Eye Sharp: కంటి చూపు షార్ప్ అవ్వాలంటే.. ఈ ఫుడ్స్ తప్పనిసరి..
శరీరంలో అతి ముఖ్యమైన శరీర భాగాల్లో కళ్లు ఎంతో ముఖ్యం. కళ్లు ఆరోగ్యంగా పని చేయాలంటే కొన్ని రకాల ఆహారాలు ఖచ్చితంగా తీసుకోవాలి. ఇవి కళ్లకు చేసే మేలు అంతా ఇంతా కాదు. కంటి చూపు మెరుగు పడాలంటే ఈ ఆహారాలు తినేలా జాగ్రత్త తీసుకోండి..
కళ్లు ఆరోగ్యంగా పని చేస్తేనే ఏ పని అయినా చేయగలం. ప్రపంచాన్ని చూడటానికి కళ్లు చాలా అవసరం. శరీరంలో కళ్లు అనేవి అతి ముఖ్యమైన భాగం. ప్రస్తుత కాలంలో చాలా మంది కంటికి సంబంధించిన సమస్యలతో ఇబ్బంది పడుతున్నారు.
ఈ మధ్య కాలంలో స్క్రీనింగ్ టైమ్ కూడా చాలా పెరిగిపోయింది. స్క్రీనింగ్ వల్ల కంటిపై ఎక్కువగా ప్రభావం పడుతుంది. కాబట్టి స్క్రీనింగ్ టైమ్‌ని వీలైనంత వరకు తగ్గించుకోవాలి. అదే విధంగా మంచి పౌష్టికాహారం తీసుకోవాలి.
కంటి చూపు మెరుగు పడాలంటే చిన్నప్పటి నుంచి క్యారెట్స్ తినాలని చెబుతూనే ఉన్నారు. మంచి ఫ్రెష్ ఫ్రూట్స్ తినడం వల్ల కూడా కళ్లు ఆరోగ్యంగా ఉంటాయి. ఆరెంజెస్‌లో ఎక్కువ శాతం విటమిన్ సి ఉంటుంది. ఇది కంటి చూపును మెరుగు పరచడంలో ఎంతో హెల్ప్ చేస్తుంది.
చేపలు కూడా ఎక్కువగా తీసుకోవాలి. ఇందులో ఉండే విటమిన్ ఎ, ఓమేగా 3 ఫ్యాటీ యాసిడ్స్ కంటి సమస్యలను రాకుండా చేస్తుంది. గుడ్డు కూడా కళ్లను ఆరోగ్యంగా ఉంచేలా చేస్తాయి. అందుకే ప్రతిరోజూ ఒక గుడ్డు తినాలని చెబుతూ ఉంటారు.
బీట్ రూట్ తినడం ఆరోగ్యానికే కాకుండా కళ్లకు కూడా చాలా మంచిది. ఇందులో ఉండే బీటా కెరోటిన్, యాంటీ ఆక్సిడెంట్లు కంటి ఆరోగ్యాన్ని కాపాడతాయి. ఆకు కూరల్లో కూడా విటమిన్ ఎ లభిస్తుంది. కాబట్టి తరచూ ఆకు కూరలు తినడం మంచిది. (NOTE: ఇందులోని అంశాలు కేవలం అవగాహన కోసం మాత్రమే. నిపుణులు అందించిన సమాచారం ప్రకారం ఇక్కడ తెలియజేయడమైనది. ఆరోగ్యరీత్యా ఎలాంటి సమస్యలు ఉన్నా వైద్య నిపుణుల్ని సంప్రదించడం మేలు.)