HP Laptops: ఆ హెచ్‌పీ ల్యాప్‌టాప్స్‌తో మీరే టాప్.. రూ.50 వేలల్లో ది బెస్ట్ ల్యాప్ టాప్స్ ఇవే
ప్రస్తుత రోజుల్లో ల్యాప్‌టాప్‌లు మన జీవితంలో ఒక ముఖ్యమైన భాగంగా మారాయి. ముఖ్యంగా వీటిని ఎక్కడైనా తీసుకెళ్లి పని చేసుకునే వెసులుబాటు ఉండడంతో అందరూ కంప్యూటర్ల కంటే ల్యాప్‌టాప్‌లను ఇష్టపడుతున్నారు. హెచ్‌పీ బ్రాండ్ భారతదేశంలో కొన్ని అత్యుత్తమ ల్యాప్‌టాప్‌లను అందిస్తుంది. శక్తివంతమైన ప్రాసెసర్‌లు, ఆకట్టుకునే బ్యాటరీ లైఫ్, మంచి డిజైన్‌లతో హెచ్‌పీ ల్యాప్‌టాప్‌లు యువతను ఆకట్టుకుంటున్నాయి. ముఖ్యంగా మధ్య-శ్రేణి ధరలో అధునాతన ఫీచర్లతో వచ్చే ల్యాప్‌టాప్‌ల అమ్మకాలు ఇటీవల ఎక్కువయ్యాయి. ఈ నేపథ్యంలో రూ.50 వేలలోపు ధరలో అందుబాటులో ఉండే ల్యాప్‌టాప్స్ గురించి మరిన్ని వివరాలను తెలుసుకుందాం.
హెచ్‌పీ 15ఎస్ 12 జెనరేషన్ ఇంటెల్ కోర్ ఐ5 ప్రాసెసర్‌తో వస్తుంది. 15.6 అంగుళాల డిస్‌ప్లేతో వచ్చే ఈ ల్యాప్టాప్ వర్క్ ఫ్రమ్ హోమ్ చేసే ఉద్యోగులకు అనువుగా ఉంటుంది. విండోస్ 11కు సపోర్ట్ చేసే ఈ ల్యాప్టాప్ వైఫై, బ్లూటూత్, యూఎస్‌బీతో వస్తుంది. ముఖ్యంగా వీడియో కాల్‌లకు అనువైన ట్రూ విజన్ 720పీ హెచ్‌డీ కెమెరాతో వస్తుంది. ఈ ల్యాప్టాప్ ధర: రూ. 47,800గా ఉంది.
హెచ్‌పీ 15ఎస్ రైజన్ 5500యూ ప్రాసెసర్‌తో వస్తుంది. ఈ ల్యాప్ టాప్ స్ట్రీమింగ్, సర్ఫింగ్, మల్టీ టాస్కింగ్ కోసం సరిగ్గా సరిపోతుంది. 15.6 అంగుళాల డిస్ ప్లేతో వచ్చే ఈ ల్యాప్ టాప్ హెచ్‌డీ కెమెరా, డ్యూయల్ అర్రే మైక్‌లు, డ్యూయల్ స్పీకర్‌లతో వస్తుంది. ఏఎండీ రేడియన్ గ్రాఫిక్‌ కార్డుతో వచ్చే ఈ ల్యాప్ టాప్ ఆకర్షణీయమైన కంప్యూటింగ్ అనుభవాన్ని అందిస్తుంది. 16 జీబీ ర్యామ్‌తో వచ్చే ఈ ల్యాప్ టాప్ యూఎస్‌బీ పోర్ట్‌లు, హెచ్‌డీఎంఐ పోర్ట్‌లు, వైఫై, బ్లూటూత్‌తో సహా వివిధ కనెక్టివిటీ ఎంపికలతో వస్తుంది. ఈ ల్యాప్టాప్ ధర రూ. 43,490గా ఉంది.
హెచ్‌పీ 15 ల్యాప్ టాప్ 13 జెనరేషన్, ఇంటెల్ కోర్ ఐ3 ప్రాసెసర్‌తో వస్తుంది. మెరుగైన బ్యాటరీ లైఫ్‌తో వచ్చే ఈ ల్యాప్ టాప్ మైక్రో-ఎడ్జ్ డిస్‌ప్లేతో 15.6 అంగుళాల స్క్రీన్‌తో వస్తుంది. విండోస్ 11, మైక్రోసాఫ్ట్ ఆఫీస్ 2021 పని చేసే ఈ ల్యాప్టాప్ యాంటీ-గ్లేర్ డిస్‌ప్లే ఆకట్టుకుంటుంది. ఈ ల్యాప్టాప్ ఎక్కువగా పని చేసే వారికి సరైన ఎంపికగా ఉంటుంది. 7 గంటల 45 నిమిషాల బ్యాటరీ లైఫ్‌ను అందించే ఈ ల్యాప్టాప్ ధర రూ. 40,990గా ఉంది.
హెచ్ పీ 15 12వ జెన్ ఇంటెల్ కోర్ ఐ3 ప్రాసెసర్‌తో వచ్చే ఈ ల్యాప్ టాప్ 16 జీబీ ర్యామ్‌తో వస్తుంది. మెరగైన మల్టీ టాస్కింగ్‌తో వచ్చే ఈ ల్యాప్టాప్ 512 ఎస్ఎస్‌డీతో వస్తుంది. డ్యూయల్ ఫ్రంట్ ఫేసింగ్ స్పీకర్‌తో పాటు క్రిస్టల్-క్లియర్ ఆడియోను అందిస్తుంది. అల్ట్రా-లైట్ తేలికైన ల్యాప్టాప్. అందువల్ల ఈ ల్యాప్‌టాప్‌ను ఎక్కడికైనా సులభంగా తీసుకువెళ్లవచ్చు. మెరుగైన కంప్యూటింగ్ అనుభవాన్ని అందించే ఈ ల్యాప్టాప్ ధర రూ. 35,999గా ఉంది.
హెచ్ 15 ఎస్ 11వ జెనరేషన్ ల్యాప్టాప్ ఐ5 ప్రాసెసర్‌తో 15.6 అంగుళాల డిస్‌ప్లేతో వస్తుంది. మల్టీటచ్‌తో వచ్చే ఇమేజ్‌ప్యాడ్‌ ఈ ల్యాప్ టాప్ ప్రత్యేకత. యాంటీ-గ్లేర్ డిస్‌ప్లేతో యూఎస్‌బీ, హెచ్‌డీఎంఐ, ఏసీ స్మార్ట్ పిన్, హెడ్‌ఫోన్/మైక్రోఫోన్ పోర్ట్‌తో సహా బహుళ పోర్ట్ ఎంపికలతో వస్తుంది. అలాగే క్రిస్టల్-క్లియర్ ఆడియోను అందించే డ్యూయల్ ఫ్రంట్ ఫేసింగ్ స్పీకర్ కూడా ఉంది. ఈ ల్యాప్టాప్ ధర రూ. 41,499గా ఉంది.