Vivo X100 Pro: వివో నుంచి మరో స్టన్నింగ్ ఫోన్… 3డీ డిస్‌ప్లేతో పాటు మరెన్నో ఫీచర్స్‌..
మార్కెట్లోకి రోజుకో కొత్త స్మార్ట్ ఫోన్ సందడి చేస్తోంది. దీపావళి సీజన్‌ను టార్గెట్ చేసుకొని కొత్త ఫోన్స్‌ను విడుదల చేస్తున్నారు. ఈ క్రమంలోనే తాజాగా చైనాకు చెందిన స్మార్ట్ ఫోన్ దిగ్గజం వివో మరో కొత్త ఫోన్‌ను తీసుకొస్తోంది. వివో ఎక్స్ 100 ప్రో పేరుతో చైనాలో ఈ ఫోన్‌ను లాంచ్ చేయనున్నారు. ఈ ఫోన్‌లో ఎలాంటి ఫీచర్లు ఉండనున్నాయి.? ధర ఎంత.? లాంటి పూర్తి వివరాలు మీకోసం..
చైనాకు చెందిన స్మార్ట్ ఫోన్ దిగ్గజ సంస్థ వివో కొత్త ఫోన్‌ను లాంచ్ చేసింది. వివో ఎక్స్ 100 ప్రో పేరుతో కొత్త ఫోన్‌ను లాంచ్ చేస్తోంది. నవంబర్‌ 13వ తేదీన ఈ ఫోన్‌ను చైనా మార్కెట్లోకి తీసుకొస్తుండగా, భారత మార్కెట్లోకి ఎప్పుడు తెస్తారన్న దానిపై స్పష్టత ఇవ్వలేదు.
ఈ స్మార్ట్ ఫోన్‌ను రెండు వేరియంట్స్‌లో తీసుకురానున్నారు. 12 జీబీ ర్యామ్‌, 256 జీబీ స్టోరేజ్, 16 జీబీ ర్యామ్‌, 512 జీబీ స్టోరేజ్ వేరియంట్‌, 16 జీబీ ర్యామ్‌, 1 టీబీ స్టోరేజ్ వేరియంట్స్‌లో లాంచ్ చేయనున్నారు.
వివో ఎక్స్ 100 ప్రో స్మార్ట్ ఫోన్‌లో 6.78 ఇంచెస్‌తో కూడిన అమోఎల్‌ఈడీ డిస్‌ప్లేను అందించారు. 2,800 x 1,260 పిక్సెల్స్‌ ఈ స్క్రీన్‌ సొంతం. ఇక ఈ ఫోన్‌లో 4ఎన్‌ఎమ్‌ మీడియాటెక్‌ డైమెన్సిటీ 9300 ఎస్‌సోసీ ప్రాసెసర్‌ను అందించారు. ఆండ్రాయిడ్‌ 14 ఆపరేటింగ్ సిస్టమ్‌తో ఈ ఫోన్ పనిచేయనుంది.
కెమెరా విషయానికొస్తే ఈ స్మార్ట్ ఫోన్‌లో ట్రిపుల్ కెమెరా సెటప్‌తో కూడిన రెయిర్‌ కెమెరాను అందించనున్నారు. ఇందులో 64 మెగాపిక్సెల్స్‌తో కూడిన ప్రైమరీ కెమెరాతో పాటు, 50 మెగాపిక్సెల్స్‌తో కూడిన రెండు కెమెరాలను అందించారు. 100 ఎక్స్ డిజిటల్‌ జూమ్‌ ఈ కెమెరా సొంతం. ఇక సెల్ఫీ విషయానికొస్తే ఇందులో 32 మెగాపిక్సెల్స్‌తో కూడి ఫ్రంట్ కెమెరాను అందించారు.
బ్యాటరీ విషయానికొస్తే ఈ స్మార్ట్ ఫోన్‌లో 120 వాట్స్‌ వైర్డ్‌ ఫాస్ట్ ఛార్జింగ్‌కు సపోర్ట్ చేసే 5000 ఎమ్‌ఏహెచ్‌ బ్యాటరీని అందించారు. ఇందులో బ్లూటూత్‌ 5.4, వైఫై వంటి కనెక్టివిటీ ఫీచర్లను అందించారు. శాటిలైట్ నావిగేషన్ సిస్టమ్‌, నావిక్‌సీ వంటి ఫీచర్లను అందించారు.