Galaxy F14: రూ. 9 వేల‌లో 5జీ స్మార్ట్‌ఫోన్‌.. అది కూడా సామ్‌సంగ్ నుంచి..
ప్ర‌స్తుతం భార‌త్‌లో 5జీ సేవ‌లు వేగంగా విస్త‌రిస్తున్నాయి. దీంతో 5జీ నెట్‌వ‌ర్క్‌కి స‌పోర్ట్ చేసే ఫోన్స్ మార్కెట్లోకి విడుద‌లవుతున్నాయి. కంపెనీల మ‌ధ్య నెల‌కొన్న పోటీ నేప‌థ్యంలో త‌క్కువ ధ‌ర‌కే 5జీ ఫోన్స్ అంద‌బాటులోకి వ‌స్తున్నాయి. ఈ క్ర‌మంలోనే తాజాగా ప్ర‌ముఖ ఎల‌క్ట్రానిక్ దిగ్గ‌జం సామ్‌సంగ్ మార్కెట్లోకి బ‌డ్జెట్ ఫోన్‌ను తీసుకొచ్చింది. సామ్‌సంగ్ గ్యాల‌క్సీ ఎఫ్‌14 పేరుతో తీసుకొచ్చిన ఈ ఫోన్‌లో ఎలాంటి ఫీచ‌ర్లు ఉన్నాయో ఇప్పుడు తెలుసుకుందాం..
సామ్‌సంగ్ గ్యాల‌క్సీ 14 పేరుతో బ‌డ్జెట్‌లోకి బ‌డ్జెట్ 5జీ ఫోన్‌ను తీసుకొచ్చారు. ఈ స్మార్ట్ ఫోన్‌లో ఫుల్‌హెచ్డీ ప్ల‌స్ డిస్‌ప్లేను అందించారు. సామ్‌సంగ్ అధికారికంగా వెబ్‌సైట్‌తో పాటు, అమెజాన్‌, ఫ్లిప్‌కార్ట్‌లో ఈ ఫోన్ అందుబాటులోకి వ‌చ్చింది.
ఫీచ‌ర్ల విష‌యానికొస్తే ఈ స్మార్ట్ ఫోన్‌లో 6.7 ఇంచెస్‌తో కూడిన ఐపీఎస్ ఎల్‌సీడీ ఫుల్ హెచ్‌డీ+ రిజ‌ల్యూష‌న్ స్క్రీన్‌ను అందించారు. 90Hz రిఫ్రెష్ రేట్ ఈ స్క్రీన్ సొంతం. ఇక ఈ ఫోన్ క్వాల్క‌మ్ స్నాప్‌డ్రాగ‌న్ 680 చిప్‌సెట్‌తో ప‌నిచేస్తుంది. ఇందులోని ఆండ్రాయిడ్ 14 బేస్డ్ OneUI 6.1 OSలో రన్ అవుతుంది.
కెమెరా విష‌యానికొస్తే ఈ స్మార్ట్ ఫోన్‌లో 50 ఎంపీతో కూడిన ప్రైమ‌రీ కెమెరాను అందించారు. అలాగే 2 మెగాపిక్సెల్స్‌తో కూడిన 2 ఎంపీతో కూడిన మ‌రో రెండు కెమెరాల‌ను అందించారు. ఇక సెల్పీలు, వీడియో కాల్స్ కోసం ఇందులో 13 మెగాపిక్సెల్స్‌తో కూడిన ఫ్రంట్ కెమెరాను ఇచ్చారు.
ఇక ఈ ఫోన్‌లో 25 వాట్స్ ఫాస్ట్ ఛార్జింగ్‌కు స‌పోర్ట్ చేసే 5000 ఎమ్ఏహెచ్ బ్యాట‌రీని అందించారు. క‌నెక్టివిటీ విష‌యానికొస్తే ఈ స్మార్ట్ ఫోన్‌లో డ్యూయల్ సిమ్, 4G LTE, WiFi 5, బ్లూటూత్ 5.1, GPS వంటి ఫీచ‌ర్ల‌ను అందించారు. గ‌తేడాది తీసుకొచ్చిన గ్యాల‌క్సీ ఎఫ్‌14 ఫోన్‌కి అప్‌డగ్రేడ్ వెర్ష‌న్‌గా ఈ ఫోన్‌ను తీసుకొచ్చారు.
ధ‌ర విష‌యానికొస్తే ఈ స్మార్ట్ ఫోన్ 4జీబీ ర్యామ్‌, 64 జీబీ స్టోరేజ్ వేరియంట్ ధ‌ర రూ. 8,999గా నిర్ణ‌యించారు. ఇక ఈ ఫోన్‌ను మూన్‌లైట్ సిల్వర్ మరియు పెప్పర్‌మింట్ గ్రీన్ కలర్స్‌లో తీసుకొచ్చారు.