపూర్ణ కాలనీకి చెందిన యువతి, ఆమె తల్లిదండ్రులు చాలా కాలంగా బ్రహ్మకుమారి ఆశ్రమంలో సభ్యులుగా ఉంటున్నారు. శివుడిపై భక్తి పారవశ్యంతో ఆయన్నే పెళ్లి చేసుకుంటానని యువతి పట్టుబట్టింది.
తన జీవితాన్ని పరమశివుడికి అంకితం చేయాలని సదరు యువతి నిశ్చయించుకుంది. చేసేదిలేక తల్లిదండ్రులు కూడా అందుకు అంగీకరించారు. తమ కుమార్తె వివాహాన్ని సంప్రదాయం ప్రకారం నిర్వహించాలనుకున్నారు ఆమె కుటుంబ సభ్యులు.
నెల రోజులు ముందుగానే ఏర్పాట్లను ప్రారంభించారు. వివాహ ఆహ్వాన పత్రికలు ముద్రించి బంధువులందరికీ ఆహ్వానం పలికారు. ఈ క్రమంలో ఆదివారం (జులై 23) సాయంత్రం 5 గంటలకు బడగావ్ గేట్ వెలుపల ఉన్న కళ్యాణ మండపంలో పరమశివుడితో ఆ యువతి పెళ్లి జరిపించారు.
వధువు శివలింగానికి వరమాల సమర్పించి తన భర్తగా అంగీకరించింది. అనంతరం శివలింగాన్ని రథంపై ఊరేగించారు. వివాహానికి విచ్చేసిన బంధుజనానికి వింధు భోజనం కూడా ఏర్పాటు చేశారు.