Winter Health: శీతాకాలంలో ఈ డ్రింక్స్‌ తాగారంటే రోగాల నుంచి రక్షణ దొరికినట్లే..
శీతాకాలంలో జలుబు, దగ్గు వంటి ఆరోగ్య సమస్యలు పొంచి ఉంటాయి. అందువల్లనే ఈ కాలంలో మరింత జాగ్రత్తగా ఉండాలంటారు ఆరోగ్య నిపుణులు. ముఖ్యంగా శీతాకాలంలో దొరికే సీజనల్ కూరగాయలు, పండ్లు తప్పక తినాలి. దానితో పాటు పాలను ఆహారంలో భాగంగా తీసుకోవాలి. క్యాల్షియం, విటమిన్ డి, ప్రొటీన్లు సమృద్ధిగా ఉండే పాలు శీతాకాలంలో అనేక వ్యాధుల నుంచి కాపాడటంలో సహాయపడుతుంది..
శీతాకాలంలో జలుబు, దగ్గు వంటి ఆరోగ్య సమస్యలు పొంచి ఉంటాయి. అందువల్లనే ఈ కాలంలో మరింత జాగ్రత్తగా ఉండాలంటారు ఆరోగ్య నిపుణులు. ముఖ్యంగా శీతాకాలంలో దొరికే సీజనల్ కూరగాయలు, పండ్లు తప్పక తినాలి. దానితో పాటు పాలను ఆహారంలో భాగంగా తీసుకోవాలి. క్యాల్షియం, విటమిన్ డి, ప్రొటీన్లు సమృద్ధిగా ఉండే పాలు శీతాకాలంలో అనేక వ్యాధుల నుంచి కాపాడటంలో సహాయపడుతుంది.
చలికాలంలో పాలు తాగడం వల్ల కీళ్ల నొప్పులు, శారీరక అలసట దూరమవుతాయి. అలాగే ఉష్ణోగ్రత తగ్గినా శరీరం వెచ్చగా ఉంటుంది. పాలల్లో ఈ కింది ఆరోగ్యకరమైన పదార్థాలను కలుపుకుని కూడా తాగొచ్చు. పసుపు పాలకు మించి ప్రత్యామ్నాయాలు దొరకడం కష్టం. రాత్రి పడుకునే ముందు ఒక గ్లాసు గోరువెచ్చని పాలలో చిటికెడు పసుపు, మిరియాల పొడి, తేనె కలిపి తాగాతే హాయిగా నిద్ర పడుతుంది. పైగా చలికాలంలో వ్యాధులకు దూరంగా ఉండవచ్చు.
వేడి పాలలో 2 చెంచాల కోకో పౌడర్, చిటికెడు దాల్చిన చెక్క పొడి తాగొచ్చు. ఈ పానీయం యాంటీ ఆక్సిడెంట్లతో నిండి ఉంటుంది. ఇది శరీరంలో రోగనిరోధక శక్తిని పెంపొందించడానికి సహాయపడుతుంది.
పాలు తింటే కడుపు నొప్పి వస్తుందనుకునే వారు బాదం పాలు తాగొచ్చు. బాదం పాలలో చిటికెడు కుంకుమపువ్వు, తేనె కలుపుకుని తాగవచ్చు. ఈ పానీయం మీ మొత్తం ఆరోగ్యాన్ని మెరుగుపరచడంలో సహాయపడుతుంది.
పాలు తాగడం ఇష్టం లేదా? అయితే మిల్క్ టీ తాగండి. పాలు మరుగుతున్నప్పుడు దాల్చిన చెక్క, అల్లం, యాలకులు వేసి బాగా మరిగించాలి. ఈ మసాలా టీ శీతాకాలంలో శరీరాన్ని వెచ్చగా ఉంచడానికి, రోగనిరోధక శక్తిని పెంచడానికి సహాయపడుతుంది.