Food for Mood: మానసిక ఆరోగ్యాన్ని మెరుగుపరిచే ఆహారాలు.. వీటిని తిన్నారంటే ఆందోళన, ఒత్తిడి పరార్
మానసిక ఆరోగ్యాన్ని మెరుగుపరచడంలో ఆహారం ప్రత్యేక పాత్ర పోషిస్తుంది. మానసిక ఆరోగ్యానికి అవసరమైన అనేక ఆహారాలు ఉన్నాయి. 'ఫీల్-గుడ్' హార్మోన్లను విడుదల చేయడంలో ఇవి సహాయపడతాయి. పుట్టగొడుగుల్లో విటమిన్ డి పుష్కలంగా ఉంటుంది. ఈ ఆహారాలలో యాంటీ డిప్రెషన్ గుణాలు కూడా ఉంటాయి. అంతేకాకుండా విటమిన్ డి మానసిక స్థితిని మెరుగుపరచడంలో సహాయపడుతుంది. డార్క్ చాక్లెట్ కూడా మానసిక స్థితిని మెరుగుపరుస్తుంది. డార్క్ చాక్లెట్‌లో ట్రిప్టోఫాన్ ఉంటుంది..
మానసిక ఆరోగ్యాన్ని మెరుగుపరచడంలో ఆహారం ప్రత్యేక పాత్ర పోషిస్తుంది. మానసిక ఆరోగ్యానికి అవసరమైన అనేక ఆహారాలు ఉన్నాయి. 'ఫీల్-గుడ్' హార్మోన్లను విడుదల చేయడంలో ఇవి సహాయపడతాయి. పుట్టగొడుగుల్లో విటమిన్ డి పుష్కలంగా ఉంటుంది. ఈ ఆహారాలలో యాంటీ డిప్రెషన్ గుణాలు కూడా ఉంటాయి. అంతేకాకుండా విటమిన్ డి మానసిక స్థితిని మెరుగుపరచడంలో సహాయపడుతుంది.
డార్క్ చాక్లెట్ కూడా మానసిక స్థితిని మెరుగుపరుస్తుంది. డార్క్ చాక్లెట్‌లో ట్రిప్టోఫాన్ ఉంటుంది. ఇది ఆనందం, మనశ్శాంతిని అందించడంలో సహాయపడుతుంది. కాబట్టి చాక్లెట్ ఐస్ క్రీం తినడం వల్ల మంచి అనుభూతి కలుగుతుంది.
బాదం, వాల్ నట్స్ తినడం వల్ల మానసిక అలసట తగ్గుతుంది. ఈ గింజల్లోని యాంటీఆక్సిడెంట్లు డిప్రెషన్ ప్రమాదాన్ని తగ్గించడంలో సహాయపడతాయి. మీ మనస్సును ఆరోగ్యంగా ఉంచుకోవడానికి వీటిని స్నాక్స్‌గా తినండి. చలికాలంలో సూర్యరశ్మి తక్కువగా ఉండటం వల్ల శరీరంలో విటమిన్ డి లోపం తలెత్తి మానసిక అలసట పెరుగుతుంది. అయితే, పీచు, విటమిన్ ఇ ఇతర పోషకాలతో నిండిన పాలకూర ఆరోగ్యకరమైన హార్మోన్ల ఉత్పత్తి, పనితీరును పెంచడంలో సహాయపడుతుంది.
సెరోటోనిన్, డోపమైన్ వంటి 'ఫీల్-గుడ్' హార్మోన్ల ఉత్పత్తి, ప్రభావాన్ని పెంచడానికి ప్రతిరోజూ అరటిపండ్లు తినాలి. వీటిల్లో విటమిన్ B6 ఉంటుంది. ఇది మానసిక స్థితిని మెరుగుపరచడంలో సహాయపడుతుంది. అల్పాహారంగా ఓట్స్ తీసుకుంటే మనసు ఆరోగ్యంగా ఉంటుంది. ఇందులో మెగ్నీషియం ఉంటుంది. ఇది మానసిక స్థితిని మెరుగుపరచడంలో సహాయపడుతుంది. ఈ ఆహారం రక్తంలో చక్కెర స్థాయిలను కూడా అదుపులో ఉంచుతుంది. ఇది మిమ్మల్ని శక్తివంతంగా ఉంచుతుంది.
పోషకాలతో కూడిన పప్పు దినుసులు మానసిక ఆరోగ్యానికి కూడా తోడ్పడతాయి. ప్రోటీన్, ఫోలేట్ వంటి పోషకాలు డోపమైన్, సెరోటోనిన్ స్థాయిలను పెంచడంలో సహాయపడతాయి. డిప్రెషన్‌ను దూరం చేయడానికి వీటిని అధికంగా తినాలి.