అతి చవకైన డ్రైఫ్రూట్‌ ఇది..! ఇలా తింటే శరీరంలోని ప్రతి భాగాన్ని బలంగా మార్చేస్తుంది.. లాభాలు తెలిస్తే..
డ్రై ఫ్రూట్స్‌లో ప్రోటీన్లు, విటమిన్లు, ఫైబర్, ఖనిజాలు, యాంటీఆక్సిడెంట్లు పుష్కలంగా ఉంటాయి. ఈ పోషకాలన్నీ శరీరాన్ని ఆరోగ్యంగా ఉంచడంలో ముఖ్యమైన పాత్ర పోషిస్తాయి. ఈ పోషకాలు శరీరాన్ని పోషించడమే కాకుండా అనేక వ్యాధుల నుండి రక్షిస్తాయి. అన్ని డ్రై ఫ్రూట్స్‌ చాలా ఖరీదైనవే. కానీ, కొన్ని తక్కువ ధరలో లభించేవి కూడా ఉన్నాయి. అలాంటి డ్రైఫ్రూట్స్ వల్ల కలిగే లాభాలు కూడా ఎక్కువగానే ఉన్నాయి. అవేంటో ఇప్పుడు తెలుసుకుందాం..
ఎండుద్రాక్ష: ఎండుద్రాక్షలో విటమిన్లు ఇ, సి, కె, బి, ఎ కాకుండా ఎండుద్రాక్షలో ఐరన్, బి-కాంప్లెక్స్‌తో సహా అనేక ముఖ్యమైన యాంటీఆక్సిడెంట్లు ఉన్నాయి. ఇవి శరీరాన్ని ఆరోగ్యంగా ఉంచడంలో సహాయపడతాయి. ఎండుద్రాక్ష కరిగే ఫైబర్‌కు మంచి మూలం. ఇది జీర్ణక్రియకు సహాయపడుతుంది. కడుపు సమస్యలను తగ్గిస్తుంది. ఎముకల బలానికి తోడ్పడుతుంది. శరీరంలో ఐరన్ లోపాన్ని తొలగిస్తుంది. ఇది దంతాలు, ఎముకలను కూడా బలపరుస్తుంది.
చర్మ సంరక్షణలో కూడా ఎండుద్రాక్ష ఎంతగానో తోడ్పడుతుంది. ఎండుద్రాక్షలో ఉండే యాంటీ-ఆక్సిడెంట్లు వృద్ధాప్యాన్ని పెంచే హానికరమైన ఫ్రీ రాడికల్స్‌తో పోరాడుతాయి. ఎండుద్రాక్ష పూర్తి ప్రయోజనాలను పొందడానికి, మీరు ఐదు నుండి ఆరు గంటల పాటు నీటిలో నానబెట్టిన 5 నుండి 6 ఎండుద్రాక్షలను తినాలి. నానబెట్టిన ఎండుద్రాక్ష మీ శరీరానికి మరింత మేలు చేస్తుంది.
ఎండు ద్రాక్షలో ఉండే యాంటీ బ్యాక్టీరియల్ లక్షణాలు నోటి దుర్వాసనను పోగోడుతుంది. నోటి దుర్వాసనకు కారణమయ్యే బ్యాక్టీరియాను నివారించడంలో ఎండు ద్రాక్ష సహాయపడుతుంది. ఎండు ద్రాక్షను నీటిలో నానబెట్టి, ప్రతి రోజూ ఉదయం పరగడుపున తీసుకోవడం వల్ల అనీమియా సమస్య ఉండదు.
శరీరంలో టాక్సిన్స్ ను నివారించడంలో ఎండు ద్రాక్ష ఉపయోగపడుతుంది. కాలేయ ఆరోగ్యాన్ని మెరుగుపరుస్తుంది. హార్ట్ డిసీజ్ ను నివారిస్తుంది. ఎండు ద్రాక్షలో ఫైబర్ కంటెంట్ తో పాటు ఇతర న్యూట్రీషియన్స్ కూడా అధికంగా ఉంటాయి. కొలెస్ట్రాల్ లెవల్స్ కంట్రోల్ చేస్తుంది. ఎండు ద్రాక్షలో ఉండే నేచురల్ ఫ్రక్టోజ్ ఎనర్జీ లెవల్స్ ను పెంచుతుంది. ఎండు ద్రాక్షను రెగ్యులర్ డైట్ లో చేర్చుకుంటే, వీక్ నెస్ ను తగ్గిస్తుంది. అయితే పరిమితంగా మాత్రమే తీసుకోవాలి.
ఎండుద్రాక్షలో కాల్షియం పుష్కలంగా ఉంటుంది. ఇది ఎముకలను బలోపేతం చేయడానికి సహాయపడుతుంది. ఎముకల సమస్యతో బాధపడుతుంటే, లేదా ఎముకలు దృఢంగా ఉండాలనుకుంటే రోజూ నానబెట్టిన ఎండుద్రాక్షను తినాలి.